ವಯನಾಡ್ : ವಯನಾಡ್ ಭೂಕುಸಿತದಲ್ಲಿ ಇದುವರೆಗೆ 300 ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದು, ವಯನಾಡು ಅಕ್ಷರಶ ನಲುಗಿ ಹೋಗಿದೆ.
ಕಣ್ಣೂರಿನ 3 ನೇ ತರಗತಿ ಪುಟ್ಟ ಬಾಲಕಿಯೊಬ್ಬಳು ಬರೆದ ಹೃದಯ ವಿದ್ರಾವಕ ಬರಹ , ಹೃದಯ ಸ್ಪರ್ಶಭರಿತ ಮಾತುಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಕಣ್ಣೂರು ಜಿಲ್ಲೆಯ ಮುಯ್ಯಂ ಎಯುಪಿ ಶಾಲೆಯ 8 ವರ್ಷದ ವಿದ್ಯಾರ್ಥಿನಿ ಅದಿತಿ ವಯನಾಡ್ ಪ್ರದೇಶದಲ್ಲಿ ಭೂಕುಸಿತ ಸಂಭವಿಸಿದ ಒಂದು ದಿನದ ನಂತರ ತನ್ನ ಆಲೋಚನೆಗಳನ್ನು ತನ್ನ ಡೈರಿಯಲ್ಲಿ ಬರೆದಿದ್ದಾಳೆ
ಡೈರಿಯಲ್ಲಿ ಬಾಲಕಿಯ ಬರಹ ಹೀಗಿದೆ
“ಇಂದು ನನ್ನ ರಜಾದಿನವಾಗಿತ್ತು. ನನ್ನ ತಾಯಿ ಟಿವಿ ಆನ್ ಮಾಡಿದಾಗ, ಮೆಪ್ಪಾಡಿ ಬಳಿ ಭೂಕುಸಿತ ದುರಂತದ ಸುದ್ದಿಯನ್ನು ನಾನು ನೋಡಿದೆ. ಇಡೀ ಪ್ರದೇಶವು ಪ್ರವಾಹಕ್ಕೆ ಸಿಲುಕಿತ್ತು. ಅನೇಕ ಜನರು ಪ್ರಾಣ ಕಳೆದುಕೊಂಡರು ಮತ್ತು ಅನೇಕರು ಕಾಣೆಯಾಗಿದ್ದಾರೆ. ಹಲವಾರು ಮನೆಗಳು ಸಂಪೂರ್ಣವಾಗಿ ನಾಶವಾಗಿವೆ. ಟಿವಿಯಲ್ಲಿ, ಜನರು ಅಳುವುದನ್ನು ನೋಡಿದೆ. ದೇವರು ಯಾರನ್ನೂ ಏಕೆ ರಕ್ಷಿಸುತ್ತಿಲ್ಲ?” ಎಂದು ಪುಟ್ಟ ಬಾಲಕಿ ಬರೆದುಕೊಂಡಿದ್ದಾಳೆ.
ಪುಟ್ಟ ಬಾಲಕಿಯ ಬರಹ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ವಯನಾಡ್ ಪ್ರದೇಶದಲ್ಲಿ ಭಾರಿ ದೊಡ್ಡ ದುರಂತ ಸಂಭವಿಸಿದ್ದು, ವಯನಾಡು ಅಕ್ಷರಶ ನಲುಗಿ ಹೋಗಿದೆ.
