ಸೌದಿ ಅರೇಬಿಯಾದ ತೈಫ್ ಬಳಿಯ ಅಮ್ಯೂಸ್‌ಮೆಂಟ್ ಪಾರ್ಕ್‌ನಲ್ಲಿ ಬೃಹತ್ ಸ್ವಿಂಗ್ ಪೆಂಡುಲಮ್ ಕುಸಿದು ಬೀಳುವ ಭಯಾನಕ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಈ ಘಟನೆ ಜುಲೈ 31 ರಂದು ಹೆಡಾ ಪ್ರದೇಶದ ಗ್ರೀನ್ ಮೌಂಟೇನ್ ಪಾರ್ಕ್‌ನಲ್ಲಿ ನಡೆದಿದ್ದು, ಕನಿಷ್ಠ 23 ಜನರು ಗಾಯಗೊಂಡಿದ್ದಾರೆ.
ಜನರು ಲೋಲಕದ ಶೈಲಿಯ ‘360 ಡಿಗ್ರಿ’ ಸ್ವಿಂಗ್ ಪೆಂಡುಲಮ್ ಸವಾರಿಯನ್ನು ಆನಂದಿಸುತ್ತಿರುವಾಗ ಸಪೋರ್ಟ್ ಕಂಬವು ಇದ್ದಕ್ಕಿದ್ದಂತೆ ಅರ್ಧದಷ್ಟು ಮುರಿದಿದೆ. ಸವಾರಿ ಮಾಡುತ್ತಿದ್ದವರು ನೆಲಕ್ಕೆ ಅಪ್ಪಳಿಸಿದ್ದಾರೆ. ಜನರು ತಮ್ಮ ಆಸನಗಳಲ್ಲಿ ಕಟ್ಟಿಕೊಂಡಿದ್ದರೂ ಅನೇಕರು ಕೆಳಗೆ ಬೀಳುತ್ತಾರೆ. ಕೆಲವರು ಎಸೆಯಲ್ಪಟ್ಟಿದ್ದಾರೆ.
ತೈಫ್‌ನಲ್ಲಿರುವ ಸ್ಥಳೀಯ ಆಸ್ಪತ್ರೆಗಳಿಗೆ ಗಾಯಾಳುಗಳನ್ನು ದಾಖಲಿಸಲಾಗಿದೆ. ವೈದ್ಯಕೀಯ ತಂಡಗಳು ಹೆಚ್ಚಿನ ಆರೈಕೆಗಾಗಿ ಆಸ್ಪತ್ರೆಗಳಿಗೆ ವರ್ಗಾಯಿಸುವ ಮೊದಲು ಸ್ಥಳದಲ್ಲಿ ಗಾಯಾಳುಗಳಿಗೆ ಚಿಕಿತ್ಸೆ ನೀಡಿವೆ.
ಸ್ಟಿಂಗ್ ಮುರಿದು ಬಿದ್ದ ಸಂಭವಿಸಿದ ದುರಂತದ ಕಾರಣ ಗುರುತಿಸಲು ಅಧಿಕಾರಿಗಳು ತನಿಖೆ ನಡೆಸಿದ್ದಾರೆ.
