ಕಠ್ಮಂಡು: ಲೈಂಗಿಕ ಕಿರುಕುಳ ಮತ್ತು ಅಪಹರಣದ ಆರೋಪದ ಮೇಲೆ ನೇಪಾಳ ಪೊಲೀಸರು ವಿವಾದಾತ್ಮಕ ಆಧ್ಯಾತ್ಮಿಕ ನಾಯಕ ರಾಮ್ ಬಹದ್ದೂರ್ ಬೊಮ್ಜಾನ್ ಅವರನ್ನು ಬಂಧಿಸಿದ್ದಾರೆ.
ಅನುಯಾಯಿಗಳು ಆತನನ್ನು ‘ಬುದ್ಧ ಬಾಯ್’ ಎಂದು ಕರೆಯುತ್ತಾರೆ. 2020 ರಲ್ಲಿ ಅವರ ವಿರುದ್ಧ ಬಂಧನ ವಾರಂಟ್ ಹೊರಡಿಸಲಾಗಿತ್ತು. ಬೊಮ್ಜಾನ್ ಅವರನ್ನು “ಅಪ್ರಾಪ್ತ ವಯಸ್ಕರ ಲೈಂಗಿಕ ಶೋಷಣೆಯ ಪ್ರಕರಣದಲ್ಲಿ ತಲೆಮರೆಸಿಕೊಂಡಿರುವಾಗ ಬಂಧಿಸಲಾಗಿದೆ. ಸುಳಿವು ಆಧರಿಸಿ, ನೇಪಾಳ ಪೊಲೀಸರು 33 ವರ್ಷದ ಆಧ್ಯಾತ್ಮಿಕ ನಾಯಕನನ್ನು ಪತ್ತೆಹಚ್ಚಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ಬುಧವಾರ ಹೇಳಿದ್ದಾರೆ.
ಅವರ ಅನುಯಾಯಿಗಳು ಅವನನ್ನು ಬುದ್ಧನ ಪುನರ್ಜನ್ಮ ಎಂದು ನಂಬುತ್ತಾರೆ, ಅವರು ಪಲಾಯನ ಮಾಡಲು ಪ್ರಯತ್ನಿಸುತ್ತಿರುವಾಗ ಕಠ್ಮಂಡುವಿನ ಹೊರವಲಯದಲ್ಲಿ ಬಂಧಿಸಲಾಗಿದೆ. ಪೊಲೀಸರು ಅವರ ಮನೆಯಲ್ಲಿ 12 ಮೊಬೈಲ್ ಫೋನ್‌ಗಳು, 5 ಲ್ಯಾಪ್‌ಟಾಪ್‌ಗಳು ಮತ್ತು ಟ್ಯಾಬ್ಲೆಟ್‌ಗಳು ಮತ್ತು ನೇಪಾಳಿ ಮತ್ತು ವಿದೇಶಿ ಕರೆನ್ಸಿಗಳಲ್ಲಿ ವಶಪಡಿಸಿಕೊಂಡಿದ್ದಾರೆ.
ತಪ್ಪಿಸಿಕೊಳ್ಳುವ ಯತ್ನದಲ್ಲಿ ಅವರು ತಮ್ಮ ಮನೆಯ ನಾಲ್ಕನೇ ಮಹಡಿಯಿಂದ ಜಿಗಿದಿದ್ದಾರೆ. ಆತನ ಶಿಷ್ಯರ ಮೇಲೆ ಲೈಂಗಿಕ ಶೋಷಣೆ ಸೇರಿದಂತೆ ವಿವಿಧ ಆರೋಪಗಳ ಮೇಲೆ ಕಳೆದ ಕೆಲವು ವರ್ಷಗಳಿಂದ ಪೊಲೀಸರು ಆತನಿಗಾಗಿ ಹುಡುಕಾಟ ನಡೆಸುತ್ತಿದ್ದರು. ನಾಲ್ವರು ಶಿಷ್ಯರ ನಾಪತ್ತೆ ಪ್ರಕರಣದಲ್ಲಿ ಅವರು ಬೇಕಾಗಿದ್ದಾರೆ.
ಅವರ ನಾಲ್ಕು ಶಿಷ್ಯರ ನಾಪತ್ತೆಯನ್ನು ತನಿಖೆ ಮಾಡಲು ಪೊಲೀಸರು 2019 ರಲ್ಲಿ ಅವರ ಆಶ್ರಮದ ಮೇಲೆ ದಾಳಿ ನಡೆಸಿದರು. ಮುಂದಿನ ವರ್ಷ, ಸರ್ಲಾಹಿಯ ಜಿಲ್ಲಾ ನ್ಯಾಯಾಲಯದಲ್ಲಿ ನಾಯಕನ ವಿರುದ್ಧ ಲೈಂಗಿಕ ಶೋಷಣೆಯ ಮೊಕದ್ದಮೆಯನ್ನು ದಾಖಲಿಸಲಾಯಿತು,
ಬೊಮ್ಜಾನ್ ಸರ್ಲಾಹಿಯ ಪತ್ತಾರಕೋಟ್‌ನಲ್ಲಿರುವ ತನ್ನ ಆಶ್ರಮದಲ್ಲಿ ಆನಿ(ಸಂನ್ಯಾಸಿನಿ) ಎಂದು ತಂಗಿದ್ದ 15 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರವೆಸಗಿದ್ದಾನೆ. ಆಗಸ್ಟ್ 4, 2016 ರಂದು ರಾತ್ರಿ 9.20 ಕ್ಕೆ ತನ್ನ ಖಾಸಗಿ ಕ್ವಾರ್ಟರ್ಸ್‌ಗೆ ಆಮಿಷ ಒಡ್ಡಿ ಕರೆದು ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು ಆರೋಪಪಟ್ಟಿಯಲ್ಲಿ ತಿಳಿಸಲಾಗಿದೆ. ಸೆಪ್ಟೆಂಬರ್ 2018 ರಲ್ಲಿ ತನ್ನ ಆಶ್ರಮವೊಂದರಲ್ಲಿ ತನ್ನ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಎಂದು 18 ವರ್ಷದ ಸನ್ಯಾಸಿನಿ ಸಾರ್ವಜನಿಕವಾಗಿ ಆರೋಪಿಸಿದರು.
ಬೊಮ್ಜಾನ್ ಅವರ ಆಶ್ರಮದಿಂದ ಕಣ್ಮರೆಯಾದ ಅನುಯಾಯಿಗಳ ಬಗ್ಗೆ ಹೆಚ್ಚಿನ ತನಿಖೆಗಳು ಮತ್ತು ಹುಡುಕಾಟಗಳನ್ನು ನಡೆಸಲಾಗುತ್ತಿದೆ. ಬೊಮ್ಜಾನ್ ಸುಮಾರು 2,500 ವರ್ಷಗಳ ಹಿಂದೆ ನೇಪಾಳದಲ್ಲಿ ಜನಿಸಿದ ಸಿದ್ಧಾರ್ಥ ಗೌತಮನ ಪುನರ್ಜನ್ಮ ಎಂದು ಅನುಯಾಯಿಗಳು ನಂಬಿದ್ದಾರೆ. ಅವರನ್ನು ‘ಬುದ್ಧ ಬಾಯ್’ ಎಂದು ಕರೆಯುತ್ತಾರೆ.
