ಸಭೆ ಸಮಾರಂಭಕ್ಕೆ ಹೋಗುವಾಗ ನಾವು ಚೆನ್ನಾಗಿ, ಸುಂದರವಾಗಿ ಕಾಣಬೇಕು ಎಂಬ ಹಂಬಲ ಹಲವು ಹೆಣ್ಣು ಮಕ್ಕಳಿಗಿದೆ. ಅದಕ್ಕಾಗಿ ಅವರು ಹಲವು ದಿನಗಳಿಂದ ಹಲವು ಬಗೆಯ ಫೇಸ್ ಕ್ರೀಂ, ಫೇಸ್ ಪ್ಯಾಕ್ ಗಳನ್ನು ಬಳಸುತ್ತಾರೆ. ಹಾಗಾಗಿ ತಕ್ಷಣ ಬೆಳ್ಳಗಾಗಲು ಈ ಫೇರ್ ನೆಸ್ ಫೇಸ್ ಪ್ಯಾಕ್ ನ್ನು ಬಳಸಿ.
ಡ್ರೈ ಸ್ಕಿನ್ ಹೊಂದಿರುವವರ ಚರ್ಮದಲ್ಲಿ ತೇವಾಂಶವಿರುವುದಿಲ್ಲ. ಹಾಗಾಗಿ ಮುಖದಲ್ಲಿ ಹೊಳಪು ಇರುವುದಿಲ್ಲ. ಈ ಸ್ಕಿನ್ ನಲ್ಲಿ ಸುಕ್ಕುಗಳು, ಗೆರೆಗಳು ಎದ್ದು ಕಾಣುತ್ತವೆ. ಹಾಗಾಗಿ ಡ್ರೈ ಸ್ಕಿನ್ ಹೊಂದಿರುವವರ ಸ್ಕಿನ್ ಬೆಳ್ಳಗಾಗಿ ಹೊಳಪಿನಿಂದ ಕೂಡಿರಲು ಅವರ ಚರ್ಮಕ್ಕೆ ತೇವಾಂಶ ಒದಗಿಸುವ ನೈಸರ್ಗಿಕ ಪದಾರ್ಥಗಳನ್ನು ಬಳಸಬೇಕಾಗುತ್ತದೆ. ಹಾಗಾಗಿ ಡ್ರೈ ಸ್ಕಿನ್ ಹೊಂದಿರುವವರು ಈ ಫೇಸ್ ಪ್ಯಾಕ್ ಹಚ್ಚಿ.
2 ಚಿಟಿಕೆ ಕೇಸರಿ, ½ ಚಮಚ ಕೆಂಪು ಶ್ರೀಗಂಧದ ಪುಡಿ, 2 ಚಮಚ ಹಾಲಿನ ಕೆನೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಇದನ್ನು ಮುಖಕ್ಕೆ ಹಚ್ಚಿ 20 ನಿಮಿಷಗಳ ಬಳಿಕ ತಣ್ಣೀರಿನಲ್ಲಿ ವಾಶ್ ಮಾಡಿ. ಹಾಗೇ 3 ಚಮಚ ಆಲಿವ್ ಆಯಿಲ್, 1 ಚಮಚ ನಿಂಬೆ ರಸ, ಕೆಲವು ಹನಿ ರೋಸ್ ವಾಟರ್ ಸೇರಿಸಿ ಮಿಕ್ಸ್ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಟ್ಟು ವಾಶ್ ಮಾಡಿ.
