ಇಂಗ್ಲೆಂಡ್‌ನ ಸ್ವಿಂಡನ್‌ನಲ್ಲಿ 45 ವರ್ಷದ ಮಹಿಳೆಯೊಬ್ಬರ ದೇಹವನ್ನು ಒಂದು ತಿಂಗಳ ನಂತರ ಅವರ ಮನೆಯಲ್ಲಿ ಪತ್ತೆ ಮಾಡಲಾಗಿದೆ. ಆ ಮಹಿಳೆ ಸಾಕು ನಾಯಿಗಳಿಂದ ಭಾಗಶಃ ತಿನ್ನಲ್ಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಹಾರ್ಟ್ ಎಂದು ಗುರುತಿಸಲಾದ ಈ ಮಹಿಳೆ ಮಾನಸಿಕ ಖಿನ್ನತೆ ಮತ್ತು ದೀರ್ಘಕಾಲದ ನೋವಿನಿಂದ ಬಳಲುತ್ತಿದ್ದರು. ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.
ಘಟನೆ ವಿವರ
ಒಂದು ತಿಂಗಳಿನಿಂದ ಹಾರ್ಟ್ ಕಾಣಿಸದಿದ್ದರಿಂದ ಮತ್ತು ಅವರ ನಾಯಿಗಳು ನಿರಂತರವಾಗಿ ಬೊಗಳುತ್ತಿದ್ದರಿಂದ ನೆರೆಹೊರೆಯವರು ಅನುಮಾನಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ನೆರೆಹೊರೆಯವರಾದ ಲೊರೈನ್ ಅವರು ಹೆಚ್ಚುವರಿ ಕೀ ಬಳಸಿ ಮನೆಗೆ ಪ್ರವೇಶಿಸಲು ಪ್ರಯತ್ನಿಸಿದಾಗ ಬಾಗಿಲಿನ ಒಳಭಾಗದಲ್ಲಿ ಕೀ ಇದ್ದುದರಿಂದ ಸಾಧ್ಯವಾಗಲಿಲ್ಲ. ನಂತರ ಪೊಲೀಸರಿಗೆ ಕರೆ ಮಾಡಿದರು. ಪೊಲೀಸರು ಬಂದು ನೋಡಿದಾಗ ಹಾರ್ಟ್ ಅವರ ದೇಹ ಭಾಗಶಃ ಅವರ ನಾಯಿಗಳಿಂದ ತಿನ್ನಲ್ಪಟ್ಟ ಸ್ಥಿತಿಯಲ್ಲಿತ್ತು. ಒಂದು ಡಚ್‌ಶಂಡ್ ನಾಯಿ ಸ್ಥಳದಲ್ಲೇ ಸತ್ತು ಬಿದ್ದಿತ್ತು, ಇನ್ನೊಂದು ನಾಯಿ ಆತಂಕದಿಂದ ಬಳಲುತ್ತಿತ್ತು.
ಹಾರ್ಟ್ ಅವರು “ತೊಂದರೆಗೀಡಾದ ಆತ್ಮ” ಎಂದು ಲೊರೈನ್ ವಿವರಿಸಿದ್ದಾರೆ. ಅವರು “ಮಾನಸಿಕ ಆರೋಗ್ಯ ಸಮಸ್ಯೆಗಳಿಂದ” ಬಳಲುತ್ತಿದ್ದರು ಮತ್ತು ಇತ್ತೀಚೆಗೆ ಅವರ ದೀರ್ಘಕಾಲದ ಗೆಳೆಯನೊಂದಿಗೆ ಬ್ರೇಕ್-ಅಪ್ ಆಗಿತ್ತು. ಹಾರ್ಟ್ ಅವರ ಮಗ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ತಾಯಿಗೆ ಸಂತಾಪ ಸೂಚಿಸಿದ್ದಾರೆ.
ಹಾರ್ಟ್ ಅವರು ನಾಯಿ ಪ್ರೇಮಿಯಾಗಿದ್ದರು ಮತ್ತು 2022 ರಲ್ಲಿ ಫ್ರಾಂಕಿ ಎಂಬ ಡಚ್‌ಶಂಡ್ ನಾಯಿಯನ್ನು ಪಡೆದಿದ್ದರು ಮತ್ತು 2023 ರಲ್ಲಿ ಮಿಲ್ಲಿಯನ್ನು ದತ್ತು ತೆಗೆದುಕೊಂಡಿದ್ದರು. ಅವರು ನಾಯಿ ಮರಿಗಳನ್ನು ಮಾರಾಟ ಮಾಡಲು ಯೋಜಿಸಿದ್ದರು ಎಂದು ವರದಿಯಾಗಿದೆ.
