ಬಾಲಿವುಡ್ ನಟಿ ಕಿಯಾರಾ ಅಡ್ವಾಣಿ ಕಳೆದ ವರ್ಷ ಜುಲೈ 15ರಂದು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಮಗಳು ಸರಾಯಾ ಆಗಮನದ ನಂತರ ಬಹಳ ಆಯ್ದ ಕಾರ್ಯಕ್ರಮಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಕಿಯಾರಾ, ಇದೀಗ ಜಿಕ್ಯೂ ಮೋಸ್ಟ್ ಇನ್ ಫ್ಲುಯೆನ್ಶಿಯಲ್ ಯಂಗ್ ಇಂಡಿಯನ್ಸ್ 2026 ಕಾರ್ಯಕ್ರಮದಲ್ಲಿ ತಮ್ಮ ಅದ್ಭುತ ಫ್ಯಾಷನ್ ಸೆನ್ಸ್ ಮೂಲಕ ಎಲ್ಲರ ಹುಬ್ಬೇರಿಸುವಂತೆ ಮಾಡಿದ್ದಾರೆ.
ಮೋಡಿ ಮಾಡಿದ ಕಪ್ಪು ಸುಂದರಿ ತಾಯಿಯಾದ ನಂತರದ ತೂಕವನ್ನು ಬಹಳ ಬೇಗನೆ ಇಳಿಸಿಕೊಂಡಿರುವ ಕಿಯಾರಾ, ಈ ಕಾರ್ಯಕ್ರಮಕ್ಕಾಗಿ ಕಪ್ಪು ಬಣ್ಣದ ಲೇದರ್ ಕಾರ್ಸೆಟ್ ಮತ್ತು ಶೀರ್ ಸ್ಕರ್ಟ್ ಧರಿಸಿದ್ದರು. ರಷ್ಯಾದ ಪ್ರಸಿದ್ಧ ಬ್ರಾಂಡ್ ‘ಆ್ಯಂಟಿಡೋಟ್ ಸ್ಪೇಸ್’ ವಿನ್ಯಾಸಗೊಳಿಸಿದ ಈ ಉಡುಗೆಯಲ್ಲಿ ಕಿಯಾರಾ ಅತ್ಯಂತ ಆತ್ಮವಿಶ್ವಾಸದಿಂದ ಮಿಂಚಿದ್ದಾರೆ. ಅವರ ಈ ಸ್ಟೈಲಿಂಗ್ ಅನ್ನು ಪ್ರಸಿದ್ಧ ಸ್ಟೈಲಿಸ್ಟ್ ಲಕ್ಷ್ಮಿ ಲೆಹರ್ ಮಾಡಿದ್ದಾರೆ. ಕಿಯಾರಾ ಅವರ ಈ ಬೋಲ್ಡ್ ಮತ್ತು ಕ್ಲಾಸಿಕ್ ಲುಕ್ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಅವರ ಫಿಟ್ನೆಸ್ ಕಂಡು ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ.
ವೃತ್ತಿಜೀವನದಲ್ಲಿ ಮಿಂಚುತ್ತಿರುವ ನಟಿ ಕಿಯಾರಾ ಅಡ್ವಾಣಿ ಇತ್ತೀಚೆಗಷ್ಟೇ ಹೃತಿಕ್ ರೋಷನ್ ಮತ್ತು ಜೂನಿಯರ್ ಎನ್‌ಟಿಆರ್ ಅವರೊಂದಿಗೆ ‘ವಾರ್ 2’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಅವರು ಪ್ಯಾನ್-ಇಂಡಿಯಾ ಮಟ್ಟದ ದೊಡ್ಡ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್’ ಚಿತ್ರದಲ್ಲಿ ಕಿಯಾರಾ ನಾಯಕಿಯಾಗಿ ನಟಿಸುತ್ತಿದ್ದು, ಈ ಸಿನಿಮಾ 2026ರ ಜೂನ್ 4ರಂದು ತೆರೆಕಾಣಲಿದೆ.
ವೈಯಕ್ತಿಕ ಜೀವನ ಮತ್ತು ವೃತ್ತಿಜೀವನ ಎರಡನ್ನೂ ಸಮನಾಗಿ ನಿಭಾಯಿಸುತ್ತಿರುವ ಕಿಯಾರಾ, ತಾಯ್ತನದ ನಂತರವೂ ತಮ್ಮ ಗ್ಲಾಮರ್ ಅನ್ನು ಕಾಪಾಡಿಕೊಂಡಿರುವ ರೀತಿಗೆ ಫ್ಯಾಷನ್ ಪ್ರಿಯರು ಫಿದಾ ಆಗಿದ್ದಾರೆ.
