NEET ಫಲಿತಾಂಶ ಪ್ರಕಟವಾದ ನಂತರ ವಿದ್ಯಾರ್ಥಿಗಳ ಮುಂದಿನ ಪ್ರಮುಖ ಹಂತ ಕೌನ್ಸೆಲಿಂಗ್. ಉತ್ತಮ ರ‍್ಯಾಂಕ್ ಪಡೆದಿದ್ದರೂ ಸರಿಯಾದ ಕಾಲೇಜು ಆಯ್ಕೆ ಮಾಡದಿದ್ದರೆ ನಿರೀಕ್ಷಿತ ಸೀಟ್ ಕೈ ತಪ್ಪುವ ಸಾಧ್ಯತೆ ಇರುತ್ತದೆ.
ಕೌನ್ಸೆಲಿಂಗ್‌ನಲ್ಲಿ ವಿದ್ಯಾರ್ಥಿಗಳು ಮೊದಲು ನೋಂದಣಿ ಮಾಡಿಕೊಂಡು, ತಮ್ಮ ಇಷ್ಟದ ವೈದ್ಯಕೀಯ ಕಾಲೇಜುಗಳನ್ನು ಆದ್ಯತೆಯ ಕ್ರಮದಲ್ಲಿ ನಮೂದಿಸಬೇಕು. ನಂತರ ಸೀಟ್ ಹಂಚಿಕೆ ನಡೆಯುತ್ತದೆ. ಸೀಟ್ ಸಿಕ್ಕ ಬಳಿಕ ಅದನ್ನು ಸ್ವೀಕರಿಸುವುದೇ, ಮುಂದಿನ ಸುತ್ತಿಗೆ ಕಾಯುವುದೇ ಎಂಬ ನಿರ್ಧಾರ ತೆಗೆದುಕೊಳ್ಳಬೇಕಾಗುತ್ತದೆ.
ಈ ಪ್ರಕ್ರಿಯೆಯಲ್ಲಿ ಅತ್ಯಂತ ಮುಖ್ಯವಾದುದು ಚಾಯ್ಸ್ ಫಿಲ್ಲಿಂಗ್. ರ‍್ಯಾಂಕ್ ಮಾತ್ರವಲ್ಲದೆ ವರ್ಗ, ಹಿಂದಿನ ವರ್ಷದ ಕಟ್‌ಆಫ್, ಕಾಲೇಜಿನ ಶುಲ್ಕ, ಸ್ಥಳ, ಸೀಟ್ ಲಭ್ಯತೆ ಮತ್ತು ವೈಯಕ್ತಿಕ ಆದ್ಯತೆಗಳನ್ನೂ ಸಹ ಗಮನದಲ್ಲಿರಿಸಿಕೊಳ್ಳಬೇಕಾಗುತ್ತದೆ.
ಒಂದೇ ರ‍್ಯಾಂಕ್ ಪಡೆದ ಇಬ್ಬರು ವಿದ್ಯಾರ್ಥಿಗಳಿಗೆ ವಿಭಿನ್ನ ಕಾಲೇಜುಗಳು ಸಿಗಬಹುದು. ಅವರು ಆಯ್ಕೆಗಳನ್ನು ಯಾವ ಕ್ರಮದಲ್ಲಿ ಇಟ್ಟಿದ್ದಾರೆ ಮತ್ತು ಎಷ್ಟು ಸುರಕ್ಷಿತ ಅಥವಾ ಪ್ರಯತ್ನಿಸಬಹುದಾದ ಆಯ್ಕೆಗಳನ್ನು ಸೇರಿಸಿದ್ದಾರೆ ಎಂಬುದು ಫಲಿತಾಂಶವನ್ನು ಪ್ರಭಾವಿಸುತ್ತದೆ.
ವಿದ್ಯಾರ್ಥಿಗಳು ಮತ್ತು ಪೋಷಕರು ಹಲವು ವೆಬ್‌ಸೈಟ್‌ಗಳು, ವಿಡಿಯೋಗಳು ಮತ್ತು ಪರಿಚಿತರ ಸಲಹೆಗಳನ್ನು ಅವಲಂಬಿಸುವುದರಿಂದ ಗೊಂದಲ ಹೆಚ್ಚಾಗುವುದು ಸಾಮಾನ್ಯ. ಈ ಸಂದರ್ಭದಲ್ಲಿ ಲಭ್ಯ ಮಾಹಿತಿಯನ್ನು ಸರಿಯಾಗಿ ಹೋಲಿಸಿ ನಿರ್ಧಾರಕ್ಕೆ ಬರಲು ತಂತ್ರಜ್ಞಾನ ಆಧಾರಿತ ವೇದಿಕೆಗಳು ಸಹಾಯ ಮಾಡುತ್ತಿವೆ. ಅಮೆರಿಕಾದಲ್ಲಿ ಎಂ.ಎಸ್. ಪದವಿ ಪೂರೈಸಿರುವ ಕಿರಣ್‌ ಎಂಬ ಯುವಕ admiscan.com ಎಂಬ ವೆಬ್‌ ಸೈಟ್ ರೂಪಿಸಿದ್ದು, ಇದು ನೀಟ್‌ ಬರೆದಿರುವ ವಿದ್ಯಾರ್ಥಿಗಳಿಗೆ ವರದಾನವಾಗುವಂತಿದೆ. ಈ ವೆಬ್‌ ಸೈಟ್ ನಲ್ಲಿ ಇನ್ನೂ ಹೆಚ್ಚಿನ ಮಾಹಿತಿ ನೀಡಬೇಕೆಂಬ ಮಹತ್ವಾಕಾಂಕ್ಷೆ ಈ ಯುವಕನಿಗಿದ್ದು, ಈ ನಿಟ್ಟಿನಲ್ಲಿ ಪ್ರಯತ್ನ ಸಾಗುತ್ತಿದೆ.
AdmiScan.com ವೆಬ್‌ ಸೈಟ್ ವಿದ್ಯಾರ್ಥಿಯ ರ‍್ಯಾಂಕ್, ಹಿಂದಿನ ಕಟ್‌ಆಫ್, ಶುಲ್ಕ ಮತ್ತು ಇತರ ಪ್ರಮುಖ ಅಂಶಗಳನ್ನು ಹೋಲಿಸಿ, ಹೆಚ್ಚು ಸೂಕ್ತ ಹಾಗೂ ವಾಸ್ತವಿಕ ಕಾಲೇಜು ಆಯ್ಕೆಪಟ್ಟಿ ಸಿದ್ಧಪಡಿಸಲು ನೆರವಾಗುತ್ತದೆ.
