ಸಾಮಾನ್ಯವಾಗಿ ನಾವು ಮಾವಿನ ಹಣ್ಣಿನ ಪಾಪಡ್ ಅಥವಾ ಹಪ್ಪಳವನ್ನು ಸವಿದಿರುತ್ತೇವೆ. ಆದರೆ ಈಗ ಸ್ಟ್ರಾಬೆರಿ ಹಣ್ಣಿನಿಂದಲೂ ಅಷ್ಟೇ ರುಚಿಕರವಾದ ಪಾಪಡ್ ಅಥವಾ ‘ಫ್ರೂಟ್ ಲೆದರ್’ ತಯಾರಿಸಬಹುದು. ಇದನ್ನು ಒಮ್ಮೆ ಮಾಡಿಟ್ಟುಕೊಂಡರೆ ಹಲವು ದಿನಗಳ ಕಾಲ ಸ್ನ್ಯಾಕ್ಸ್ ಆಗಿ ಬಳಸಬಹುದು.
ಅಗತ್ಯವಿರುವ ಸಾಮಗ್ರಿಗಳು: 1 ಕೆಜಿ ಫ್ರೆಶ್ ಸ್ಟ್ರಾಬೆರಿ, 2 ಚಮಚ ನೆನೆಸಿದ ಚಿಯಾ ಬೀಜಗಳು (Chia seeds), 2 ಚಮಚ ಸಕ್ಕರೆ, 1 ಚಮಚ ನಿಂಬೆ ರಸ, ಅರ್ಧ ಚಮಚ ವೆನಿಲ್ಲಾ ಎಸೆನ್ಸ್ ಮತ್ತು ಸ್ವಲ್ಪ ಚಾಟ್ ಮಸಾಲಾ.
ತಯಾರಿಸುವ ವಿಧಾನ:
- ಪ್ಯೂರಿ ತಯಾರಿ: ಸ್ಟ್ರಾಬೆರಿಗಳನ್ನು ತೊಳೆದು ತುಂಡು ಮಾಡಿಕೊಳ್ಳಿ. ಮಿಕ್ಸಿ ಜಾರ್ಗೆ ಸ್ಟ್ರಾಬೆರಿ, ಸಕ್ಕರೆ, ನಿಂಬೆ ರಸ, ನೆನೆಸಿದ ಚಿಯಾ ಬೀಜ ಮತ್ತು ವೆನಿಲ್ಲಾ ಎಸೆನ್ಸ್ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. (ಫ್ರೆಶ್ ಸ್ಟ್ರಾಬೆರಿ ಬಳಸಿದರೆ ರುಚಿ ಹೆಚ್ಚು).
- ಬೇಯಿಸುವುದು: ಈ ಮಿಶ್ರಣವನ್ನು ಒಂದು ಬಾಣಲೆಗೆ ಸುರಿದು ಮಧ್ಯಮ ಉರಿಯಲ್ಲಿ 10-15 ನಿಮಿಷ ಬೇಯಿಸಿ. ಮಿಶ್ರಣವು ಸಾಸ್ನಂತೆ ದಪ್ಪಗಾಗುವವರೆಗೆ ಕೈಯಾಡಿಸಿ.
- ಒಣಗಿಸುವುದು (ಬೇಕಿಂಗ್): ಈಗ ಓವನ್ ಅನ್ನು 175° F ಗೆ ಪ್ರಿಹೀಟ್ ಮಾಡಿ. ಬೇಕಿಂಗ್ ಶೀಟ್ಗೆ ಪಾರ್ಚ್ಮೆಂಟ್ ಪೇಪರ್ ಹಾಕಿ, ಅದರ ಮೇಲೆ ಸ್ಟ್ರಾಬೆರಿ ಮಿಶ್ರಣವನ್ನು ತೆಳುವಾಗಿ ಹರಡಿ. ಇದನ್ನು 3 ರಿಂದ 4 ಗಂಟೆಗಳ ಕಾಲ ಬೇಯಿಸಿ (Dehydrate). ಮಿಶ್ರಣವು ಕೈಗೆ ಅಂಟದಂತಾದಾಗ ಓವನ್ನಿಂದ ಹೊರತೆಗೆಯಿರಿ. (ಓವನ್ ಇಲ್ಲದಿದ್ದರೆ ಬಿಸಿಲಿನಲ್ಲಿ 2 ದಿನ ಒಣಗಿಸಬಹುದು).
- ಕಟಿಂಗ್: ಮಿಶ್ರಣ ತಣ್ಣಗಾದ ಮೇಲೆ ಪೇಪರ್ನಿಂದ ಬೇರ್ಪಡಿಸಿ. ಮೇಲೆ ಸ್ವಲ್ಪ ಚಾಟ್ ಮಸಾಲಾ ಸಿಂಪಡಿಸಿ. ನಿಮಗೆ ಬೇಕಾದ ಆಕಾರದಲ್ಲಿ ಕತ್ತರಿಸಿ ಅಥವಾ ರೋಲ್ ಮಾಡಿ ಸವಿಯಿರಿ.
