ನಿಗೂಢವಾಗಿ ವೈದ್ಯ ಸಾವು, ಪತ್ನಿ ಮೇಲೆಯೇ ಅನುಮಾನ

ಲಕ್ನೋ: ಲಕ್ನೋದಲ್ಲಿ ಯುನಾನಿ ವೈದ್ಯನನ್ನು ಕೊಂದ ಆರೋಪದ ಮೇಲೆ ಮೃತನ ಪತ್ನಿ ಸೇರಿ ನಾಲ್ವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಜನವರಿ 27 ರಂದು ಲಕ್ನೋದ ಗಾಜಿಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿನ ಅವರ ಮನೆಯಲ್ಲಿ ವೈದ್ಯರು ನಿಗೂಢವಾಗಿ ಸಾವನ್ನಪ್ಪಿದ್ದರು.

ವೈದ್ಯ ಫಯಾಜ್ ಅಹ್ಮದ್ ಅವರನ್ನು ಕೊಂದಿದ್ದಾರೆ ಎಂದು ಸಹೋದರ ಶಂಸುದ್ದೀನ್ ದೂರು ದಾಖಲಿಸಿದ್ದು, ಮೃತನ ಪತ್ನಿ, ಆಕೆಯ ಸಹೋದರ, ಆಕೆಯ ಸಹೋದರಿ ಮತ್ತು ಆಕೆಯ ಸೋದರ ಮಾವನ ವಿರುದ್ಧ ದೂರು ದಾಖಲಾಗಿದೆ.

ಶಂಸುದ್ದೀನ್ ಪ್ರಕಾರ, ಜನವರಿ 26 ರಂದು, ಫಯಾಜ್ ಅವರ ಪತ್ನಿ ಅಲಿಘರ್‌ನಲ್ಲಿರುವ ತನ್ನ ತಾಯಿಯ ಮನೆಯಿಂದ ತನ್ನ ಸಹೋದರ, ಸಹೋದರಿ ಮತ್ತು ಸಹೋದರಿಯ ಪತಿಗೆ ಕರೆ ಮಾಡಿದ್ದರು. ನಂತರ ಎಲ್ಲರೂ ಫಯಾಜ್ ನನ್ನು ಮನಬಂದಂತೆ ಥಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಅಕ್ಕಪಕ್ಕದ ಮನೆಯವರು ಮನೆಯಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿರುವುದನ್ನು ಕಂಡು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.

ಉತ್ತರ ವಿಭಾಗದ ಡಿಸಿಪಿ ಕಾಸಿಂ ಅಬ್ದಿ ಮಾತನಾಡಿ, ‘ಅಹ್ಮದ್ ಅವರ ಸಹೋದರ ನೀಡಿದ ದೂರಿನ ಆಧಾರದ ಮೇಲೆ ಡಾ.ಫಯಾಜ್ ಅಹ್ಮದ್ ಅವರ ಪತ್ನಿ ಮತ್ತು ಅವರ ಸಂಬಂಧಿಕರ ವಿರುದ್ಧ ನಿರ್ದಾಕ್ಷಿಣ್ಯ ನರಹತ್ಯೆ ಪ್ರಕರಣ ದಾಖಲಿಸಲಾಗಿದೆ. ಘಟನೆಯ ರಾತ್ರಿ ಅಹ್ಮದ್ ಮತ್ತು ಅವರ ಪತ್ನಿ ನಡುವೆ ಜಗಳ ನಡೆದಿದೆ. ಆಕೆಯ ಸಂಬಂಧಿಕರು ಮಾತ್ರ ಕರೆದಿದ್ದಳು. ನಂತರ, ಶಂಸುದ್ದೀನ್ ಮನೆಗೆ ಬಂದಾಗ ಅಹ್ಮದ್ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿರುವುದು ಕಂಡುಬಂದಿದೆ. ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವಾಗ ಫಯಾಜ್ ಅಹ್ಮದ್ ನಿಧನರಾದರು ಎಂದು ತಿಳಿಸಿದ್ದಾರೆ.