ಇಸ್ಕಾನ್ನ ಗೋವಿಂದ ರೆಸ್ಟೋರೆಂಟ್ನಲ್ಲಿ ಆಘಾತಕಾರಿ ಘಟನೆಯೊಂದು ನಡೆದಿದೆ. ಆಫ್ರಿಕನ್ ಮೂಲದ ಬ್ರಿಟಿಷ್ ಯುವಕನೊಬ್ಬ ಇಸ್ಕಾನ್ ವೆಜ್ ರೆಸ್ಟೋರೆಂಟ್ ನಲ್ಲಿ KFC ಚಿಕನ್ ಸೇವಿಸಿದ್ದು, ವೀಡಿಯೋ ವೈರಲ್ ಆಗಿದೆ.
ಆಫ್ರಿಕನ್ ಮೂಲದ ಬ್ರಿಟಿಷ್ ಯುವಕನೊಬ್ಬ ಆವರಣಕ್ಕೆ ಪ್ರವೇಶಿಸಿ ಮಾಂಸವನ್ನು ಬಡಿಸುತ್ತೀರಾ ಎಂದು ಕೇಳಿದಾಗ. ರೆಸ್ಟೋರೆಂಟ್ನಲ್ಲಿ ಸಸ್ಯಾಹಾರಿ ಆಹಾರ ಮಾತ್ರ ನೀಡಲಾಗುತ್ತದೆ ಎಂದು ಹೇಳಿದ್ದಾರೆ.
ಆ ವ್ಯಕ್ತಿ ಕೂಡಲೇ ಕೆಎಫ್ಸಿ ಚಿಕನ್ ಬಾಕ್ಸ್ ಹೊರತೆಗೆದು ರೆಸ್ಟೋರೆಂಟ್ನೊಳಗೆ ಚಿಕನ್ ತಿನ್ನಲು ಮುಂದಾದ. ಇದಲ್ಲದೆ, ಸಿಬ್ಬಂದಿ ಮತ್ತು ಗ್ರಾಹಕರು ಸೇರಿದಂತೆ ಹಾಜರಿದ್ದ ಇತರರಿಗೆ ಮಾಂಸಾಹಾರಿ ಆಹಾರವನ್ನು ನೀಡಲು ಮುಂದಾದ. ನಂತರ ಪರಿಸ್ಥಿತಿ ಉದ್ವಿಗ್ನಗೊಂಡು ಅವನನ್ನು ಆವರಣದಿಂದ ಹೊರಗೆ ದೂಡಲಾಯಿತು. ಈ ಘಟನೆಯು ಆಕ್ರೋಶಕ್ಕೆ ಕಾರಣವಾಗಿದೆ ಮತ್ತು ಈ ಕೃತ್ಯವು ಜನಾಂಗೀಯತೆಯಿಂದ ಪ್ರೇರಿತವಾಗಿದೆಯೇ ಅಥವಾ ಧಾರ್ಮಿಕ ಅಸಹಿಷ್ಣುತೆಯಿಂದ ಪ್ರೇರಿತವಾಗಿದೆಯೇ ಎಂಬ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ವೀಡಿಯೊದ ಪ್ರಕಾರ, ಈ ಘಟನೆ ಲಂಡನ್ನಲ್ಲಿ ನಡೆದಿದೆ.
