ಜಪಾನ್ ನಲ್ಲಿ 192 ಪ್ರಯಾಣಿಕರಿದ್ದ ವಿಮಾನವೊಂದು ಹಾರಾಟ ನಡೆಸುತ್ತಿದ್ದಾಗ ವಿಮಾನದಲ್ಲಿ ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದ್ದು, ಪ್ರಯಾಣಿಕರಿಗೆ ಭಯಾನಕ ಅನುಭವವಾಗಿದೆ. ಈ ವಿಡಿಯೋ ನೋಡುಗರ ಎದೆ ಝಲ್ ಎನಿಸಿದೆ.
ಅದೃಷವಶಾತ್ ಯಾವುದೇ ದುರಂತ ನಡೆದಿಲ್ಲ. ವಿಮಾನವು ಸುರಕ್ಷಿತವಾಗಿ ಲ್ಯಾಡ್ ಆದಾಗ ಅಬ್ಬಾ..ಬದುಕಿದೆವು ಎಂದು ಪ್ರಯಾಣಿಕರು ನಿಟ್ಟುಸಿರು ಬಿಟ್ಟಿದ್ದಾರೆ. ವಿಡಿಯೋ..ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗ್ತಿದೆ.
ಜಪಾನ್ ಏರ್ಲೈನ್ಸ್ ವಿಮಾನವು ಸುಮಾರು 26,000 ಅಡಿಗಳಷ್ಟು ವೇಗವಾಗಿ ಇಳಿಯಬೇಕಾಯಿತು, ಇದರಿಂದಾಗಿ ಪ್ರಯಾಣಿಕರು ಭಯಭೀತರಾಗಿ ಆಕ್ಸಿಜನ್ ಮಾಸ್ಕ್ ಬಳಸಬೇಕಾಯಿತು. ಜಪಾನ್ ಏರ್ಲೈನ್ಸ್ ಮತ್ತು ಅದರ ಕಡಿಮೆ ವೆಚ್ಚದ ಅಂಗಸಂಸ್ಥೆ ಸ್ಪ್ರಿಂಗ್ ಜಪಾನ್ (ಫ್ಲೈಟ್ JL8696/IJ004) ನಡುವಿನ ಕೋಡ್ಶೇರ್ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ವಿಮಾನವು ಜೂನ್ 30 ರಂದು ಚೀನಾದ ಶಾಂಘೈ ಪುಡಾಂಗ್ ವಿಮಾನ ನಿಲ್ದಾಣದಿಂದ ಜಪಾನ್ನ ಟೋಕಿಯೊ ನರಿಟಾ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದಾಗ ತುರ್ತು ಪರಿಸ್ಥಿತಿ ಸಂಭವಿಸಿತು.
ಬೋಯಿಂಗ್ 737 ವಿಮಾನವು ಹಠಾತ್ ವೈಫಲ್ಯಕ್ಕೆ ಒಳಗಾದಾಗ, ಅದರಲ್ಲಿ 191 ಪ್ರಯಾಣಿಕರು ಮತ್ತು ಸಿಬ್ಬಂದಿ ಇದ್ದರು, 10 ನಿಮಿಷಗಳಲ್ಲಿ 36,000 ಅಡಿಗಳಿಂದ 10,500 ಅಡಿಗಳಿಗಿಂತ ಕಡಿಮೆ ಎತ್ತರಕ್ಕೆ ಇಳಿದಿದೆ ಎಂದು ಮೂಲಗಳು ತಿಳಿಸಿದೆ.
ವೀಡಿಯೋ ನೋಡಿ
