80/20 ಡಯಟ್ ಸೂತ್ರದಿಂದ 3 ತಿಂಗಳಲ್ಲಿ 50 ಕೆಜಿ ತೂಕ ಇಳಿಸಿದವರ ಕಥೆ ನೆಚ್ಚಿನ ಆಹಾರ ಬಿಡದೆ ಫ್ಯಾಟ್ ಲಾಸ್ ಹೇಗೆ ಸಾಧ್ಯ?

ಬೆಂಗಳೂರು: ತೂಕ ಇಳಿಸಿಕೊಳ್ಳಬೇಕು (Weight Loss) ಅಂದುಕೊಂಡ ತಕ್ಷಣ ನಮಗೆ ಮೊದಲು ನೆನಪಾಗುವುದು ಕಠಿಣವಾದ ಡಯಟ್ ಪ್ಲಾನ್‌ಗಳು. ನೆಚ್ಚಿನ ಬಿರಿಯಾನಿ, ಸ್ವೀಟ್ಸ್ ಎಲ್ಲವನ್ನೂ ಬಿಟ್ಟು, ಕೇವಲ ಚಪಾತಿ ಅಥವಾ ಬೇಯಿಸಿದ ತರಕಾರಿ ತಿನ್ನುತ್ತಾ ಕಷ್ಟಪಡುವುದಕ್ಕೆ ಬಹುತೇಕರು ಬೇಸತ್ತು ಹೋಗುತ್ತಾರೆ. ಕೊನೆಗೆ ಕಠಿಣ ಡಯಟ್‌ನಿಂದ ಬೇಸತ್ತು ತೂಕ ಇಳಿಸುವ ಆಲೋಚನೆಯನ್ನೇ ಕೈಬಿಡುತ್ತಾರೆ. ಆದರೆ, ನಿಮ್ಮ ನೆಚ್ಚಿನ ಆಹಾರವನ್ನು ಸಂಪೂರ್ಣವಾಗಿ ತ್ಯಜಿಸದೆಯೇ ಅತ್ಯಂತ ಸುಲಭವಾಗಿ ಮತ್ತು ಆರೋಗ್ಯಕರವಾಗಿ ತೂಕ ಇಳಿಸಿಕೊಳ್ಳಬಹುದು ಎನ್ನುತ್ತಾರೆ ಫ್ಯಾಟ್ ಲಾಸ್ ಮತ್ತು ಲೈಫ್‌ಸ್ಟೈಲ್ ಕೋಚ್ ಅಲೆನ್ ನ್ಗುಯೆನ್.

ಕಳೆದ 8 ವರ್ಷಗಳಿಂದ ಫಿಟ್‌ನೆಸ್ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ಅಲೆನ್, ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ವಿಡಿಯೋದಲ್ಲಿ ‘80/20 ಡಯಟ್ ರೂಲ್’ ಎಂಬ ಮ್ಯಾಜಿಕ್ ಸೂತ್ರವನ್ನು ಹಂಚಿಕೊಂಡಿದ್ದಾರೆ. ಈ ಸರಳ ಪದ್ಧತಿಯನ್ನು ಬಳಸಿ ಅವರ ಕ್ಲೈಂಟ್ ಡೆಕ್ಲಾನ್ ಎಂಬುವವರು ಬರೋಬ್ಬರಿ 50 ಕೆಜಿಗೂ ಹೆಚ್ಚು ತೂಕ ಇಳಿಸಿಕೊಂಡು ಸಾಧನೆ ಮಾಡಿದ್ದಾರೆ! ಹಾಗಾದರೆ ಏನಿದು 80/20 ಸೂತ್ರ? ಅದರ ಡಯಟ್ ಚಾರ್ಟ್ ಹೇಗಿರುತ್ತದೆ?

📱 ಬ್ರೇಕಿಂಗ್ ನ್ಯೂಸ್ ಬೇಗ ಬೇಕೆ?KannadaDunia App ಡೌನ್‌ಲೋಡ್ ಮಾಡಿ, ತಾಜಾ ಸುದ್ದಿ ಮೊದಲು ಪಡೆಯಿರಿ.

APP ತೆರೆಯಿರಿ

View this post on Instagram

A post shared by Allan Nguyen | Online Fat Loss & Lifestyle Coach (@allan.coach)

ಏನಿದು 80/20 ನಿಯಮ

ಈ ನಿಯಮದ ಪರಿಕಲ್ಪನೆ ಅತ್ಯಂತ ಸರಳ ಮತ್ತು ಪ್ರಾಯೋಗಿಕವಾಗಿದೆ. ನಿಮ್ಮ ದಿನನಿತ್ಯದ ಆಹಾರ ಪದ್ಧತಿಯನ್ನು ಎರಡು ಭಾಗಗಳಾಗಿ ವಿಂಗಡಿಸಬೇಕು:

80 ಪ್ರತಿಶತ (80%) ಪೌಷ್ಟಿಕ ಆಹಾರ: ನಿಮ್ಮ ದಿನದ ಶೇ. 80 ರಷ್ಟು ಆಹಾರವು ನೈಸರ್ಗಿಕ, ಪ್ರೋಟೀನ್ ಯುಕ್ತ ಮತ್ತು ಪೌಷ್ಟಿಕಾಂಶಗಳಿಂದ ಕೂಡಿರಬೇಕು. ಇದು ನಿಮ್ಮ ಹೊಟ್ಟೆಯನ್ನು ತುಂಬಿಸಿ, ದೇಹಕ್ಕೆ ದಿನವಿಡೀ ಎನರ್ಜಿ ನೀಡುತ್ತದೆ. ಇದು ನಿಮ್ಮ ದಿನದ ಭದ್ರ ಬುನಾದಿಯಾಗಿದೆ.

20 ಪ್ರತಿಶತ (20%) ನೆಚ್ಚಿನ ಆಹಾರ: ಇನ್ನುಳಿದ ಶೇ. 20 ರಷ್ಟು ಭಾಗದಲ್ಲಿ ನೀವು ಇಷ್ಟಪಡುವ ಚಾಕೊಲೇಟ್, ಐಸ್‌ಕ್ರೀಮ್ ಅಥವಾ ಇನ್ಯಾವುದೇ ನೆಚ್ಚಿನ ತಿನಿಸುಗಳನ್ನು ತಿನ್ನಬಹುದು.

ಕೋಚ್ ಅಲೆನ್ ಅವರ ಮಾತು:

“ಇದು ನೂರಕ್ಕೆ ನೂರು ಪರಿಪೂರ್ಣ ಆಹಾರ ಪದ್ಧತಿ ಅಲ್ಲದಿರಬಹುದು, ಆದರೆ ಇದನ್ನು ದೀರ್ಘಕಾಲದವರೆಗೆ ಯಾವುದೇ ಬೇಸರವಿಲ್ಲದೆ ಮುಂದುವರಿಸಿಕೊಂಡು ಹೋಗಬಹುದು. ಡಯಟ್ ಜಗತ್ತಿನಲ್ಲಿ ಯಾವುದು ನಿರಂತರವಾಗಿ ಮಾಡಲು ಸಾಧ್ಯವೋ, ಅದರಿಂದಲೇ ಅತ್ಯುತ್ತಮ ಫಲಿತಾಂಶ ಸಿಗುತ್ತದೆ.”

ತೂಕ ಇಳಿಸಲು ಅಲೆನ್ ಸೂಚಿಸಿದ 80/20 ಮೀಲ್ ಪ್ಲಾನ್ ಇಲ್ಲಿದೆ:

ಅವರ ಕ್ಲೈಂಟ್ 50 ಕೆಜಿ ತೂಕ ಇಳಿಸಿಕೊಳ್ಳಲು ಫಾಲೋ ಮಾಡಿದ ದಿನನಿತ್ಯದ ಆಹಾರದ ಚಾರ್ಟ್ (ಸುಮಾರು 1,615 ಕ್ಯಾಲೋರಿಗಳು) ಇಲ್ಲಿದೆ:

ಬೆಳಗಿನ ಉಪಹಾರ (Breakfast): ಹೈ-ಪ್ರೋಟೀನ್ ಯೋಗರ್ಟ್ ಬೌಲ್ (345 ಕ್ಯಾಲೋರಿ)

250 ಗ್ರಾಂ ವೆನಿಲ್ಲಾ ಹೈ-ಪ್ರೋಟೀನ್ ಮೊಸರು (Yoghurt)

100 ಗ್ರಾಂ ರಾಸ್ಪ್ಬೆರಿ ಮತ್ತು 100 ಗ್ರಾಂ ಬ್ಲೂಬೆರಿ ಹಣ್ಣುಗಳು

12 ಗ್ರಾಂ ಗ್ರನೋಲಾ (Granola) ಮತ್ತು 10 ಗ್ರಾಂ ಜೇನುತುಪ್ಪ

ಮಧ್ಯಾಹ್ನದ ಊಟ (Lunch): ಬೀಫ್ ಸ್ಟಿರ್ ಫ್ರೈ ಬೌಲ್ (490 ಕ್ಯಾಲೋರಿ)
(ಭಾರತೀಯರು ಬೀಫ್ ಬದಲಿಗೆ ಚಿಕನ್ ಕಿಮಾ ಅಥವಾ ಪನೀರ್/ಸೋಯಾ ಬಳಸಬಹುದು)

150 ಗ್ರಾಂ ಕೊಬ್ಬು ರಹಿತ ಮಾಂಸ (Lean mince)

120 ಗ್ರಾಂ ಬೇಯಿಸಿದ ಜಸ್ಮಿನ್ ರೈಸ್ (ಅನ್ನ)

250 ಗ್ರಾಂ ಕ್ಯಾರೆಟ್, ಬ್ರೊಕೋಲಿ ಮತ್ತು ಕಾರ್ನ್ (ಜೋಳ) ಮಿಶ್ರಣ

ಎಸಳು ಬೆಳ್ಳುಳ್ಳಿ, 1 ಚಮಚ ಹಸಿಶುಂಠಿ, 15 ಮಿಲಿ ಸೋಯಾ ಸಾಸ್ ಮತ್ತು 5 ಮಿಲಿ ಜೇನುತುಪ್ಪ

ರಾತ್ರಿಯ ಊಟ (Dinner): ಗ್ರಿಲ್ಡ್ ಚಿಕನ್ ಬುರ್ರಿಟೋ ಬೌಲ್ (780 ಕ್ಯಾಲೋರಿ)
ಗ್ರಿಲ್ಡ್ ಚಿಕನ್ ಬುರ್ರಿಟೋ ಬೌಲ್ ಜೊತೆಗೆ 20% ಕ್ರೇವ್ಸ್ ತಣಿಸಲು ‘ಕೋಕ್ ಝೀರೋ’ (Coke Zero) ಮತ್ತು ಒಂದು ‘ಪಾಪ್ಸಿಕಲ್’ (ಐಸ್‌ಕ್ರೀಮ್ ಕ್ಯಾಂಡಿ).