ಬೆಂಗಳೂರು: ತಮಿಳುನಾಡು ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಗಳ ಪರ ಪ್ರಚಾರಕ್ಕೆ ರಾಜ್ಯದ ಸಚಿವರು, ಶಾಸಕರು ಸೇರಿದಂತೆ 19 ಪ್ರಮುಖರನ್ನು ಎಐಸಿಸಿ ವೀಕ್ಷಕರಾಗಿ ನೇಮಕ ಮಾಡಲಾಗಿದೆ.
ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ 19 ಪ್ರಮುಖರನ್ನು ತಮಿಳುನಾಡು ಚುನಾವಣೆಗೆ ಎಐಸಿಸಿ ವೀಕ್ಷಕರಾಗಿ ನೇಮಕ ಮಾಡಿದ ಪಟ್ಟಿ ಬಿಡುಗಡೆ ಮಾಡಿದ್ದಾರೆ. ಸಚಿವರಾದ ರಾಮಲಿಂಗಾರೆಡ್ಡಿ, ಕೆ.ಎಚ್. ಮುನಿಯಪ್ಪ, ಈಶ್ವರ್ ಖಂಡ್ರೆ, ಎಂ.ಸಿ. ಸುಧಾಕರ್, ಸಂತೋಷ್ ಲಾಡ್, ಲಕ್ಷ್ಮಿ ಹೆಬ್ಬಾಳ್ಕರ್, ಬೈರತಿ ಸುರೇಶ್, ಸಂಸದ ಜಿ. ಕುಮಾರನಾಯಕ್, ಮಾಜಿ ಸಂಸದ ಡಿ.ಕೆ. ಸುರೇಶ್, ಶಾಸಕರಾದ ಮಂಥರ್ ಗೌಡ, ಪ್ರಿಯ ಕೃಷ್ಣ, ಎ.ಸಿ. ಶ್ರೀನಿವಾಸ್, ಶ್ರೀನಿವಾಸ ಮಾನೆ, ಟಿ.ಡಿ. ರಾಜೇಗೌಡ, ಡಾ. ಅಜಯ್ ಸಿಂಗ್, ವಿಜಯ್ ಸಿಂಗ್, ಮುಖಂಡರಾದ ಎಸ್.ಎ. ಹುಸೇನ್, ಆರ್.ವಿ. ವೆಂಕಟೇಶ್ ಮತ್ತು ಸೌಮ್ಯಾ ರೆಡ್ಡಿ ಅವರನ್ನು ಎಐಸಿಸಿ ವೀಕ್ಷಕರಾಗಿ ನೇಮಕ ಮಾಡಲಾಗಿದೆ.
