ಸ್ಟಾಫ್ ಸೆಲೆಕ್ಷನ್ ಕಮಿಷನ್ (SSC) 2026ನೇ ಸಾಲಿನ CHSL ಅಧಿಸೂಚನೆಯನ್ನು ಸೆಪ್ಟೆಂಬರ್ 7, 2026ರಂದು ಬಿಡುಗಡೆ ಮಾಡಿದೆ. ದೇಶಾದ್ಯಂತ ಸರ್ಕಾರಿ ಉದ್ಯೋಗಕ್ಕಾಗಿ ಕಾಯುತ್ತಿರುವ ಅಭ್ಯರ್ಥಿಗಳಿಗೆ ಇದೊಂದು ಉತ್ತಮ ಅವಕಾಶವಾಗಿದೆ. ಒಟ್ಟು 2,536 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದ್ದು, ಆನ್ಲೈನ್ ಅರ್ಜಿ ಪ್ರಕ್ರಿಯೆ ಸೆಪ್ಟೆಂಬರ್ 7ರಿಂದ ಅಕ್ಟೋಬರ್ 7, 2026ರವರೆಗೆ ನಡೆಯಲಿದೆ.
12ನೇ ತರಗತಿ ಉತ್ತೀರ್ಣರಾಗಿರುವ ಅಭ್ಯರ್ಥಿಗಳು ಲೋವರ್ ಡಿವಿಷನ್ ಕ್ಲರ್ಕ್ (LDC), ಜೂನಿಯರ್ ಸೆಕ್ರೆಟೇರಿಯಟ್ ಅಸಿಸ್ಟೆಂಟ್ (JSA), ಡೇಟಾ ಎಂಟ್ರಿ ಆಪರೇಟರ್ (DEO) ಸೇರಿದಂತೆ ವಿವಿಧ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು.
SSC CHSL 2026 ಅಧಿಸೂಚನೆ
SSC CHSL (10+2) ಪರೀಕ್ಷೆಯು ಸ್ಟಾಫ್ ಸೆಲೆಕ್ಷನ್ ಕಮಿಷನ್ ಪ್ರತಿವರ್ಷ ನಡೆಸುವ ರಾಷ್ಟ್ರಮಟ್ಟದ ಸ್ಪರ್ಧಾತ್ಮಕ ಪರೀಕ್ಷೆಯಾಗಿದೆ. 12ನೇ ತರಗತಿ ವಿದ್ಯಾರ್ಹತೆಯ ಅಭ್ಯರ್ಥಿಗಳನ್ನು ವಿವಿಧ ಕೇಂದ್ರ ಸರ್ಕಾರಿ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲು ಈ ಪರೀಕ್ಷೆ ನಡೆಸಲಾಗುತ್ತದೆ.
ನೇಮಕಾತಿ ಪ್ರಕ್ರಿಯೆಯಲ್ಲಿ ಎರಡು ಹಂತಗಳಿವೆ:
-
ಟೈರ್-1: ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT)
-
ಟೈರ್-2: ಕಂಪ್ಯೂಟರ್ ಆಧಾರಿತ ಪರೀಕ್ಷೆ + ಕೌಶಲ್ಯ/ಟೈಪಿಂಗ್ ಪರೀಕ್ಷೆ
-
ನಂತರ ದಾಖಲೆ ಪರಿಶೀಲನೆ ನಡೆಯಲಿದೆ.
ಅಧಿಕೃತ ಅಧಿಸೂಚನೆಯನ್ನು SSCಯ ಅಧಿಕೃತ ವೆಬ್ಸೈಟ್ನಲ್ಲಿ ಪ್ರಕಟಿಸಲಾಗಿದೆ.
SSC CHSL 2026ರಲ್ಲಿ ಪ್ರಮುಖ ಬದಲಾವಣೆಗಳು
-
ಟೈರ್-1 ಮತ್ತು ಟೈರ್-2 ಪರೀಕ್ಷೆಗಳಲ್ಲಿ ಸೆಕ್ಷನ್ವಾರು ಸಮಯ ಮಿತಿ ಪರಿಚಯಿಸಲಾಗಿದೆ.
-
ಅಭ್ಯರ್ಥಿಗಳ ಮೂರು ಪರೀಕ್ಷಾ ಕೇಂದ್ರ ಆಯ್ಕೆಗಳು ಒಂದೇ SSC ಪ್ರಾದೇಶಿಕ ವಲಯದೊಳಗೆ ಇರಬೇಕು.
-
2025ರಲ್ಲಿ 3,522 ಹುದ್ದೆಗಳಿದ್ದರೆ, 2026ರಲ್ಲಿ 2,536 ಹುದ್ದೆಗಳಿಗೆ ಇಳಿಕೆಯಾಗಿದೆ.
-
ಉತ್ತರ ಕೀಗೆ ಆಕ್ಷೇಪಣೆ ಸಲ್ಲಿಸುವ ಶುಲ್ಕವನ್ನು ಪ್ರತಿ ಪ್ರಶ್ನೆಗೆ ₹100ರಿಂದ ₹50ಕ್ಕೆ ಇಳಿಸಲಾಗಿದೆ.
-
LDC/JSA ಹುದ್ದೆಗಳ ಹಿಂದಿ ಟೈಪಿಂಗ್/ಸ್ಕಿಲ್ ಟೆಸ್ಟ್ಗೆ ಮಂಗಲ್ ಫಾಂಟ್ ಕಡ್ಡಾಯ ಮಾಡಲಾಗಿದೆ.
-
ಸ್ಲೈಡಿಂಗ್ ಮೆಕ್ಯಾನಿಸಂ ಅನ್ನು ಅಧಿಕೃತವಾಗಿ ಅಳವಡಿಸಲಾಗಿದೆ.
-
‘Final Result’ ಬದಲಾಗಿ FRTA/Result ಪದ ಬಳಕೆಯಾಗಲಿದೆ.
-
ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ಆಧಾರ್ ದೃಢೀಕರಣ ಐಚ್ಛಿಕ ಮಾಡಲಾಗಿದೆ.
-
‘Scribe’ ಬದಲಾಗಿ ‘Scribe/Assistive Technology’ ಎಂಬ ಪದ ಬಳಸಲಾಗಿದೆ.
-
ಪರೀಕ್ಷಾ ಕೇಂದ್ರಗಳ ಪಟ್ಟಿಯನ್ನು 130ರಿಂದ 136ಕ್ಕೆ ವಿಸ್ತರಿಸಲಾಗಿದೆ.
-
ದೃಷ್ಟಿದೋಷ ಹೊಂದಿರುವ ಅಭ್ಯರ್ಥಿಗಳಿಗೆ ಅರ್ಜಿ ಹಂತದಲ್ಲಿ ಆಧಾರ್ ಮುಖ ದೃಢೀಕರಣದಿಂದ ವಿನಾಯಿತಿ ನೀಡಲಾಗಿದೆ.
ಪ್ರಮುಖ ದಿನಾಂಕಗಳು
SSC CHSL 2026ರ ಅಧಿಸೂಚನೆ ಸೆಪ್ಟೆಂಬರ್ 7, 2026ರಂದು ಬಿಡುಗಡೆಯಾಗಿದ್ದು, ಅದೇ ದಿನದಿಂದ ಆನ್ಲೈನ್ ಅರ್ಜಿ ಸಲ್ಲಿಕೆ ಆರಂಭವಾಗಿದೆ. ಅಭ್ಯರ್ಥಿಗಳು ಅಕ್ಟೋಬರ್ 7, 2026ರೊಳಗೆ ಅರ್ಜಿ ಸಲ್ಲಿಸಬೇಕು. ಆನ್ಲೈನ್ ಶುಲ್ಕ ಪಾವತಿಗೂ ಅಕ್ಟೋಬರ್ 7 ಕೊನೆಯ ದಿನವಾಗಿದೆ. ಅರ್ಜಿ ನಮೂನೆಯಲ್ಲಿ ತಿದ್ದುಪಡಿ ಮಾಡಲು ಅಕ್ಟೋಬರ್ 14ರಿಂದ 16, 2026ರವರೆಗೆ ಅವಕಾಶವಿದೆ. ಟೈರ್-1 ಮತ್ತು ಟೈರ್-2 ಪರೀಕ್ಷೆಗಳ ದಿನಾಂಕವನ್ನು ಇನ್ನಷ್ಟೇ ಪ್ರಕಟಿಸಲಾಗಿದ್ದು, ಉತ್ತರ ಕೀ ಕೂಡ ನಂತರ ಬಿಡುಗಡೆ ಮಾಡಲಾಗುತ್ತದೆ.
SSC CHSL 2026 ಹುದ್ದೆಗಳ ಸಂಖ್ಯೆ
SSC CHSL 2026ರಲ್ಲಿ ಒಟ್ಟು 2,536 ಹುದ್ದೆಗಳನ್ನು ಪ್ರಕಟಿಸಲಾಗಿದೆ. LDC/JSA ಮತ್ತು DEO ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ. ವರ್ಗವಾರು ಹುದ್ದೆಗಳ ವಿವರವನ್ನು ಮುಂದಿನ ಹಂತದಲ್ಲಿ ಪ್ರಕಟಿಸಲಾಗುತ್ತದೆ.
ಶೈಕ್ಷಣಿಕ ಅರ್ಹತೆ
-
ಅಭ್ಯರ್ಥಿಗಳು ಮಾನ್ಯತೆ ಪಡೆದ ಮಂಡಳಿ ಅಥವಾ ವಿಶ್ವವಿದ್ಯಾಲಯದಿಂದ 12ನೇ ತರಗತಿ ಅಥವಾ ಸಮಾನ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು.
-
CAG ಕಚೇರಿಯ ಡೇಟಾ ಎಂಟ್ರಿ ಆಪರೇಟರ್ (DEO) ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ವಿಜ್ಞಾನ ವಿಭಾಗದಲ್ಲಿ 12ನೇ ತರಗತಿ ಪೂರ್ಣಗೊಳಿಸಿರಬೇಕು ಮತ್ತು ಗಣಿತ ವಿಷಯವನ್ನು ಹೊಂದಿರಬೇಕು.
-
12ನೇ ತರಗತಿ ಪರೀಕ್ಷೆ ಬರೆಯುತ್ತಿರುವ ಮತ್ತು ಫಲಿತಾಂಶಕ್ಕಾಗಿ ಕಾಯುತ್ತಿರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಅರ್ಹರಲ್ಲ.
ವಯೋಮಿತಿ
ಆಗಸ್ಟ್ 1, 2026ರ ಅನ್ವಯ ಅಭ್ಯರ್ಥಿಯ ವಯಸ್ಸು 18ರಿಂದ 27 ವರ್ಷಗಳ ನಡುವೆ ಇರಬೇಕು
SSC CHSL 2026 ನೇಮಕಾತಿಯಲ್ಲಿ SC/ST ಅಭ್ಯರ್ಥಿಗಳಿಗೆ 5 ವರ್ಷ, OBC ಅಭ್ಯರ್ಥಿಗಳಿಗೆ 3 ವರ್ಷ ಹಾಗೂ PwBD ಅಭ್ಯರ್ಥಿಗಳಿಗೆ 10 ವರ್ಷ ವಯೋಮಿತಿ ಸಡಿಲಿಕೆ ನೀಡಲಾಗಿದೆ. PwBD (OBC) ಅಭ್ಯರ್ಥಿಗಳಿಗೆ 13 ವರ್ಷ ಮತ್ತು PwBD (SC/ST) ಅಭ್ಯರ್ಥಿಗಳಿಗೆ 15 ವರ್ಷ ಸಡಿಲಿಕೆ ಅನ್ವಯಿಸುತ್ತದೆ. ಮಾಜಿ ಸೈನಿಕರಿಗೆ ನಿಯಮಾನುಸಾರ ವಯೋಮಿತಿ ಸಡಿಲಿಕೆ ದೊರೆಯಲಿದೆ. ಕಾರ್ಯಾಚರಣೆಯಲ್ಲಿ ಅಂಗವಿಕಲರಾದ ರಕ್ಷಣಾ ಸಿಬ್ಬಂದಿಗೆ 3 ವರ್ಷ ಹಾಗೂ ಅಂತಹ SC/ST ಅಭ್ಯರ್ಥಿಗಳಿಗೆ 8 ವರ್ಷ ಸಡಿಲಿಕೆ ಇದೆ. 3 ವರ್ಷಕ್ಕಿಂತ ಹೆಚ್ಚು ಸೇವೆ ಸಲ್ಲಿಸಿರುವ ಕೇಂದ್ರ ಸರ್ಕಾರಿ ನೌಕರರಿಗೆ ಗರಿಷ್ಠ 40 ವರ್ಷ, SC/ST ಸರ್ಕಾರಿ ನೌಕರರಿಗೆ ಗರಿಷ್ಠ 45 ವರ್ಷ ವಯೋಮಿತಿ ನಿಗದಿಯಾಗಿದೆ. ಇನ್ನು ವಿಧವೆಯರು, ವಿಚ್ಛೇದಿತರು ಅಥವಾ ನ್ಯಾಯಾಂಗವಾಗಿ ಪ್ರತ್ಯೇಕಗೊಂಡು ಮರುಮದುವೆಯಾಗದ ಮಹಿಳೆಯರಿಗೆ ಗರಿಷ್ಠ 35 ವರ್ಷ, ಇದೇ ವರ್ಗದ SC/ST ಮಹಿಳೆಯರಿಗೆ ಗರಿಷ್ಠ 40 ವರ್ಷ ವಯೋಮಿತಿ ಸಡಿಲಿಕೆ ನೀಡಲಾಗಿದೆ.
ರಾಷ್ಟ್ರೀಯತೆ
ಅಭ್ಯರ್ಥಿಯು ಕೆಳಗಿನವರಲ್ಲಿ ಒಬ್ಬರಾಗಿರಬೇಕು:
-
ಭಾರತದ ಪ್ರಜೆಯಾಗಿರಬೇಕು ಅಥವಾ
-
ನೇಪಾಳದ ಪ್ರಜೆಯಾಗಿರಬೇಕು ಅಥವಾ
-
ಭೂತಾನ್ನ ಪ್ರಜೆಯಾಗಿರಬೇಕು ಅಥವಾ
-
ಅಧಿಸೂಚನೆಯಲ್ಲಿ ಉಲ್ಲೇಖಿಸಿರುವ ದೇಶಗಳಿಂದ ಭಾರತಕ್ಕೆ ವಲಸೆ ಬಂದು ಇಲ್ಲಿ ಶಾಶ್ವತವಾಗಿ ನೆಲೆಸಿರುವ ಭಾರತೀಯ ಮೂಲದ ವ್ಯಕ್ತಿಯಾಗಿರಬೇಕು.
ಪರೀಕ್ಷೆಗೆ ಪ್ರಯತ್ನಗಳ ಮಿತಿ
SSC CHSL ಪರೀಕ್ಷೆಗೆ ಅಭ್ಯರ್ಥಿಗಳು ಎಷ್ಟು ಬಾರಿ ಬೇಕಾದರೂ ಪ್ರಯತ್ನಿಸಬಹುದು. ಆದರೆ ವಯೋಮಿತಿ ಪ್ರಮುಖ ಮಾನದಂಡವಾಗಿದೆ. ನಿಗದಿತ ವಯೋಮಿತಿಯನ್ನು ಮೀರಿದ ಅಭ್ಯರ್ಥಿಗಳು ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಸಾಧ್ಯವಿಲ್ಲ.
SSC CHSL ವೇತನ
ಹುದ್ದೆವೇತನ ಮಟ್ಟವೇತನ ಶ್ರೇಣಿLDC/JSALevel-2₹19,900–₹63,200DEOLevel-4₹25,500–₹81,100DEOLevel-5₹29,200–₹92,300DEO Grade-ALevel-4₹25,500–₹81,100
SSC CHSL 2026ಕ್ಕೆ ಅರ್ಜಿ ಸಲ್ಲಿಸುವುದು ಹೇಗೆ?
ಹಂತ 1: SSCಯ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ.
ಹಂತ 2: ಹೊಸ ಅಭ್ಯರ್ಥಿಗಳು One-Time Registration (OTR) ಪೂರ್ಣಗೊಳಿಸಿ.
ಹಂತ 3: ನೋಂದಣಿ ಸಂಖ್ಯೆ ಮತ್ತು ಪಾಸ್ವರ್ಡ್ ಬಳಸಿ ಲಾಗಿನ್ ಮಾಡಿ.
ಹಂತ 4: SSC CHSL 2026 ಆನ್ಲೈನ್ ಅರ್ಜಿ ಲಿಂಕ್ ಆಯ್ಕೆಮಾಡಿ.
ಹಂತ 5: ವೈಯಕ್ತಿಕ, ಶೈಕ್ಷಣಿಕ ಮತ್ತು ಸಂಪರ್ಕ ಮಾಹಿತಿಯನ್ನು ನಮೂದಿಸಿ.
ಹಂತ 6: ಅಗತ್ಯವಿರುವ ಫೋಟೋ ಮತ್ತು ಸಹಿಯನ್ನು ನಿಗದಿತ ನಮೂನೆಯಲ್ಲಿ ಅಪ್ಲೋಡ್ ಮಾಡಿ.
ಹಂತ 7: ಅನ್ವಯಿಸಿದರೆ ಆನ್ಲೈನ್ ಮೂಲಕ ಅರ್ಜಿ ಶುಲ್ಕ ಪಾವತಿಸಿ.
ಹಂತ 8: ನಮೂದಿಸಿರುವ ಎಲ್ಲ ಮಾಹಿತಿಯನ್ನು ಪರಿಶೀಲಿಸಿ ಅರ್ಜಿ ಸಲ್ಲಿಸಿ.
ಹಂತ 9: ಅರ್ಜಿ ನಮೂನೆಯ ಪ್ರತಿಯನ್ನು ಡೌನ್ಲೋಡ್ ಮಾಡಿಕೊಂಡು ಭವಿಷ್ಯದ ಬಳಕೆಗಾಗಿ ಸುರಕ್ಷಿತವಾಗಿ ಇಟ್ಟುಕೊಳ್ಳಿ.
ಅರ್ಜಿ ಶುಲ್ಕ
-
ಸಾಮಾನ್ಯ ಅಭ್ಯರ್ಥಿಗಳು: ₹100
-
SC/ST/PwD/ಮಾಜಿ ಸೈನಿಕರು: ಶುಲ್ಕವಿಲ್ಲ
SSC CHSL ಆಯ್ಕೆ ಪ್ರಕ್ರಿಯೆ
-
ಟೈರ್-1 – ಕಂಪ್ಯೂಟರ್ ಆಧಾರಿತ ಪರೀಕ್ಷೆ
-
ಟೈರ್-2 – ಕಂಪ್ಯೂಟರ್ ಆಧಾರಿತ ಪರೀಕ್ಷೆ
-
ದಾಖಲೆ ಪರಿಶೀಲನೆ
SSC CHSL ಟೈರ್-1 ಪರೀಕ್ಷಾ ಮಾದರಿ
SSC CHSL ಟೈರ್-1 ಪರೀಕ್ಷೆಯಲ್ಲಿ ಇಂಗ್ಲಿಷ್ ಭಾಷೆ, ಸಾಮಾನ್ಯ ಬುದ್ಧಿಮತ್ತೆ, ಗಣಿತ ಸಾಮರ್ಥ್ಯ ಮತ್ತು ಸಾಮಾನ್ಯ ಜ್ಞಾನ ಎಂಬ ನಾಲ್ಕು ವಿಷಯಗಳಿಂದ ತಲಾ 25 ಪ್ರಶ್ನೆಗಳು ಕೇಳಲಾಗುತ್ತದೆ. ಪ್ರತಿ ವಿಷಯಕ್ಕೆ 50 ಅಂಕಗಳಂತೆ ಒಟ್ಟು 100 ಪ್ರಶ್ನೆಗಳಿಗೆ 200 ಅಂಕಗಳು ನಿಗದಿಪಡಿಸಲಾಗಿದೆ. ಪರೀಕ್ಷೆಯ ಒಟ್ಟು ಅವಧಿ 60 ನಿಮಿಷಗಳು. ಪ್ರತಿ ವಿಷಯಕ್ಕೆ 15 ನಿಮಿಷಗಳ ಸಮಯ ನೀಡಲಾಗುತ್ತದೆ. ಸ್ಕ್ರೈಬ್ (ಬರಹ ಸಹಾಯಕ) ಹೊಂದಿರುವ ಅಭ್ಯರ್ಥಿಗಳಿಗೆ ಪರೀಕ್ಷೆ ಬರೆಯಲು ಒಟ್ಟು 80 ನಿಮಿಷಗಳ ಸಮಯಾವಕಾಶ ನೀಡಲಾಗುತ್ತದೆ.
SSC CHSL ಟೈರ್-2 ಪರೀಕ್ಷಾ ಮಾದರಿ
ಸೆಷನ್-I
ವಿಭಾಗ-I
-
ಗಣಿತ ಸಾಮರ್ಥ್ಯ – 30 ಪ್ರಶ್ನೆಗಳು
-
ರೀಸನಿಂಗ್ ಮತ್ತು ಸಾಮಾನ್ಯ ಬುದ್ಧಿಮತ್ತೆ – 30 ಪ್ರಶ್ನೆಗಳು
-
ಒಟ್ಟು 60 ಪ್ರಶ್ನೆಗಳು – 180 ಅಂಕಗಳು
ವಿಭಾಗ-II
-
ಇಂಗ್ಲಿಷ್ ಭಾಷೆ ಮತ್ತು ಗ್ರಹಿಕೆ – 40 ಪ್ರಶ್ನೆಗಳು
-
ಸಾಮಾನ್ಯ ಜ್ಞಾನ – 20 ಪ್ರಶ್ನೆಗಳು
-
ಒಟ್ಟು 60 ಪ್ರಶ್ನೆಗಳು – 180 ಅಂಕಗಳು
ವಿಭಾಗ-III
-
ಕಂಪ್ಯೂಟರ್ ಜ್ಞಾನ ಪರೀಕ್ಷೆ – 15 ಪ್ರಶ್ನೆಗಳು, 45 ಅಂಕಗಳು
ಸೆಷನ್-II
ವಿಭಾಗ-IV – ಸ್ಕಿಲ್ ಟೆಸ್ಟ್/ಟೈಪಿಂಗ್ ಟೆಸ್ಟ್
-
DEO ಹುದ್ದೆಗಳಿಗೆ ಸ್ಕಿಲ್ ಟೆಸ್ಟ್
-
ಇತರ DEO ಹುದ್ದೆಗಳಿಗೆ ಸ್ಕಿಲ್ ಟೆಸ್ಟ್
-
LDC/JSA ಹುದ್ದೆಗಳಿಗೆ ಟೈಪಿಂಗ್ ಟೆಸ್ಟ್
ಅರ್ಹತಾ ಅಂಕಗಳು
-
UR: 30%
-
OBC/EWS: 25%
-
ಇತರೆ ಎಲ್ಲಾ ವರ್ಗಗಳು: 20%
ಕರ್ನಾಟಕ ಮತ್ತು ಕೇರಳ ವಲಯದ ಪರೀಕ್ಷಾ ಕೇಂದ್ರಗಳು
SSCಯ ಕರ್ನಾಟಕ, ಕೇರಳ ವಲಯ (KKR) ಅಡಿಯಲ್ಲಿ ಕರ್ನಾಟಕ, ಕೇರಳ ಮತ್ತು ಲಕ್ಷದ್ವೀಪ ಪ್ರದೇಶಗಳು ಬರುತ್ತವೆ.
ಕರ್ನಾಟಕದ ಪ್ರಮುಖ ಪರೀಕ್ಷಾ ಕೇಂದ್ರಗಳು:
-
ಬೆಳಗಾವಿ
-
ಬೆಂಗಳೂರು
-
ಹುಬ್ಬಳ್ಳಿ
-
ಕಲಬುರಗಿ
-
ಮಂಗಳೂರು
-
ಮೈಸೂರು
-
ಶಿವಮೊಗ್ಗ
-
ಉಡುಪಿ
ಕೇರಳದ ಪ್ರಮುಖ ಕೇಂದ್ರಗಳು:
-
ಎರ್ನಾಕುಲಂ
-
ಕೊಲ್ಲಂ
-
ಕೊಟ್ಟಾಯಂ
-
ಕೋಝಿಕ್ಕೋಡ್
-
ತ್ರಿಶೂರ್
-
ತಿರುವನಂತಪುರಂ
-
ಕಣ್ಣೂರು
-
ಕವರತ್ತಿ
-
ಮಲಪ್ಪುರಂ
ಗಮನಿಸಿ
SSC CHSL 2026ರ ಮೂಲಕ ಕೇಂದ್ರ ಸರ್ಕಾರಿ ಉದ್ಯೋಗ ಪಡೆಯಲು ಬಯಸುವ 12ನೇ ತರಗತಿ ಉತ್ತೀರ್ಣ ಅಭ್ಯರ್ಥಿಗಳಿಗೆ ಇದು ಉತ್ತಮ ಅವಕಾಶವಾಗಿದೆ. ಒಟ್ಟು 2,536 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದ್ದು, ಅರ್ಜಿ ಸಲ್ಲಿಸಲು ಅಕ್ಟೋಬರ್ 7, 2026 ಕೊನೆಯ ದಿನವಾಗಿದೆ. ಅರ್ಜಿ ಸಲ್ಲಿಸುವ ಮೊದಲು ಅಧಿಕೃತ ಅಧಿಸೂಚನೆಯಲ್ಲಿ ನೀಡಿರುವ ಅರ್ಹತೆ, ವಯೋಮಿತಿ ಮತ್ತು ಇತರ ನಿಯಮಗಳನ್ನು ಪರಿಶೀಲಿಸುವುದು ಅಗತ್ಯ.
