ನವದೆಹಲಿ: ಇನ್ನು ವಾಟ್ಸಾಪ್ ತಂತ್ರಾಂಶದ ಎಲ್ಲಾ ಬಳಕೆದಾರರು ಅದರಲ್ಲಿರುವ ಯುಪಿಐ ಪಾವತಿ ಸೌಲಭ್ಯ ಬಳಸಿಕೊಳ್ಳಬಹುದಾಗಿದೆ.
ಭಾರತ ರಾಷ್ಟ್ರೀಯ ಪಾವತಿ ಪ್ರಾಧಿಕಾರ(ಎನ್ಸಿಪಿಐ) ಈ ಕುರಿತಾಗಿ ಇದ್ದ ಮಿತಿಯನ್ನು ತೆರವು ಮಾಡಿದೆ. ಇದುವರೆಗೂ ಕೇವಲ 10 ಕೋಟಿ ಬಳಕೆದಾರರಿಗೆ ವಾಟ್ಸಾಪ್ ಪೇಮೆಂಟ್ ಬಳಕೆಗೆ ಅನುಮತಿಸಲಾಗಿತ್ತು. ಗರಿಷ್ಠ ಮಿತಿಯನ್ನು ತೆರವುಗೊಳಿಸಲಾಗಿದ್ದು, ವಾಟ್ಸಾಪ್ ತನ್ನ ಯುಪಿಐ ಪಾವತಿ ಸೇವೆಯನ್ನು ಎಲ್ಲಾ ಬಳಕೆದಾರರಿಗೂ ವಿಸ್ತರಿಸಬಹುದಾಗಿದೆ.
ಆದರೆ ಈ ಸೇವೆ ನೀಡುವಾಗ ಅನ್ವಯವಾಗುವ ಹಾಲಿ ಯುಪಿಐ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕಿದೆ ಎಂದು ಭಾರತ ರಾಷ್ಟ್ರೀಯ ಪಾವತಿ ಪ್ರಾಧಿಕಾರ ಸೂಚನೆ ನೀಡಿದೆ.
ಈ ಬೆಳವಣಿಗೆಯೊಂದಿಗೆ, WhatsApp Pay ಈಗ UPI ಸೇವೆಗಳನ್ನು ತನ್ನ ಸಂಪೂರ್ಣ ಬಳಕೆದಾರರಿಗೆ ವಿಸ್ತರಿಸಬಹುದು. ಈ ಹಿಂದೆ, NPCI ತನ್ನ UPI ಬಳಕೆದಾರರ ನೆಲೆಯನ್ನು ಹಂತ ಹಂತವಾಗಿ ವಿಸ್ತರಿಸಲು WhatsApp Pay ಗೆ ಅನುಮತಿ ನೀಡಿತ್ತು ಎಂದು NPCI ಡಿಸೆಂಬರ್ 31 ರಂದು ಹೇಳಿಕೆಯಲ್ಲಿ ತಿಳಿಸಿದೆ.
