ಇದು ವಿಜಯ್ ಕ್ರೇಜ್ ಅಂದ್ರೆ ಸಾವಿರಾರು ಅಭಿಮಾನಿಗಳ ಮಧ್ಯೆ ಸಿಲುಕಿದ ದಳಪತಿ ಕಾರು: ಐತಿಹಾಸಿಕ ಸಂಭ್ರಮದ ವಿಡಿಯೋ.

ಚೆನ್ನೈ: ತಮಿಳುನಾಡು ರಾಜಕೀಯದ ದಶಕಗಳ ಇತಿಹಾಸ ಇಂದು ಅಳಿಸಿಹೋಗಿದೆ. ದ್ರಾವಿಡ ನೆಲದ ಎರಡು ಪ್ರಬಲ ಶಕ್ತಿಗಳಾದ ಡಿಎಂಕೆ (DMK) ಮತ್ತು ಎಐಎಡಿಎಂಕೆ (AIADMK) ನಡುವೆ ಮೂರನೇ ಧ್ರುವವಾಗಿ ನಟ ವಿಜಯ್ ನೇತೃತ್ವದ ತಮಿಳಗ ವೆಟ್ರಿ ಕಳಗಂ (TVK) ಭರ್ಜರಿ ಎಂಟ್ರಿ ಕೊಟ್ಟಿದೆ.

ಚೊಚ್ಚಲ ಚುನಾವಣೆಯಲ್ಲೇ ಮ್ಯಾಜಿಕ್ ನಂಬರ್‌ನತ್ತ TVK

ತಮ್ಮ ಮೊದಲ ಚುನಾವಣೆಯಲ್ಲೇ ಎಲ್ಲರ ಲೆಕ್ಕಾಚಾರಗಳನ್ನು ಉಲ್ಟಾ ಮಾಡಿರುವ ವಿಜಯ್, ಮತ ಎಣಿಕೆಯ ಆರಂಭಿಕ ಟ್ರೆಂಡ್‌ಗಳಲ್ಲಿ ಮ್ಯಾಜಿಕ್ ನಂಬರ್‌ನತ್ತ ಮುನ್ನುಗ್ಗುತ್ತಿದ್ದಾರೆ. ಈ ಐತಿಹಾಸಿಕ ಮುನ್ನಡೆ ಕಂಡು ರಾಜಕೀಯ ವಿಶ್ಲೇಷಕರು ಕೂಡ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಹೂವಿನ ಮಳೆಯಲ್ಲಿ ದಳಪತಿ: ಚೆನ್ನೈನಲ್ಲಿ ಅಭಿಮಾನಿಗಳ ಮಹಾಪೂರ

ಫಲಿತಾಂಶದ ಮುನ್ಸೂಚನೆ ಸಿಗುತ್ತಿದ್ದಂತೆ ಚೆನ್ನೈನ ಬೀದಿ ಬೀದಿಗಳಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ಸಾವಿರಾರು ಅಭಿಮಾನಿಗಳು ರಸ್ತೆಗಿಳಿದು ವಿಜಯ್ ಪರ ಘೋಷಣೆಗಳನ್ನು ಕೂಗುತ್ತಿದ್ದಾರೆ.

ವಿಜಯ್ ಅವರ ಕಾರು ಬರುತ್ತಿದ್ದಂತೆ ಅಭಿಮಾನಿಗಳು ಕಾರನ್ನು ಸುತ್ತುವರಿದು ಕಿಲೋಮೀಟರ್‌ಗಳವರೆಗೆ ಹೂವಿನ ಮಳೆ ಸುರಿಸಿದ್ದಾರೆ.”ತಮಿಳುನಾಡಿನ ಮುಂದಿನ ಸಿಎಂ ನಮ್ಮ ದಳಪತಿ” ಎಂಬ ಘೋಷಣೆಗಳು ಚೆನ್ನೈನ ಬೀದಿಗಳಲ್ಲಿ ಮೊಳಗುತ್ತಿವೆ.

ಹಿರಿಯ ಪಕ್ಷಗಳಿಗೆ ತಲೆನೋವಾದ ವಿಜಯ್ ಫ್ಯಾಕ್ಟರ್

ಇಷ್ಟು ವರ್ಷಗಳ ಕಾಲ ತಮಿಳುನಾಡು ರಾಜಕೀಯ ಅಂದರೆ ಅದು ಕೇವಲ ಎರಡು ಕುಟುಂಬ ಅಥವಾ ಪಕ್ಷಗಳ ಹೋರಾಟ ಎನ್ನಲಾಗುತ್ತಿತ್ತು. ಆದರೆ ಇಂದು ಯುವ ಸಮೂಹದ ಮತಗಳನ್ನು ಸೆಳೆಯುವಲ್ಲಿ ವಿಜಯ್ ಯಶಸ್ವಿಯಾಗಿದ್ದಾರೆ.ಬದಲಾವಣೆ ಬಯಸಿದ್ದ ಮತದಾರರು TVK ಕೈ ಹಿಡಿದಿದ್ದಾರೆ.ತಮಿಳುನಾಡು ರಾಜಕೀಯದಲ್ಲಿ ಹೊಸ ಮನ್ವಂತರಕ್ಕೆ ನಾಂದಿ ಹಾಡಿದ್ದಾರೆ.