ಬೆಂಗಳೂರು: ರಾಜ್ಯದ ವಿವಿಧ ಕಾರಾಗೃಹಗಳಲ್ಲಿ ಶಿಕ್ಷೆ ಅನುಭವಿಸುತ್ತಿರುವ 30 ಜೀವಾವಧಿ ಕೈದಿಗಳನ್ನು ಅವರ ಉತ್ತಮ ನಡವಳಿಕೆಯ ಆಧಾರದ ಮೇಲೆ ಅವಧಿಗೂ ಮುನ್ನ ಬಿಡುಗಡೆ ಮಾಡಲು ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.
ಪರಿಶೀಲನಾ ಸಮಿತಿಯ (LCR) ಶಿಫಾರಸಿನ ಮೇರೆಗೆ, ಶಿಕ್ಷಾ ಅವಧಿಯಲ್ಲಿ ಉತ್ತಮ ನಡವಳಿಕೆ ತೋರಿದ ಕೈದಿಗಳನ್ನು ಆಯ್ಕೆ ಮಾಡಲಾಗಿದೆ.ಸಂವಿಧಾನದ ವಿಧಿ 161ರ ಅಡಿಯಲ್ಲಿ ರಾಜ್ಯಪಾಲರ ಅನುಮೋದನೆ ಪಡೆದು ಈ ಕ್ರಮ ಕೈಗೊಳ್ಳಲಾಗಿದೆ. ಒಟ್ಟು 54 ಪ್ರಕರಣಗಳನ್ನು ಸಮಿತಿ ಪರಿಶೀಲಿಸಿದ್ದು, ಅದರಲ್ಲಿ 30 ಮಂದಿಯನ್ನು ಬಿಡುಗಡೆಗೆ ಆಯ್ಕೆ ಮಾಡಿದೆ.
ಮಹಿಳಾ ಕೈದಿಗಳ ಬಿಡುಗಡೆ: ಬಿಡುಗಡೆಯಾಗುತ್ತಿರುವವರಲ್ಲಿ ಮೂವರು ಮಹಿಳಾ ಕೈದಿಗಳು ಸೇರಿದ್ದಾರೆ. ಇವರು ಮೈಸೂರು, ಕಲಬುರಗಿ ಮತ್ತು ಶಿವಮೊಗ್ಗ ಜೈಲುಗಳಲ್ಲಿದ್ದರು.ದೀರ್ಘಕಾಲದವರೆಗೆ ಜೈಲು ಶಿಕ್ಷೆ ಅನುಭವಿಸಿ ಸಮಾಜದ ಮುಖ್ಯವಾಹಿನಿಗೆ ಮರಳಲು ಬಯಸುವ ಕೈದಿಗಳಿಗೆ ಈ ಆದೇಶವು ಹೊಸ ಜೀವನದ ಭರವಸೆಯನ್ನು ನೀಡಿದೆ.
ಯಾವ ಜೈಲಿನಿಂದ ಎಷ್ಟು ಮಂದಿ?:
ಬೆಂಗಳೂರು (ಪರಪ್ಪನ ಅಗ್ರಹಾರ): 14 ಮಂದಿ
ವಿಜಯಪುರ: 05 ಮಂದಿ
ಬಳ್ಳಾರಿ: 03 ಮಂದಿ
ಮೈಸೂರು, ಶಿವಮೊಗ್ಗ, ಧಾರವಾಡ: ತಲಾ ಒಬ್ಬರು
ಬೆಳಗಾವಿ ಮತ್ತು ಕಲಬುರಗಿ: ತಲಾ ಇಬ್ಬರು
