ಈ ಪ್ರಪಂಚದಲ್ಲಿ ಒಬ್ಬರನ್ನೇ ಹೋಲುವ ಏಳು ಜನ ಇರುತ್ತಾರೆ ಎಂಬ ಹಳೆಯ ಮಾತಿದೆ. ಆದರೆ, ಒಂದೇ ಗರ್ಭದಲ್ಲಿ ಒಟ್ಟಿಗೆ ಬೆಳೆದು, ಕೈಕೈ ಹಿಡಿದು ಭೂಮಿಗೆ ಬರುವ ಆ ಮುದ್ದಾದ ಅವಳಿ ಮಕ್ಕಳ ಸೌಂದರ್ಯವೇ ಬೇರೆ ಇತ್ತೀಚಿನ ವರ್ಷಗಳಲ್ಲಿ ಅವಳಿ ಮಕ್ಕಳ ಜನನ ಪ್ರಮಾಣ ಗಣನೀಯವಾಗಿ ಏರುತ್ತಿದ್ದು ಗರ್ಭಿಣಿಯರಿಗೆ ತಾವು ಟ್ವಿನ್ಸ್ ಗೆ ತಾಯಿಯಾಗಲಿದ್ದೇವೆ ಎಂಬ ಸುದ್ದಿ ಕೇಳಿದಾಗ ಆಗುವ ಸಂಭ್ರಮಕ್ಕೆ ಪಾರವೇ ಇಲ್ಲ. ಆದರೆ ಈ ಸಂತೋಷದ ಜೊತೆಗೆ ಇಬ್ಬರು ಮಕ್ಕಳನ್ನು ಒಟ್ಟಿಗೆ ಪಾಲನೆ ಮಾಡುವುದು ಹೇಗೆ ಎಂಬ ಪುಟ್ಟ ಆತಂಕವೂ ಕಾಡುವುದು ಸಹಜ.
ಬೆಚ್ಚಿಬೀಳಿಸುವ ಅಂಕಿ-ಅಂಶಗಳ ಪ್ರಕಾರ, 1986 ರಿಂದ 2009 ರ ಅವಧಿಯಲ್ಲಿ ಅವಳಿ ಮಕ್ಕಳ ಜನನ ಪ್ರಮಾಣದಲ್ಲಿ ಬರೋಬ್ಬರಿ ಶೇಕಡಾ 75 ರಷ್ಟು ಹೆಚ್ಚಳ ಕಂಡುಬಂದಿದೆ. ಸದ್ಯದ ವರದಿಗಳ ಪ್ರಕಾರ, ಪ್ರತಿ 1,000 ಮಕ್ಕಳ ಜನನದಲ್ಲಿ ಕನಿಷ್ಠ 32 ಮಕ್ಕಳು ಅವಳಿಗಳಾಗಿಯೇ ಜನ್ಮ ತಾಳುತ್ತಿದ್ದಾರೆ. ಹಾಗಾದರೆ, ಈ ಡಬಲ್ ಧಮಾಕಾ ಜನನದ ಹಿಂದೆ ಅಡಗಿರುವ ಅಸಲಿ ರಹಸ್ಯವೇನು? ಇಲ್ಲಿದೆ ಒಂದು ಇಂಟರೆಸ್ಟಿಂಗ್ ರಿಪೋರ್ಟ್.
ಅವಳಿ ಮಕ್ಕಳ ಜನನದ 5 ವೈಜ್ಞಾನಿಕ ಕಾರಣಗಳು
1.ವಂಶವಾಹಿ ಅಥವಾ ಜೆನೆಟಿಕ್ಸ್ (Family History): ಅವಳಿ ಮಕ್ಕಳು ಹುಟ್ಟುವಲ್ಲಿ ಕುಟುಂಬದ ಹಿನ್ನೆಲೆ ಪ್ರಮುಖ ಪಾತ್ರ ವಹಿಸುತ್ತದೆ. ತಾಯಿಯ ಕುಟುಂಬದಲ್ಲಿ (ತಾಯಿ ಅಥವಾ ಅಜ್ಜಿ) ಈಗಾಗಲೇ ಅವಳಿ ಮಕ್ಕಳು ಹುಟ್ಟಿದ್ದರೆ, ಆಕೆಗೂ ಅವಳಿ ಮಕ್ಕಳು ಹುಟ್ಟುವ ಸಾಧ್ಯತೆ ಹೆಚ್ಚಿರುತ್ತದೆ. ಇದನ್ನು ‘ಹೈಪರ್ ಓವ್ಯೂಲೇಶನ್’ ಗುಣ ಎಂದು ಕರೆಯಲಾಗುತ್ತದೆ.
2.ತಾಯಿಯ ವಯಸ್ಸು (Mother’s Age): ವಿಜ್ಞಾನದ ಪ್ರಕಾರ, 30 ರಿಂದ 35 ವರ್ಷ ದಾಟಿದ ಮಹಿಳೆಯರಲ್ಲಿ ಅವಳಿ ಮಕ್ಕಳು ಹುಟ್ಟುವ ಸಂಭವ ಹೆಚ್ಚು. ಈ ವಯಸ್ಸಿನಲ್ಲಿ ಮಹಿಳೆಯರ ದೇಹದಲ್ಲಿ ‘ಫೋಲಿಕ್ ಸ್ಟಿಮ್ಯುಲೇಟಿಂಗ್ ಹಾರ್ಮೋನ್’ (FSH) ಮಟ್ಟ ಹೆಚ್ಚಾಗುತ್ತದೆ, ಇದು ಒಂದಕ್ಕಿಂತ ಹೆಚ್ಚು ಅಂಡಾಣುಗಳನ್ನು ಬಿಡುಗಡೆ ಮಾಡಲು ಪ್ರೇರೇಪಿಸುತ್ತದೆ.
3.ಐವಿಎಫ್ ತಂತ್ರಜ್ಞಾನ (IVF – In Vitro Fertilization): ಇತ್ತೀಚಿನ ದಿನಗಳಲ್ಲಿ ಅವಳಿ ಮಕ್ಕಳ ಪ್ರಮಾಣ ಹೆಚ್ಚಾಗಲು ಮುಖ್ಯ ಕಾರಣ ‘ಫರ್ಟಿಲಿಟಿ ಚಿಕಿತ್ಸೆಗಳು’. ಐವಿಎಫ್ ಸಮಯದಲ್ಲಿ ಯಶಸ್ಸಿನ ಪ್ರಮಾಣ ಹೆಚ್ಚಿಸಲು ಒಂದಕ್ಕಿಂತ ಹೆಚ್ಚು ಭ್ರೂಣಗಳನ್ನು ಗರ್ಭಾಶಯಕ್ಕೆ ವರ್ಗಾಯಿಸಲಾಗುತ್ತದೆ. ಇದು ಅವಳಿ ಅಥವಾ ಅದಕ್ಕಿಂತ ಹೆಚ್ಚು ಮಕ್ಕಳು ಹುಟ್ಟಲು ಕಾರಣವಾಗುತ್ತದೆ.
4.ತಾಯಿಯ ಎತ್ತರ ಮತ್ತು ತೂಕ: ಕೆಲವು ಸಂಶೋಧನೆಗಳ ಪ್ರಕಾರ, ಉತ್ತಮ ಎತ್ತರವಿರುವ ಮತ್ತು ಸ್ವಲ್ಪ ಹೆಚ್ಚು ತೂಕ (BMI 30ಕ್ಕಿಂತ ಹೆಚ್ಚು) ಇರುವ ಮಹಿಳೆಯರಲ್ಲಿ ಅವಳಿ ಮಕ್ಕಳಾಗುವ ಸಾಧ್ಯತೆ ಉಳಿದವರಿಗಿಂತ ತುಸು ಹೆಚ್ಚಿರುತ್ತದೆ ಎನ್ನಲಾಗಿದೆ.
5.ಆಹಾರ ಪದ್ಧತಿ: ಕೆಲವು ಅಧ್ಯಯನಗಳ ಪ್ರಕಾರ, ಹೆಚ್ಚು ಡೈರಿ ಉತ್ಪನ್ನಗಳನ್ನು (ಹಾಲು, ಮೊಸರು, ಬೆಣ್ಣೆ) ಸೇವಿಸುವ ಮಹಿಳೆಯರಲ್ಲಿ ಇನ್ಸುಲಿನ್‌ನಂತಹ ಬೆಳವಣಿಗೆಯ ಅಂಶಗಳು ಹೆಚ್ಚಾಗಿರುತ್ತವೆ, ಇದು ಅವಳಿ ಮಕ್ಕಳ ಜನನಕ್ಕೆ ಪೂರಕವಾಗಿರಬಹುದು ಎನ್ನಲಾಗುತ್ತದೆ.
6.ಹಾರ್ಮೋನುಗಳ ಬದಲಾವಣೆಗಳು
ಋತುಚಕ್ರವನ್ನು ಅಂಡಾಶಯಗಳು ಮತ್ತು ಪಿಟ್ಯುಟರಿ ಗ್ರಂಥಿಯಿಂದ ಹಾರ್ಮೋನುಗಳು ನಿಯಂತ್ರಿಸುತ್ತವೆ. ಪ್ರತಿ 28 ದಿನಗಳಿಗೊಮ್ಮೆ ಪ್ರಮಾಣಿತ ಋತುಚಕ್ರ ಸಂಭವಿಸುತ್ತದೆ, ಋತುಬಂಧದ ನಂತರ ಈಸ್ಟ್ರೊಜೆನ್ ಮಟ್ಟವು ಹೆಚ್ಚಾಗುತ್ತದೆ, ಇದು ಎಂಡೊಮೆಟ್ರಿಯಮ್ ದಪ್ಪವಾಗಲು ಕಾರಣವಾಗುತ್ತದೆ.
