ರಾಘವ್ ಚಡ್ಡಾ ಮತದಾರರ ಪಟ್ಟಿ ವಿವಾದ: ಪಂಜಾಬ್ ರಾಜಕೀಯ ಸಂಘರ್ಷ

ನವದೆಹಲಿ- ಪಂಜಾಬ್ ನಿಂದ ರಾಜ್ಯಸಭಾ ಸಂಸದರಾಗಿರುವ ರಾಘವ್ ಚಡ್ಡಾ ಅವರ ಹೆಸರು ದೆಹಲಿಯ ಮತದಾರರ ಪಟ್ಟಿಗೆ ಸೇರ್ಪಡೆಗೊಂಡಿರುವುದು ರಾಜಕೀಯ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಚುನಾವಣಾ ಆಯೋಗವು ನಡೆಸುತ್ತಿರುವ ವಿಶೇಷ ತೀವ್ರ ಪರಿಷ್ಕರಣೆ (SIR) ಪ್ರಕ್ರಿಯೆಯ ಸಮಯದಲ್ಲಿ ಈ ಬೆಳವಣಿಗೆ ಸಂಭವಿಸಿರುವುದು ಆಮ್ ಆದ್ಮಿ ಪಕ್ಷ (AAP) ಮತ್ತು ವಿರೋಧ ಪಕ್ಷಗಳ ನಡುವಿನ ವಾಗ್ವಾದಕ್ಕೆ ಕಾರಣವಾಗಿದೆ.

ಕೇವಲ ಕೆಲವು ದಿನಗಳ ಹಿಂದೆ ಪಂಜಾಬ್‌ನ ಕರಡು ಮತದಾರರ ಪಟ್ಟಿಯಿಂದ ತಮ್ಮ ಹೆಸರನ್ನು ಅಳಿಸಿಹಾಕಲಾಗಿದ್ದು, ಇದರ ಹಿಂದೆ “ರಾಜಕೀಯ ದ್ವೇಷ” ಅಡಗಿದೆ ಎಂದು ರಾಘವ್ ಚಡ್ಡಾ ಆರೋಪಿಸಿದ್ದರು.

ದೆಹಲಿ ಮುಖ್ಯ ಚುನಾವಣಾ ಅಧಿಕಾರಿ (CEO) ಕಚೇರಿಯ ಮಾಹಿತಿಯ ಪ್ರಕಾರ, ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತದಾರರ ಪಟ್ಟಿಗೆ ಹೆಸರು ಸೇರಿಸಲು ಬಂದಿದ್ದ ನಮೂನೆಗಳ ಪರಿಷ್ಕರಣೆ ನಡೆಸಿ ಅನುಮೋದನೆ ನೀಡಲಾಗಿದ್ದು, ಆ ಪಟ್ಟಿಯಲ್ಲಿ ಚಡ್ಡಾ ಅವರ ಹೆಸರೂ ಸೇರಿದೆ.

ಈ ಹಿಂದೆ 2024ರಿಂದ ಅವರು ಪಂಜಾಬ್‌ನಲ್ಲಿ ಮತದಾರರಾಗಿ ದಾಯಿಸಿಕೊಂಡಿದ್ದರು. ಆದರೆ ಪ್ರಸ್ತುತ ನವೀಕರಣ ಪ್ರಕ್ರಿಯೆಯ ಮೂಲಕ ದೆಹಲಿಯ ಪಟ್ಟಿಯಲ್ಲಿಯೂ ಅವರ ಹೆಸರು ಕಾಣಿಸಿಕೊಂಡಿರುವುದು ವಿವಾದಕ್ಕೆ ನಾಂದಿ ಹಾಡಿದೆ.

ಪಂಜಾಬ್ ಪಟ್ಟಿಯಿಂದ ಹೆಸರನ್ನು ತೆಗೆದುಹಾಕಿ ದೆಹಲಿಯಲ್ಲಿ ನೋಂದಾಯಿಸಿಕೊಂಡಿರುವ ಈ ಪ್ರಕ್ರಿಯೆಯು ಆಡಳಿತ ಮತ್ತು ವಿರೋಧ ಪಕ್ಷಗಳ ನಡುವೆ ಪರಸ್ಪರ ಆರೋಪ-ಪ್ರತ್ಯಾರೋಪಗಳಿಗೆ ಎಡೆಮಾಡಿಕೊಟ್ಟಿದೆ.

ಮತದಾರರ ಪಟ್ಟಿಗಳ ವಿಶೇಷ ಪರಿಷ್ಕರಣೆ ಹಾಗೂ ನವೀಕರಣದ ಈ ಕಾಲಘಟ್ಟದಲ್ಲಿ ಉನ್ನತ ರಾಜಕೀಯ ನಾಯಕರೊಬ್ಬರ ಹೆಸರು ಎರಡು ರಾಜ್ಯಗಳ ಪಟ್ಟಿಯಲ್ಲಿ ಏಕಕಾಲಕ್ಕೆ ಚರ್ಚೆಗೆ ಒಳಗಾಗಿರುವುದು ಚುನಾವಣಾ ವ್ಯವಸ್ಥೆ ಹಾಗೂ ರಾಜಕೀಯ ವಲಯದಲ್ಲಿ ಗಮನ ಸೆಳೆದಿದೆ

ದೆಹಲಿಯಲ್ಲಿ ಹೆಸರು ಸೇರ್ಪಡೆ ಹೇಗೆ?

ದೆಹಲಿಯಲ್ಲಿ ಹೆಸರು ಸೇರ್ಪಡೆ ಹೇಗೆ?

ದೆಹಲಿ ಚುನಾವಣಾಧಿಕಾರಿಗಳ ಪ್ರಕಾರ, ಚಡ್ಡಾ ಅವರ ಹೆಸರು ಸಾಮಾನ್ಯ ಮತದಾರರ ಪಟ್ಟಿಯ ನವೀಕರಣ ಪ್ರಕ್ರಿಯೆ ಮೂಲಕ ಸೇರಿಸಲಾಗಿದೆ. ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಲ್ಲಿ ಸೆಪ್ಟೆಂಬರ್ 8ರವರೆಗೆ ಒಟ್ಟು 700 Form 6 ಅರ್ಜಿಗಳನ್ನು Electoral Registration Officers (EROs) ಅನುಮೋದಿಸಿದ್ದು, ಅವುಗಳಲ್ಲಿ ಚಡ್ಡಾ ಅವರ ಅರ್ಜಿಯೂ ಸೇರಿದೆ.

ದೆಹಲಿ ಮುಖ್ಯ ಚುನಾವಣಾಧಿಕಾರಿ ಕಚೇರಿಯ ಪ್ರಕಾರ, SIR ಕರಡು ಹಂತಕ್ಕಾಗಿ ಜೂನ್ 16ರಿಂದ ಆಗಸ್ಟ್ 31ರವರೆಗೆ ಮತದಾರರ ಪಟ್ಟಿಯನ್ನು ಸ್ಥಗಿತಗೊಳಿಸಲಾಗಿತ್ತು. ಈ ಅವಧಿಯಲ್ಲಿ ಬಂದ ಹೊಸ ನೋಂದಣಿ ಅರ್ಜಿಗಳನ್ನು ಕರಡು ಪಟ್ಟಿಯಲ್ಲಿ ಸೇರಿಸಲಾಗಿರಲಿಲ್ಲ. ಆಗಸ್ಟ್ 31ರಂದು ಕರಡು ಪಟ್ಟಿ ಪ್ರಕಟವಾದ ನಂತರ ಎಂಟು ದಿನಗಳಲ್ಲಿ 25,011 Form 6 ಅರ್ಜಿಗಳು ಬಂದಿದ್ದು, ಅವುಗಳಲ್ಲಿ 700 ಅರ್ಜಿಗಳಿಗೆ ಅನುಮೋದನೆ ದೊರೆತಿದೆ.

ಎಎಪಿ ಪ್ರಶ್ನೆ ಏನು?

ಎಎಪಿ ಪ್ರಶ್ನೆ ಏನು?

ಎಎಪಿ ದೆಹಲಿ ಘಟಕದ ಅಧ್ಯಕ್ಷ ಸೌರಭ್ ಭಾರದ್ವಾಜ್ ಅವರು ಚಡ್ಡಾ ಅವರ ಹೆಸರು ರಾಜಿಂದರ್ ನಗರ ವಿಧಾನಸಭಾ ಕ್ಷೇತ್ರದ ಪಟ್ಟಿಯಲ್ಲಿ 747ನೇ ಮತದಾರನಾಗಿ ಕಾಣಿಸಿಕೊಂಡಿರುವುದನ್ನು ಪ್ರಶ್ನಿಸಿದ್ದಾರೆ. ಅವರ ಪ್ರಕಾರ, ಆಗಸ್ಟ್ 31ರಂದು ಪ್ರಕಟವಾದ ಕರಡು ಪಟ್ಟಿಯಲ್ಲಿ ಸಂಬಂಧಿತ ಮತಗಟ್ಟೆ ವಿಭಾಗದಲ್ಲಿ 746 ಮತದಾರರಿದ್ದರು; ನಂತರ ಚಡ್ಡಾ ಅವರ ಹೆಸರು 747ನೇ ಕ್ರಮಾಂಕದಲ್ಲಿ ಕಾಣಿಸಿಕೊಂಡಿದೆ. ಇದಕ್ಕೆ ಚುನಾವಣಾ ಆಯೋಗ ಸ್ಪಷ್ಟನೆ ನೀಡಬೇಕು ಎಂದು

ಎಎಪಿ ನಾಯಕರು, ಪಂಜಾಬ್‌ನಲ್ಲಿ ತಮ್ಮ ಹೆಸರು ಇನ್ನೂ ಮತದಾರರ ಪಟ್ಟಿಯಲ್ಲಿ ಇತ್ತು ಎಂದು ಚಡ್ಡಾ ಹೇಳಿದ್ದ ಕೆಲವೇ ದಿನಗಳಲ್ಲಿ ದೆಹಲಿಯಲ್ಲಿ ಹೆಸರು ಸೇರ್ಪಡೆಯಾಗಿರುವುದನ್ನು ಪ್ರಶ್ನಿಸಿ, ಯಾವ ಅರ್ಜಿಯ ಆಧಾರದ ಮೇಲೆ, ಯಾವ ದಿನಾಂಕದಲ್ಲಿ ಮತ್ತು ಯಾವ ದಾಖಲೆಗಳ ಪರಿಶೀಲನೆಯ ನಂತರ ಈ ಸೇರ್ಪಡೆ ನಡೆದಿದೆ ಎಂಬುದನ್ನು ಬಹಿರಂಗಪಡಿಸಬೇಕು ಎಂದು ಆಗ್ರಹಿಸಿದ್ದಾರೆ.

ಚಡ್ಡಾ ಅವರ ಪ್ರತಿಕ್ರಿಯೆ

ಚಡ್ಡಾ ಅವರ ಪ್ರತಿಕ್ರಿಯೆ

ಎಎಪಿ ಆರೋಪಗಳಿಗೆ ಪ್ರತಿಕ್ರಿಯಿಸಿರುವ ರಾಘವ್ ಚಡ್ಡಾ, ತಾವು ಚುನಾವಣಾ ಆಯೋಗದ ಅನ್ವಯಿಸುವ ಎಲ್ಲ ಮಾರ್ಗಸೂಚಿ ಮತ್ತು ಕಾನೂನುಬದ್ಧ ಪ್ರಕ್ರಿಯೆಗಳನ್ನು ಅನುಸರಿಸಿದ್ದೇನೆ ಎಂದು ಹೇಳಿದ್ದಾರೆ. ಎಎಪಿಯ ಆರೋಪಗಳನ್ನು ಅವರು “ಆಧಾರರಹಿತ” ಎಂದು ತಳ್ಳಿಹಾಕಿದ್ದಾರೆ. ಎಎಪಿ ನಾಯಕತ್ವವು ತಮ್ಮ ಬಗ್ಗೆ ಅತಿಯಾದ ಕಾಳಜಿ ತೋರುತ್ತಿದೆ ಎಂದು ವ್ಯಂಗ್ಯವಾಡಿದ ಅವರು, ಪಕ್ಷದ ಪ್ರತಿಕ್ರಿಯೆಯನ್ನು “ಬೇರ್ಪಟ್ಟ ನಂತರದ ಕಹಿ ಮಾಜಿ ಸಂಗಾತಿಯ ವರ್ತನೆ”ಗೆ ಹೋಲಿಸಿದ್ದಾರೆ.

ಹಿನ್ನೆಲೆ:

ಹಿನ್ನೆಲೆ:

ಈ ಬೆಳವಣಿಗೆಯ ಮೂಲ ಸೆಪ್ಟೆಂಬರ್ 3ರಂದು ಪಂಜಾಬ್‌ನ SIR ಕರಡು ಮತದಾರರ ಪಟ್ಟಿಯಲ್ಲಿ ಚಡ್ಡಾ ಅವರ ಹೆಸರು ಕಾಣಿಸದಿರುವುದರಿಂದ ಆರಂಭವಾಯಿತು. ಅವರ ಹೆಸರನ್ನು “shifted” ಎಂದು ಗುರುತಿಸಲಾಗಿತ್ತು. ಚಡ್ಡಾ ಇದನ್ನು ತಮ್ಮ ಬಿಜೆಪಿ ಸೇರ್ಪಡೆಯ ನಂತರ ಎಎಪಿ ನಡೆಸುತ್ತಿರುವ ರಾಜಕೀಯ ಪ್ರತೀಕಾರ ಎಂದು ಆರೋಪಿಸಿದರು. ಎಎಪಿ ಮಾತ್ರ, ಅವರು ದೆಹಲಿಯಲ್ಲಿ ವಾಸಿಸುತ್ತಿರುವ ಹಿನ್ನೆಲೆಯಲ್ಲಿ ಪಂಜಾಬ್‌ನ ಮತದಾರರ ಪಟ್ಟಿಯಲ್ಲಿನ ಸ್ಥಿತಿಯನ್ನು ಪ್ರಶ್ನಿಸುವುದು ಸೂಕ್ತವಲ್ಲ ಎಂದು ವಾದಿಸಿತು.

ಚಡ್ಡಾ ಅವರ ಹೆಸರು ಪಂಜಾಬ್‌ನ ಕರಡು ಪಟ್ಟಿಯಿಂದ ಕೈಬಿದ್ದಿರುವುದು ಅಂತಿಮ ನಿರ್ಧಾರವಲ್ಲ ಎಂಬುದೂ ಗಮನಾರ್ಹ. SIR ಪ್ರಕ್ರಿಯೆಯಲ್ಲಿ ಕರಡು ಪಟ್ಟಿಯ ನಂತರ ದಾವೆ ಮತ್ತು ಆಕ್ಷೇಪಣೆ ಸಲ್ಲಿಸಲು ಅವಕಾಶವಿದ್ದು, ಅಂತಿಮ ಪಟ್ಟಿ ನಂತರ ಪ್ರಕಟವಾಗಲಿದೆ. ಹೀಗಾಗಿ ಪಂಜಾಬ್‌ನ ಮತದಾರರಾಗಿ ಅವರ ಸ್ಥಿತಿಯ ಕುರಿತು ಪ್ರಕ್ರಿಯೆ ಇನ್ನೂ ಪೂರ್ಣಗೊಂಡಿಲ್ಲ.