ಅಮೆರಿಕದಲ್ಲಿ ನಡೆದ ಗುಂಡಿನ ದಾಳಿಗೆ ಮೂವರು ಬಲಿಯಾಗಿದ್ದಾರೆ. ಕಿರಾಣಿ ಅಂಗಡಿಗೆ ನುಗ್ಗಿದ ವ್ಯಕ್ತಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದು, ಮೂವರು ಸಾವನ್ನಪ್ಪಿದ್ದಾರೆ. 13 ಮಂದಿ ಗಾಯಗೊಂಡಿದ್ದಾರೆ.
ಅಮೆರಿಕದ ದಕ್ಷಿಣ ನಗರ ಅರ್ಕಾನ್ಸಾಸ್ ನ ಕಿರಾಣಿ ಅಂಗಡಿಯಲ್ಲಿ ವ್ಯಕ್ತಿ ಗುಂಡು ಹಾರಿಸಿದ್ದು, 3 ಮಂದಿ ಮೃತಪಟ್ಟಿದ್ದಾರೆ. ಅರ್ಕಾನ್ಸಾಸ್ ನ ಕಿರಾಣಿ ಅಂಗಡಿಯೊಂದರಲ್ಲಿ ಶೂಟರ್ ಫೈರಿಂಗ್ ಮಾಡಿದ್ದು, ಅಲ್ಲಿದ್ದವರು ಆತಂಕದಿಂದ ಓಡಿದ್ದಾರೆ. ಗುಂಡಿನ ದಾಳಿ ನಡೆಸಿದ ವ್ಯಕ್ತಿಯನ್ನು ಪೊಲೀಸರು ಹೊಡೆದುರುಳಿಸಿದ್ದಾರೆ.
ಗಾಯಗೊಂಡವರಲ್ಲಿ ಇಬ್ಬರು ಕಾನೂನು ಜಾರಿ ಅಧಿಕಾರಿಗಳು ಸೇರಿದ್ದಾರೆ. ಲಿಟಲ್ ರಾಕ್‌ ನ ದಕ್ಷಿಣಕ್ಕೆ 65 ಮೈಲಿ(104 ಕಿಲೋಮೀಟರ್) ದೂರದಲ್ಲಿರುವ ಸುಮಾರು 3,200 ಜನರಿರುವ ನಗರವಾದ ಫೋರ್ಡೈಸ್‌ನಲ್ಲಿರುವ ಮ್ಯಾಡ್ ಬುಚರ್ ಕಿರಾಣಿ ಅಂಗಡಿಯಲ್ಲಿ ಸುಮಾರು ಶೂಟಿಂಗ್ ಸಂಭವಿಸಿದೆ ಎಂದು ರಾಜ್ಯ ಪೊಲೀಸರು ತಿಳಿಸಿದ್ದಾರೆ.
ಇದು ದುರಂತ, ನಮ್ಮ ಹೃದಯಗಳು ಛಿದ್ರವಾಗಿವೆ” ಎಂದು ಅರ್ಕಾನ್ಸಾಸ್ ರಾಜ್ಯ ಪೊಲೀಸ್ ಮತ್ತು ಸಾರ್ವಜನಿಕ ಸುರಕ್ಷತಾ ಕಾರ್ಯದರ್ಶಿಯ ನಿರ್ದೇಶಕ ಕರ್ನಲ್ ಮೈಕ್ ಹಗರ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.
ಶಂಕಿತ ಶೂಟರ್‌ನನ್ನು ನ್ಯೂ ಎಡಿನ್‌ಬರ್ಗ್‌ನ 44 ವರ್ಷದ ಟ್ರಾವಿಸ್ ಯುಜೀನ್ ಪೋಸಿ ಎಂದು ಪೊಲೀಸರು ಗುರುತಿಸಿದ್ದಾರೆ.
