ಭಾರತೀಯ ಅಡುಗೆಗಳಲ್ಲಿ ಟೊಮೆಟೊಗೆ ವಿಶೇಷ ಸ್ಥಾನವಿದೆ. ಟೊಮೆಟೊ ಇಲ್ಲದ ಅಡುಗೆ ಭಾರತೀಯ ಮನೆಗಳಲ್ಲಿ ಅಪರೂಪ. ಸಾರು, ಪಲ್ಯ, ಸಲಾಡ್ ಅಥವಾ ಚಟ್ನಿ – ಹೀಗೆ ಪ್ರತಿಯೊಂದಕ್ಕೂ ಟೊಮೆಟೊ ಬೇಕೇ ಬೇಕು. ಆದರೆ, ಮಾರುಕಟ್ಟೆಯಿಂದ ತಂದ ಟೊಮೆಟೊಗಳನ್ನು ನೀವು ಕೇವಲ ನಲ್ಲಿಯ ನೀರಿನಲ್ಲಿ ತೊಳೆದು ಬಳಸುತ್ತಿದ್ದೀರಾ? ಬೆಳೆಗಳಿಗೆ ಬಳಸುವ ಕೀಟನಾಶಕಗಳು (Pesticides) ಕೇವಲ ನೀರಿನಿಂದ ತೊಳೆದರೆ ಸಂಪೂರ್ಣವಾಗಿ ಹೋಗುವುದಿಲ್ಲ. ಇವು ಹಣ್ಣಿನ ಮೇಲ್ಪದರಕ್ಕೆ ಅಂಟಿಕೊಂಡಿರುತ್ತವೆ ಮತ್ತು ಕಾಲಕ್ರಮೇಣ ನಮ್ಮ ದೇಹವನ್ನು ಸೇರಿ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರಬಹುದು.
ಕೇವಲ ನೀರು ಸಾಕಾಗುವುದಿಲ್ಲ ಯಾಕೆ?
ಟೊಮೆಟೊಗಳ ಮೇಲೆ ಜಿಡ್ಡಿನ ಅಂಶ ಅಥವಾ ಮೇಣದಂತಹ ಪದರ ಇರುತ್ತದೆ. ಇದರ ಮೇಲೆ ಕೀಟನಾಶಕಗಳು ಅಂಟಿಕೊಂಡಿರುತ್ತವೆ. ನಾವು ಬರಿ ನೀರಿನಿಂದ ತೊಳೆದಾಗ ಮೇಲ್ನೋಟಕ್ಕೆ ಶುದ್ಧವಾಗಿ ಕಂಡರೂ, ಆ ರಾಸಾಯನಿಕಗಳು ಹಾಗೆಯೇ ಉಳಿಯುತ್ತವೆ. ಕೆಲವು ಸಂದರ್ಭಗಳಲ್ಲಿ ಇವು ಹಣ್ಣಿನ ಒಳಭಾಗಕ್ಕೂ ಇಳಿಯುವ ಸಾಧ್ಯತೆ ಇರುತ್ತದೆ.
ಕೀಟನಾಶಕ ತೆಗೆಯಲು ಇಲ್ಲಿದೆ ಸೂಪರ್ ಟ್ರಿಕ್:
ಅಡುಗೆ ಸೋಡಾ (Baking Soda) ವಿಧಾನ:
ವಿಜ್ಞಾನಿಗಳ ಪ್ರಕಾರ, ಹಣ್ಣು ಮತ್ತು ತರಕಾರಿಗಳಿಂದ ಕೀಟನಾಶಕಗಳನ್ನು ತೆಗೆಯಲು ಅಡುಗೆ ಸೋಡಾ ಅತ್ಯಂತ ಪರಿಣಾಮಕಾರಿ.ಒಂದು ದೊಡ್ಡ ಪಾತ್ರೆಯಲ್ಲಿ ನೀರು ತೆಗೆದುಕೊಳ್ಳಿ.ಅದಕ್ಕೆ 1-2 ಚಮಚ ಅಡುಗೆ ಸೋಡಾ ಸೇರಿಸಿ ಮಿಶ್ರಣ ಮಾಡಿ.ಈ ನೀರಿನಲ್ಲಿ ಟೊಮೆಟೊಗಳನ್ನು 12 ರಿಂದ 15 ನಿಮಿಷಗಳ ಕಾಲ ನೆನೆಸಿಡಿ.ನಂತರ ಹೊರತೆಗೆದು ಶುದ್ಧ ನೀರಿನಲ್ಲಿ ಮತ್ತೊಮ್ಮೆ ತೊಳೆಯಿರಿ.
2.ಉಪ್ಪಿನ ನೀರು (Salt Water) ವಿಧಾನ:
ಒಂದು ವೇಳೆ ಅಡುಗೆ ಸೋಡಾ ಲಭ್ಯವಿಲ್ಲದಿದ್ದರೆ, ಮನೆಯಲ್ಲಿರುವ ಕಲ್ಲು ಉಪ್ಪನ್ನು ಬಳಸಬಹುದು.ಬಿಸಿ ಅಥವಾ ಸಾಮಾನ್ಯ ನೀರಿಗೆ 2 ಚಮಚ ಉಪ್ಪು ಸೇರಿಸಿ.
ಅದರಲ್ಲಿ ಟೊಮೆಟೊಗಳನ್ನು 10 ನಿಮಿಷ ನೆನೆಸಿಡಿ.ಉಪ್ಪು ಬ್ಯಾಕ್ಟೀರಿಯಾ ಮತ್ತು ರಾಸಾಯನಿಕಗಳನ್ನು ಸಡಿಲಗೊಳಿಸಲು ಸಹಾಯ ಮಾಡುತ್ತದೆ.
3.ವಿನೆಗರ್ (Vinegar) ಬಳಕೆ:
ಮೂರು ಭಾಗ ನೀರಿಗೆ ಒಂದು ಭಾಗ ಬಿಳಿ ವಿನೆಗರ್ ಸೇರಿಸಿ.ಈ ಮಿಶ್ರಣದಲ್ಲಿ 10 ನಿಮಿಷ ನೆನೆಸಿ ನಂತರ ತೊಳೆಯಿರಿ. ಇದು ಹಣ್ಣುಗಳನ್ನು ದೀರ್ಘಕಾಲ ತಾಜಾವಾಗಿಡಲು ಕೂಡ ನೆರವಾಗುತ್ತದೆ.
ಗಮನಿಸಬೇಕಾದ ಅಂಶಗಳು:
ಟೊಮೆಟೊಗಳನ್ನು ಕತ್ತರಿಸಿದ ನಂತರ ಎಂದಿಗೂ ತೊಳೆಯಬೇಡಿ ಕತ್ತರಿಸುವ ಮುನ್ನವೇ ಈ ಪ್ರಕ್ರಿಯೆ ಮಾಡಿ.
ತೊಳೆದ ನಂತರ ಹಣ್ಣುಗಳನ್ನು ಒಣ ಬಟ್ಟೆಯಿಂದ ಒರೆಸಿ ಸ್ಟೋರ್ ಮಾಡಿ.
ಹಣ್ಣಿನ ತೊಟ್ಟಿನ ಭಾಗದಲ್ಲಿ ಹೆಚ್ಚು ಕೀಟನಾಶಕ ಸಂಗ್ರಹವಾಗುವುದರಿಂದ ಆ ಭಾಗವನ್ನು ಸ್ವಚ್ಛಗೊಳಿಸುವಾಗ ಹೆಚ್ಚು ಗಮನ ನೀಡಿ
