ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಭಾನುವಾರ ‘ಮನ್ ಕಿ ಬಾತ್’ 98ನೇ ಸಂಚಿಕೆಯಲ್ಲಿ ದೇಶದ ಜನರನ್ನುದ್ದೇಶಿಸಿ ಮಾತನಾಡಿದರು.
ಇದು ಈ ವರ್ಷದ ಎರಡನೆಯ ‘ಮನ್ ಕಿ ಬಾತ್’ ಆಗಿದೆ. ಅಸ್ಸಾಂನ ಸಾಂಪ್ರದಾಯಿಕ ಸಂಗೀತದಂತಹ ವಿವಿಧ ರಾಜ್ಯಗಳ ಸಾಂಸ್ಕೃತಿಕ ಕಲಾಕೃತಿಗಳು, ಪಂಜಾಬಿಗಳು ಮಾಡಿದ ಕೆಲವು ರಂಗೋಲಿಗಳ ಬಗ್ಗೆ ಮಾಹಿತಿ ಹಂಚಿಕೊಂಡ ಪ್ರಧಾನಿ ಮೋದಿ, ಸರ್ಕಾರದ ಇ-ಸಂಜೀವಿನಿ ಮೊಬೈಲ್ ಅಪ್ಲಿಕೇಶನ್ ಬಗ್ಗೆಯೂ ಮಾತನಾಡಿದರು.
ಇದುವರೆಗೆ, 10 ಕೋಟಿಗೂ ಹೆಚ್ಚು ಜನರು ಈ ಅಪ್ಲಿಕೇಶನ್‌ನಿಂದ ಪ್ರಯೋಜನ ಪಡೆದಿದ್ದಾರೆ, ಇದನ್ನು ಬಳಸಿಕೊಂಡು ವೈದ್ಯರ ಸಮಾಲೋಚನೆಯನ್ನು ವೀಡಿಯೊ ಕಾನ್ಫರೆನ್ಸ್ ಮೂಲಕ ಪಡೆಯಬಹುದು. ಟೆಲಿಕನ್ಸಲ್ಟೇಶನ್ ರೋಗಿಗಳಿಗೆ ವರದಾನವಾಗಿದೆ ಎಂದು ಸಾಬೀತಾಗಿದೆ ಎಂದರು.
ಇ-ಸಂಜೀವನಿ ಅಪ್ಲಿಕೇಶನ್‌ನಲ್ಲಿ ರೋಗಿಗಳಿಗೆ ಸಮಾಲೋಚನೆಗಳನ್ನು ಒದಗಿಸಿದ ಸಿಕ್ಕಿಂ ಮೂಲದ ವೈದ್ಯ ಮದನ್ ಮಣಿ ಅವರೊಂದಿಗೆ ಅವರು ಸಂವಾದ ನಡೆಸಿದರು. ಸಿಕ್ಕಿಂನಲ್ಲಿ ಆಸ್ಪತ್ರೆಯು ಸಹ ತಲುಪಲು ದೂರದವರೆಗೆ ಹೋಗಬೇಕಿದೆ. ಆದ್ದರಿಂದ ರೋಗಿಗಳು ಅನಾನುಕೂಲತೆಯನ್ನು ಎದುರಿಸುತ್ತಾರೆ. ಆದರೆ ಈ ಆ್ಯಪ್ ಬಳಸಿ ರೋಗಿಗಳು ಈಗ ಸುಲಭವಾಗಿ ವೈದ್ಯರನ್ನು ಸಂಪರ್ಕಿಸಿ ತಮ್ಮ ವೈದ್ಯಕೀಯ ಇತಿಹಾಸ ಮತ್ತು ದಾಖಲೆಗಳನ್ನು ಹಂಚಿಕೊಳ್ಳಬಹುದು’ ಎಂದು ಹೇಳಿದ್ದಾರೆ.
ಇ-ಸಂಜೀವನಿ ಆ್ಯಪ್ ಬಳಸಿ ಟೆಲಿ ಕನ್ಸಲ್ಟೇಶನ್ ತೆಗೆದುಕೊಂಡಿದ್ದ ಮದನ್ ಮೋಹನ್ ಎಂಬ ರೋಗಿಯೊಂದಿಗೆ ಸಂವಾದ ನಡೆಸಿದ ಪ್ರಧಾನಿ ಮೋದಿ ಅವರ ಅನುಭವದ ಬಗ್ಗೆ ಕೇಳಿದರು. ಈ ಅಪ್ಲಿಕೇಶನ್ ಮೂಲಕ, ನನ್ನ ಆರೋಗ್ಯ ತಪಾಸಣೆಗಾಗಿ ನಾನು ದೂರದ ಸ್ಥಳಗಳಿಗೆ ಪ್ರಯಾಣಿಸಬೇಕಾಗಿಲ್ಲ ಎಂದು ಅವರು ಪ್ರತಿಕ್ರಿಯಿಸಿದರು.
ನಾನು ಪೆಥಾಲಜಿ ಲ್ಯಾಬ್‌ಗಳಲ್ಲಿ ಉದ್ದನೆಯ ಸರತಿ ಸಾಲಿನಲ್ಲಿ ನಿಲ್ಲುತ್ತಿದ್ದೆ. 5-6 ಕಿಲೋಮೀಟರ್ ಪ್ರಯಾಣಿಸಬೇಕಾಗಿತ್ತು. ಆದರೆ ಈಗ, ನಾನು ಈ ಅಪ್ಲಿಕೇಶನ್ ಅನ್ನು ಬಳಸಿಕೊಂಡು ಉಚಿತ ಆರೋಗ್ಯ ತಪಾಸಣೆಯನ್ನು ಪಡೆಯುತ್ತೇನೆ ಎಂದು ಅವರು ಹೇಳಿದರು.
