ದೇಶಾದ್ಯಂತ ಬಹುಕಾಲದಿಂದ ನಿರೀಕ್ಷಿಸಲಾಗುತ್ತಿದ್ದ ಮಹಿಳಾ ಮೀಸಲಾತಿ ಬಿಲ್ ಸೇರಿದಂತೆ ಮೂರು ಪ್ರಮುಖ ಮಸೂದೆಗಳನ್ನು ಕೇಂದ್ರ ಸರ್ಕಾರ ಇಂದು ಲೋಕಸಭೆಯಲ್ಲಿ ಮಂಡಿಸಿದೆ. ಈ ಬಿಲ್ಗಳ ಕುರಿತು ಸುದೀರ್ಘ ಚರ್ಚೆಯ ನಂತರ, ನಾಳೆ ಸಂಜೆ ಮತದಾನ ನಡೆಯಲಿದೆ ಎಂದು ಸಂಸದೀಯ ವ್ಯವಹಾರಗಳ ಸಚಿವ ಕಿರಣ್ ರಿಜಿಜು ತಿಳಿಸಿದ್ದಾರೆ.
ಮಂಡನೆಯಾದ ಬಿಲ್ಗಳು: ಕೇಂದ್ರ ಕಾನೂನು ಸಚಿವ ಅರ್ಜುನ್ ರಾಮ್ ಮೇಘವಾಲ್ ಅವರು ಸಂವಿಧಾನ (131ನೇ ತಿದ್ದುಪಡಿ) ಬಿಲ್-2026 (ಮಹಿಳಾ ಮೀಸಲಾತಿ), ಡಿಲಿಮಿಟೇಶನ್ ಬಿಲ್-2026, ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಕಾನೂನುಗಳ (ತಿದ್ದುಪಡಿ) ಬಿಲ್-2026 ಅನ್ನು ಸಭೆಯಲ್ಲಿ ಮಂಡಿಸಿದರು.
ಚರ್ಚೆಯ ಸಮಯ: ಈ ಬಿಲ್ಗಳ ಮಹತ್ವವನ್ನು ಪರಿಗಣಿಸಿ, ಚರ್ಚೆಯ ಸಮಯವನ್ನು 12 ಗಂಟೆಗಳಿಂದ 15-18 ಗಂಟೆಗಳವರೆಗೆ ವಿಸ್ತರಿಸಲು ಸ್ಪೀಕರ್ ಓಂ ಬಿರ್ಲಾ ನಿರ್ಧರಿಸಿದ್ದಾರೆ.
ಮತದಾನದ ಪ್ರಕ್ರಿಯೆ: ಪ್ರತಿಪಕ್ಷಗಳ ಒತ್ತಾಯದ ಮೇರೆಗೆ ಧ್ವನಿ ಮತದ ಬದಲಾಗಿ ಡಿವಿಷನ್ (ರೆಕಾರ್ಡೆಡ್ ಓಟಿಂಗ್) ಪದ್ಧತಿಯಲ್ಲಿ ಮತದಾನ ನಡೆಯಲಿದೆ. ಬಿಲ್ ಮಂಡನೆ ಹಂತದಲ್ಲಿ ನಡೆದ ಮತದಾನದಲ್ಲಿ 251 ಸದಸ್ಯರು ಬೆಂಬಲಿಸಿದ್ದು, 185 ಸದಸ್ಯರು ವಿರೋಧಿಸಿದ್ದಾರೆ. ನಾಳೆ ಸಾಯಂಕಾಲ 4 ಗಂಟೆಗೆ ಅಂತಿಮ ಮತದಾನ ನಡೆಯಲಿದ್ದು, ಎಲ್ಲರ ಕುತೂಹಲ ಕೆರಳಿಸಿದೆ.
