ಮದುವೆಯಾದಾಗಿನಿಂದ ಬಾಲಿವುಡ್ ನಟಿ ರಾಖಿ ಸಾವಂತ್ ತಮ್ಮ ವೈವಾಹಿಕ ಜೀವನ ವಿಚಾರಕ್ಕೆ ಸುದ್ದಿಯಲ್ಲಿದ್ದಾರೆ. ಇದೀಗ ಮದುವೆ ವಿಚಾರಕ್ಕೆ ಮತ್ತೊಮ್ಮೆ ಬಹಿರಂಗವಾಗಿ ಕಣ್ಣೀರು ಹಾಕಿದ್ದಾರೆ.
ರಾಖಿ ಸಾವಂತ್ ಇತ್ತೀಚೆಗಷ್ಟೇ ಮುಂಬೈನಲ್ಲಿರುವ ತನ್ನ ಜಿಮ್‌ನಿಂದ ಹೊರಬರುತ್ತಿದ್ದರು. ಈ ವೇಳೆ ‘ಮೇರಿ ಶಾದಿ ಖತ್ರೇ ಮೇ ಹೈ’ ( ನನ್ನ ಮದುವೆ ತೊಂದರೆಯಲ್ಲಿದೆ) ಎಂದು ಪಾಪರಾಜಿಗಳ ಮುಂದೆ ಅಳಲು ತೋಡಿಕೊಂಡರು.
ನಾನೇನು ತಪ್ಪು ಮಾಡಿದೆ ದೇವರೇ, ನನ್ನ ತಾಯಿ ನನ್ನನ್ನು ಬಿಟ್ಟು ಹೋದಳು. ಮದುವೆ ಎಂದರೆ ಜೋಕ್ ಅಲ್ಲ, ನನ್ನ ದಾಂಪತ್ಯವನ್ನು ಮುರಿಯಲು ಬಯಸುವವರೂ ಇದ್ದಾರೆ. ನನ್ನ ಮದುವೆಗೆ ಏನಾದರೂ ಕೆಟ್ಟದಾದರೆ.. ಈ ಕುತಂತ್ರದಲ್ಲಿ ಯಾರಿದ್ದಾರೋ ಅವರನ್ನು ನಾನು ಸುಮ್ಮನೆ ಬಿಡುವುದಿಲ್ಲ. ನನ್ನ ಜೀವನದ ಬಗ್ಗೆ ನಾನು ದೇಶದ ಜನರ ಮುಂದಿಡುತ್ತೇನೆ ಎಂದು ಕಣ್ಣೀರು ಹಾಕಿದರು.
ರಾಖಿ ಸಾವಂತ್ ತಾಯಿ ಜಯಾ ಅವರು ಜನವರಿ 28 ರಂದು ಮುಂಬೈ ಆಸ್ಪತ್ರೆಯಲ್ಲಿ ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಾ ನಿಧನರಾದರು.
