ಬೇಕಾಗುವ ಸಾಮಗ್ರಿ: 1 ಕಪ್ ಸಣ್ಣಗೆ ಹೆಚ್ಚಿದ ಕ್ಯಾಬೇಜ್, ಬೀನ್ಸ್, ಕ್ಯಾರೇಟ್, ದೊಡ್ಡ ಮೆಣಸು, 2 ಈರುಳ್ಳಿ, 1/2 ಚಮಚ ಕಾಳು ಮೆಣಸು ಪುಡಿ, 1/2 ಚಮಚ ಚಿಲ್ಲಿ ಸಾಸ್, 2 ಹಸಿ ಮೆಣಸು, 1 ಚಮಚ ಸೋಯಾ ಸಾಸ್, ಉಪ್ಪು ಹಾಗೂ ಅಡುಗೆ ಎಣ್ಣೆ
ಮಾಡುವ ವಿಧಾನ: ಒಂದು ಪಾತ್ರೆಗೆ ಅಡುಗೆ ಎಣ್ಣೆಯನ್ನ ಹಾಕಿ. ಇದಕ್ಕೆ ಸಣ್ಣಗೆ ಹೆಚ್ಚಿದ ಕ್ಯಾಬೇಜ್, ಬೀನ್ಸ್, ಕ್ಯಾರೇಟ್ಗಳನ್ನ ಹಾಕಿ ಒಂದತ್ತು ನಿಮಿಷ ಹುರಿಯಿರಿ. ಇದಾದ ಮೇಲೆ ಈರುಳ್ಳಿ, ದೊಡ್ಡ ಮೆಣಸು, ಮೆಣಸನ್ನ ಹಾಕಿ ಇನ್ನೊಮ್ಮೆ ಹುರಿಯಿರಿ. ತರಕಾರಿ ಬೇಯುವಾಗಲೇ ಸ್ವಲ್ಪ ಉಪ್ಪನ್ನ ಹಾಕಿ. ಇದಕ್ಕೆ ಸೋಯಾ ಸಾಸ್ ಹಾಗೂ ಚಿಲ್ಲಿ ಸಾಸ್ ಹಾಕಿ. ಬಳಿಕ ಈ ಗ್ರೇವಿಗೆ ಅನ್ನವನ್ನ ಹಾಕಿ.
ಇದಾದ ಮೇಲೆ ಕಾಳು ಮೆಣಸಿನ ಪುಡಿ, ರುಚಿಗೆ ಬೇಕು ಅಂದರೆ ಉಪ್ಪನ್ನ ಹಾಕಿ. ಕೊನೆಯಲ್ಲಿ ಅಲಂಕಾರಕ್ಕೆ ಕೊತ್ತಂಬರಿ ಸೊಪ್ಪನ್ನ ಹಾಕಿದರೆ ರೆಸ್ಟಾರೆಂಟ್ ಶೈಲಿಯ ವೆಜ್ ಫ್ರೈಡ್ ರೈಸ್ ಸವಿಯಲು ಸಿದ್ಧ.
