ಇದೇ ತಿಂಗಳ 11ರಂದು ತೆಲಂಗಾಣ ಸ್ಥಳೀಯ ಸಂಸ್ಥೆಗಳ ಚುನಾವಣೆ ನಡೆದಿದ್ದು, ಇಂದು ( ಫೆಬ್ರವರಿ 23 ) ಅವುಗಳ ಮತ ಎಣಿಕೆ ಕಾರ್ಯ ನಡೆಯುತ್ತಿದೆ.
ಬೆಳಗ್ಗೆ 8 ಗಂಟೆಯಿಂದಲೇ ಮತ ಎಣಿಕೆ ಆರಂಭವಾಗಿದ್ದು, ಕಾಂಗ್ರೆಸ್ ಪ್ರಚಂಡ ಮುನ್ನಡೆಯನ್ನು ಸಾಧಿಸಿದೆ.
ಒಟ್ಟು 7 ಕಾರ್ಪೋರೇಷನ್‌ಗಳ 414 ವಾರ್ಡ್ ಹಾಗೂ 116 ಪುರಸಭೆಗಳ 2581 ವಾರ್ಡ್‌ಗಳಿಗೆ ಚುನಾವಣೆ ನಡೆದಿತ್ತು. ಇಂದು ಸಂಜೆ 7 ಗಂಟೆ ಸಮಯಕ್ಕೆ ಕಾಂಗ್ರೆಸ್ 2581 ಪುರಸಭೆ ವಾರ್ಡ್‌ಗಳ ಪೈಕಿ 1346 ವಾರ್ಡ್‌ಗಳಲ್ಲಿ ಮುನ್ನಡೆ ಸಾಧಿಸಿದ್ದು, 414 ಮಹಾನಗರ ಪಾಲಿಕೆ ವಾರ್ಡ್‌ಗಳ ಪೈಕಿ 176 ವಾರ್ಡ್‌ಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ. ಸಂಪೂರ್ಣ ಫಲಿತಾಂಶ ಇನ್ನೂ ಬಹಿರಂಗವಾಗಬೇಕಿದ್ದು, ಸಂಜೆ 7 ಗಂಟೆವರೆಗಿನ ಫಲಿತಾಂಶದ ವಿವರ ಈ ಕೆಳಕಂಡಂತಿದೆ.
7 ಮಹಾನಗರ ಪಾಲಿಕೆಯ 414 ವಾರ್ಡ್‌ಗಳ ಫಲಿತಾಂಶ ( ಮುನ್ನಡೆ )
ಕಾಂಗ್ರೆಸ್ – 176
ಬಿಆರ್ಎಸ್ – 53
ಬಿಜೆಪಿ – 73
ಇತರೆ- 76
( ಇಲ್ಲಿಯವರೆಗೆ 374 ವಾರ್ಡ್‌ಗಳ ಅಂಕಿಅಂಶ ಮಾತ್ರ ಘೋಷಣೆಯಾಗಿದೆ )
116 ಪುರಸಭೆಗಳ ಒಟ್ಟು 2581 ವಾರ್ಡ್‌ಗಳ ಫಲಿತಾಂಶ ( ಮುನ್ನಡೆ )
ಕಾಂಗ್ರೆಸ್ – 1346
ಬಿಆರ್ಎಸ್ – 723
ಬಿಜೆಪಿ – 241
ಇತರೆ- 252
ಈ ಮೂಲಕ ಮಹಾನಗರ ಪಾಲಿಕೆ ಹಾಗೂ ಪುರಸಭೆ ಎರಡೂ ಸೇರಿದಂತೆ ಒಟ್ಟು 1522 ವಾರ್ಡ್‌ಗಳಲ್ಲಿ ಕಾಂಗ್ರೆಸ್ ಸಂಜೆ 7 ಗಂಟೆ ಸಮಯಕ್ಕೆ ಮುನ್ನಡೆ ಸಾಧಿಸಿ ಬಿಆರ್ಎಸ್ ಹಾಗೂ ಬಿಜೆಪಿಯಿಂದ ಭಾರೀ ಅಂತರ ಕಾಯ್ದುಕೊಂಡು ಅಬ್ಬರಿಸಿದೆ.
