ಬೇಸಿಗೆ ಬಂತೆಂದರೆ ಹಣ್ಣುಗಳ ರಾಜ ಮಾವಿನ ಹಣ್ಣಿನದ್ದೇ ಹವಾ. ಆದರೆ ಹಣ್ಣನ್ನು ಸುಲಿಯುವುದು ಮತ್ತು ಕತ್ತರಿಸುವುದು ದೊಡ್ಡ ಕೆಲಸ ಎಂದು ಕೆಲವರು ತಿನ್ನಲು ಸೋಮಾರಿ ಮಾಡುತ್ತಾರೆ. ಸಿಪ್ಪೆ ತೆಗೆಯುವಾಗ ಅರ್ಧ ಹಣ್ಣು ಸಿಪ್ಪೆಯ ಜೊತೆಗೇ ಹೋಗುವುದುಂಟು. ಆದರೆ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಈ ಟ್ರಿಕ್ ನೋಡಿದರೆ ನೀವು ಆಶ್ಚರ್ಯ ಪಡುತ್ತೀರಿ. ಗಲೀಜಾಗದಂತೆ, ಕೇವಲ ಒಂದು ಗ್ಲಾಸ್ ಬಳಸಿ ಹಣ್ಣನ್ನು ಸುಲಿಯುವ ವಿಧಾನ ಇಲ್ಲಿದೆ.
ಸಾಮಾನ್ಯವಾಗಿ ಮಾವಿನ ಹಣ್ಣನ್ನು ಕತ್ತರಿಸುವಾಗ ತಿರುಳು (Pulp) ವ್ಯರ್ಥವಾಗುವುದು ಹೆಚ್ಚು. ಆದರೆ ಈ ಮ್ಯಾಂಗೋ ಪೀಲಿಂಗ್ ಹ್ಯಾಕ್ ಬಳಸಿದರೆ ಹಣ್ಣಿನ ತಿರುಳು ತುಂಡಾಗದಂತೆ ಸಂಪೂರ್ಣವಾಗಿ ಸಿಪ್ಪೆಯಿಂದ ಬೇರ್ಪಡುತ್ತದೆ.
https://www.instagram.com/reel/DVPzXoBk3j9/?utm_source=ig_web_copy_link&igsh=NTc4MTIwNjQ2YQ==
ಗ್ಲಾಸ್ ಬಳಸಿ ಮಾವಿನ ಹಣ್ಣು ಸುಲಿಯುವುದು ಹೇಗೆ?
ಹಂತ 1: ಮೊದಲಿಗೆ ಮಾವಿನ ಹಣ್ಣನ್ನು ಚೆನ್ನಾಗಿ ತೊಳೆದುಕೊಳ್ಳಿ. ಚಾಕುವಿನಿಂದ ಹಣ್ಣಿನ ಎರಡು ಬದಿಗಳನ್ನು (ದೊಡ್ಡ ಹೋಳುಗಳಾಗಿ) ಕತ್ತರಿಸಿ. ಗೊರಟೆಯನ್ನು ಪ್ರತ್ಯೇಕಿಸಿ.
ಹಂತ 2: ಒಂದು ಸ್ಟೀಲ್ ಅಥವಾ ಗಾಜಿನ ಗ್ಲಾಸ್ ತೆಗೆದುಕೊಳ್ಳಿ.
ಹಂತ 3: ಮಾವಿನ ಹೋಳನ್ನು ಕೈಯಲ್ಲಿ ಹಿಡಿದು, ಗ್ಲಾಸ್‌ನ ಅಂಚನ್ನು ಹಣ್ಣಿನ ತಿರುಳು ಮತ್ತು ಸಿಪ್ಪೆಯ ಮಧ್ಯದ ಭಾಗಕ್ಕೆ ಸಿಕ್ಕಿಸಿ.
ಹಂತ 4: ಈಗ ಗ್ಲಾಸ್ ಅನ್ನು ಕೆಳಮುಖವಾಗಿ ಒತ್ತಿ ಮೆಲ್ಲನೆ ಸ್ಲೈಡ್ ಮಾಡಿ.
ಹಂತ 5: ನೋಡು ನೋಡುತ್ತಲೇ ಹಣ್ಣಿನ ಸಂಪೂರ್ಣ ತಿರುಳು ವ್ಯರ್ಥವಿಲ್ಲದೆ ಗ್ಲಾಸ್ ಒಳಗೆ ಬೀಳುತ್ತದೆ ಮತ್ತು ಸಿಪ್ಪೆ ಮಾತ್ರ ನಿಮ್ಮ ಕೈಯಲ್ಲಿ ಉಳಿಯುತ್ತದೆ.
ಈ ಹ್ಯಾಕ್‌ನಿಂದ ಏನು ಲಾಭ?
ಹಣ್ಣು ವೇಸ್ಟ್ ಆಗಲ್ಲ: ಸಿಪ್ಪೆಗೆ ಸ್ವಲ್ಪವೂ ತಿರುಳು ಅಂಟಿಕೊಳ್ಳದೆ ಪೂರ್ತಿ ಹಣ್ಣು ಸಿಗುತ್ತದೆ.
ಸಮಯ ಉಳಿಯುತ್ತದೆ: ಅತಿ ಕಡಿಮೆ ಸಮಯದಲ್ಲಿ ನೀವು ಹತ್ತಾರು ಹಣ್ಣುಗಳನ್ನು ಕತ್ತರಿಸಬಹುದು.
ಅಂದವಾದ ಸರ್ವಿಂಗ್: ಗ್ಲಾಸ್ ಒಳಗೆ ಬಂದ ತಿರುಳನ್ನು ನಿಮಗೆ ಬೇಕಾದ ಆಕಾರದಲ್ಲಿ ಕತ್ತರಿಸಿ ಪ್ಲೇಟ್‌ನಲ್ಲಿ ಅಂದವಾಗಿ ಜೋಡಿಸಬಹುದು.
