ಬೃಹನ್ಮುಂಬಯಿಯ ಮೀರಾ ಭಯಂದರ್‌ ಪ್ರದೇಶದ ವಾಲ್ಚಂದ್ ನಗರ ಪ್ರದೇಶದಲ್ಲಿರುವ ಅಪಾರ್ಟ್‌ಮೆಂಟ್ ಒಂದರ ಎಲಿವೇಟರ್‌ ನಲ್ಲಿ ಮದುಮಗಳೊಬ್ಬರು ಸಿಲುಕಿಕೊಂಡಿದ್ದು, ಆಕೆಯನ್ನು 20 ನಿಮಿಷಗಳ ಬಳಿಕ ರಕ್ಷಿಸಲಾಗಿದೆ.
ಭಯಂದರ್‌ ಪ್ರದೇಶದ ವಿನಾಯಕ ನಗರದಲ್ಲಿ ಬೆಳಿಗ್ಗೆ 8 ಗಂಟೆಯ ವೇಳೆಗೆ ಈ ಘಟನೆ ವರದಿಯಾಗಿದೆ. ಮದುಮಗಳು ಪ್ರೀತಿ ವಾಗ್ಲೇ ಹಾಗೂ ಆಕೆಯ ಸಹೋದರಿಯರು ಹಾಗೂ ಬಂಧುಗಳು ಮದುವೆಯ ಸ್ಥಳಕ್ಕೆ ಧಾವಿಸುತ್ತಿದ್ದರು.
ಇವರು ಏರಿದ್ದ ಎಲಿವೇಟರ್‌ ನೆಲ ಹಾಗೂ ಮೊದಲನೇ ಮಹಡಿಗಳ ನಡುವೆ ಸಿಕ್ಕಿಹಾಕಿಕೊಂಡಿದೆ. ಬೆಳಿಗ್ಗೆ 9 ಗಂಟೆಗೆ ಧಾರಾ ಮುಹೂರ್ತವಿದ್ದ ಮದುಮಗಳಿಗೆ ಈ ಕಾರಣದಿಂದ ಮುಹೂರ್ತ ಕೈತಪ್ಪುವ ಭಯದಲ್ಲಿ ಎಲಿವೇಟರ್‌ನಲ್ಲಿದ್ದ ಎಲ್ಲರೂ ಜೋರಾಗಿ ಕೂಗಿಕೊಂಡಿದ್ದಾರೆ. ಅಗ್ನಿಶಾಮಕ ಸಿಬ್ಬಂದಿ ಸಾಧ್ಯವಾದಷ್ಟು ಬೇಗ ಸ್ಥಳಕ್ಕೆ ತಲುಪಿ ಎಲಿವೇಟರ್‌ನಲ್ಲಿ ಸಿಲುಕಿದ್ದ ಎಲ್ಲರನ್ನೂ ರಕ್ಷಿಸಿದ್ದಾರೆ.
ಇದೇ ಕಟ್ಟಡದಲ್ಲಿ ವಾಸಿಸುವ ಅಗ್ನಿಶಾಮಕ ಸಿಬ್ಬಂದಿಯೊಬ್ಬರು ತಕ್ಷಣವೇ ತಮ್ಮ ಸಹೋದ್ಯೋಗಿಗಳನ್ನು ಸ್ಥಳಕ್ಕೆ ಕರೆಯಿಸಿ ಇವರನ್ನು ರಕ್ಷಿಸಿದ್ದಾರೆ.
#WATCH | Dramatic visuals of rescue after a newly-wed bride gets stuck inside the elevator of a #Bhayandar building. She was rescued after being stuck for over 20 minutes along with 3 sisters and two minor relatives.
By: Suresh Golani#Incident #viral #viralvideo pic.twitter.com/lQfyM2Cssx
— Free Press Journal (@fpjindia) May 30, 2023
