ಬೆಂಗಳೂರು: ಬೆಂಗಳೂರು ಕೇವಲ ನಗರವಲ್ಲ, ಅದು ಅಸಂಖ್ಯಾತ ಕನಸುಗಳ ನೆಲೆಬೀಡು ಎನ್ನುತ್ತಲೇ ಸಿಎಂ ಸಿದ್ದರಾಮಯ್ಯ ಅವರು 2026-27ರ ಬಜೆಟ್‌ನಲ್ಲಿ ರಾಜಧಾನಿಯ ಚಿತ್ರಣ ಬದಲಿಸಲು ಬೃಹತ್ ಯೋಜನೆಗಳನ್ನು ಬಿಚ್ಚಿಟ್ಟಿದ್ದಾರೆ. ಟ್ರಾಫಿಕ್ ಕಿರಿಕಿರಿ ಮುಕ್ತಗೊಳಿಸಲು ಮತ್ತು ಮೂಲಸೌಕರ್ಯ ಸುಧಾರಿಸಲು ಈ ಬಾರಿ ಬೆಂಗಳೂರಿಗೆ ಅತಿ ದೊಡ್ಡ ಪಾಲು ಸಿಕ್ಕಿದೆ.
ಬೆಂಗಳೂರಿನ ಬಜೆಟ್ ಹೈಲೈಟ್ಸ್ ಇಲ್ಲಿದೆ:
1.ರಸ್ತೆಗಳ ಹೈಟೆಕ್ ಮೇಕ್ ಓವರ್ (Infrastructure)
ವೈಟ್ ಟಾಪಿಂಗ್ ಕ್ರಾಂತಿ: ನಗರದ 158 ಕಿ.ಮೀ ಉದ್ದದ ರಸ್ತೆಗಳಿಗೆ ವೈಟ್ ಟಾಪಿಂಗ್ ಮಾಡಲು ₹1,700 ಕೋಟಿ ಮೀಸಲು.
ವಾರ್ಡ್ ರಸ್ತೆ ಅಭಿವೃದ್ಧಿ: ಐದು ಪಾಲಿಕೆಗಳ ವ್ಯಾಪ್ತಿಯ ವಾರ್ಡ್ ರಸ್ತೆಗಳಿಗಾಗಿ ₹1,255 ಕೋಟಿ ಘೋಷಣೆ.
ಆರ್ಟೇರಿಯಲ್ ರಸ್ತೆಗಳು: ಮುಖ್ಯ ರಸ್ತೆಗಳ ಸುಧಾರಣೆಗೆ ₹1,936 ಕೋಟಿ ಅನುದಾನ.
ರಾಜಕಾಲುವೆ & ಕೆರೆ: ಪ್ರವಾಹ ತಡೆಗೆ ರಾಜಕಾಲುವೆ ಮತ್ತು ಕೆರೆಗಳ ಅಭಿವೃದ್ಧಿಗೆ ₹273 ಕೋಟಿ ವ್ಯಯ.
2.ನಮ್ಮ ಮೆಟ್ರೋಗೆ ಹೊಸ ಶಕ್ತಿ (Metro Expansion)
41 ಕಿ.ಮೀ ವಿಸ್ತರಣೆ: 2026-27ರ ಒಳಗಾಗಿ ಹೆಚ್ಚುವರಿ 41 ಕಿ.ಮೀ ಮೆಟ್ರೋ ಮಾರ್ಗ ಪೂರ್ಣಗೊಳಿಸುವ ಗುರಿ. ಇದರಿಂದ ಪ್ರತಿನಿತ್ಯ 15 ಲಕ್ಷ ಪ್ರಯಾಣಿಕರಿಗೆ ಲಾಭ.
ಪಾದಚಾರಿಗಳಿಗೆ ಬಂಪರ್: ಹೊರ ವರ್ತುಲ ರಸ್ತೆಯ (ORR) ಮೆಟ್ರೋ ಮಾರ್ಗದ ಕೆಳಗೆ 9 ಕಿ.ಮೀ ಉದ್ದದ ‘ಪಾದಚಾರಿ ನಡಿಗೆ ಮಾರ್ಗ’ ನಿರ್ಮಾಣಕ್ಕೆ ₹160 ಕೋಟಿ ಮೀಸಲು.
3.ಟ್ರಾಫಿಕ್ ದಟ್ಟಣೆಗೆ ಮಾಸ್ಟರ್ ಪ್ಲಾನ್ (Traffic Solutions)
ಬೆಂಗಳೂರು ಬಿಸಿನೆಸ್ ಕಾರಿಡಾರ್: 73 ಕಿ.ಮೀ ಉದ್ದದ ಕಾರಿಡಾರ್ ಭಾಗ-1ಕ್ಕೆ ಚಾಲನೆ.
ಹೆಬ್ಬಾಳ ಸುರಂಗ ಮಾರ್ಗ: ಹೆಚ್ಚು ಸಂಚಾರ ದಟ್ಟಣೆ ಇರುವ ಹೆಬ್ಬಾಳ ಜಂಕ್ಷನ್‌ನಲ್ಲಿ ‘ಸುರಂಗ ಮಾರ್ಗ’ (Tunnel Road) ನಿರ್ಮಾಣದ ಘೋಷಣೆ.
ಸಿಲ್ಕ್ ಬೋರ್ಡ್ ಟು ಕೆ.ಆರ್ ಪುರಂ: ಐಟಿ ಕಾರಿಡಾರ್ ರಸ್ತೆ ಅಭಿವೃದ್ಧಿಗೆ ₹450 ಕೋಟಿ.
4.ಕುಡಿಯುವ ನೀರು & ಆಡಳಿತ
ಕಾವೇರಿ 6ನೇ ಹಂತ: ಬೆಳೆಯುತ್ತಿರುವ ನಗರದ ದಾಹ ನೀಗಿಸಲು ಕಾವೇರಿ 6ನೇ ಹಂತದ ಯೋಜನೆಗೆ ವೇಗ.ಗ್ರೇಟರ್ ಬೆಂಗಳೂರು ಆಡಳಿತ ಸುಧಾರಣೆಗೆ ಗ್ರೇಟರ್ ಬೆಂಗಳೂರು ಪ್ರಾಧಿಕಾರ ಮತ್ತು 5 ಮಹಾನಗರ ಪಾಲಿಕೆಗಳ ಸ್ಥಾಪನೆ ಅಧಿಕೃತ.
