ಇಂದಿನ ದಿನಗಳಲ್ಲಿ ನಾವು ಎಷ್ಟು ಸಂಪಾದಿಸುತ್ತೇವೆ ಎನ್ನುವುದಕ್ಕಿಂತ ಎಷ್ಟು ಉಳಿಸುತ್ತೇವೆ ಎಂಬುದು ಮುಖ್ಯ. ಜೀವನದಲ್ಲಿ ಯಾವಾಗ ಏನು ಸಂಭವಿಸುತ್ತದೆ ಎಂದು ಹೇಳಲಾಗದು. ಕುಟುಂಬದ ಮುಖ್ಯಸ್ಥರಿಗೆ ಏನಾದರೂ ಆಪತ್ತು ಸಂಭವಿಸಿದರೆ ಇಡೀ ಕುಟುಂಬ ಬೀದಿಗೆ ಬೀಳುವ ಪರಿಸ್ಥಿತಿ ಇರುತ್ತದೆ. ಅದಕ್ಕಾಗಿಯೇ ಆರೋಗ್ಯ ಮತ್ತು ಜೀವನ ವಿಮೆ ಮಾಡಿಸಿಕೊಳ್ಳುವಂತೆ ತಜ್ಞರು ಸಲಹೆ ನೀಡುತ್ತಾರೆ. ವಿಮೆಯು ಭವಿಷ್ಯದಲ್ಲಿ ಕುಟುಂಬಕ್ಕೆ ಆಸರೆಯಾಗಿ ನಿಲ್ಲುತ್ತದೆ.
ಸಾಮಾನ್ಯವಾಗಿ ವಿಮೆ ಎಂದರೆ ವರ್ಷಕ್ಕೆ ಸಾವಿರಾರು ರೂಪಾಯಿ ಪಾವತಿಸಬೇಕು ಎಂಬ ಭಯವಿರುತ್ತದೆ. ಆದರೆ, ಕಡಿಮೆ ಪ್ರೀಮಿಯಂನಲ್ಲಿ ಹೆಚ್ಚಿನ ರಕ್ಷಣೆ ನೀಡುವ ಸರ್ಕಾರಿ ಮತ್ತು ಬ್ಯಾಂಕ್ ಯೋಜನೆಗಳ ಬಗ್ಗೆ ಜನರಲ್ಲಿ ಅರಿವು ಕಡಿಮೆ ಇರುತ್ತದೆ. ರಸ್ತೆ ಅಪಘಾತಗಳು ಹೆಚ್ಚುತ್ತಿರುವ ಈ ಸಮಯದಲ್ಲಿ ಎಸ್‌ಬಿಐ ತನ್ನ ಗ್ರಾಹಕರಿಗಾಗಿ ‘‘ಪರ್ಸನಲ್ ಆಕ್ಸಿಡೆಂಟಲ್ ಇನ್ಶೂರೆನ್ಸ್ (ವೈಯಕ್ತಿಕಅಪಘಾತ ವಿಮೆ) ಎಂಬ ಅದ್ಭುತ ಯೋಜನೆಯನ್ನು ತಂದಿದೆ.
ಎಸ್‌ಬಿಐ ಅಪಘಾತ ವಿಮೆ
ಮನೆಯ ಜವಾಬ್ದಾರಿ ಹೊತ್ತ ವ್ಯಕ್ತಿ ಅಪಘಾತದಲ್ಲಿ ಮರಣ ಹೊಂದಿದರೆ ಆ ಕುಟುಂಬಕ್ಕೆ ಆಗುವ ನಷ್ಟ ತುಂಬಲಾರದ್ದು. ಅಂತಹ ಸಂದರ್ಭಗಳಲ್ಲಿ ಆರ್ಥಿಕ ಭರವಸೆ ನೀಡಲು ಎಸ್‌ಬಿಐ ಈ ವಿಮೆಯನ್ನು ಪರಿಚಯಿಸಿದೆ.
- ಪ್ರೀಮಿಯಂ: ವರ್ಷಕ್ಕೆ ಕೇವಲ ₹1000. (ಅಂದರೆ ತಿಂಗಳಿಗೆ ₹90ಕ್ಕಿಂತ ಕಡಿಮೆ).
- ವಿಮಾ ಮೊತ್ತ (Cover): ಅಪಘಾತದಿಂದ ಮರಣ ಸಂಭವಿಸಿದರೆ ₹20 ಲಕ್ಷದವರೆಗೆ ವಿಮಾ ಮೊತ್ತ ದೊರೆಯುತ್ತದೆ.
- ವೈವಿಧ್ಯತೆ: ಹೆಚ್ಚಿನ ಪ್ರೀಮಿಯಂ ಪಾವತಿಸಿದರೆ ಹೆಚ್ಚಿನ ವಿಮಾ ಮೊತ್ತದ ಯೋಜನೆಗಳೂ ಲಭ್ಯವಿವೆ.
ಅರ್ಜಿ ಸಲ್ಲಿಸುವುದು ಹೇಗೆ?
ಈ ವಿಮೆಯನ್ನು ಪಡೆಯುವುದು ಬಹಳ ಸುಲಭ:
- ಎಸ್‌ಬಿಐ ಯೋನೊ (YONO) ಆ್ಯಪ್: ಆ್ಯಪ್ ಮೂಲಕ ಸುಲಭವಾಗಿ ನೋಂದಾಯಿಸಬಹುದು.
- ಇಂಟರ್ನೆಟ್ ಬ್ಯಾಂಕಿಂಗ್: ಎಸ್‌ಬಿಐ ಅಧಿಕೃತ ವೆಬ್‌ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು.
- ಬ್ಯಾಂಕ್ ಶಾಖೆ: ನಿಮ್ಮ ಹತ್ತಿರದ ಎಸ್‌ಬಿಐ ಶಾಖೆಗೆ ಭೇಟಿ ನೀಡಿ ಅರ್ಜಿ ಸಲ್ಲಿಸಬಹುದು.
ಅರ್ಹತೆ: ಅರ್ಜಿದಾರರು ಎಸ್‌ಬಿಐನಲ್ಲಿ ಉಳಿತಾಯ (Savings) ಅಥವಾ ಚಾಲ್ತಿ (Current) ಖಾತೆಯನ್ನು ಹೊಂದಿರಬೇಕು. ಅರ್ಜಿಯೊಂದಿಗೆ ನಾಮಿನಿ (ವದರುದಾರರ) ವಿವರಗಳನ್ನು ಸಲ್ಲಿಸುವುದು ಕಡ್ಡಾಯ. ಇದನ್ನು ಪ್ರತಿ ವರ್ಷ ನವೀಕರಿಸಿಕೊಳ್ಳಬಹುದು (Renewal).
- ವಿಮಾದಾರರು ಮರಣ ಹೊಂದಿದಲ್ಲಿ ಅಥವಾ ಆಸ್ಪತ್ರೆಗೆ ದಾಖಲಾದಲ್ಲಿ ನಾಮಿನಿಗಳು ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸಬೇಕು.
- ಮರಣ ಪ್ರಮಾಣಪತ್ರ ಅಥವಾ ವೈದ್ಯಕೀಯ ದಾಖಲೆಗಳ ಜೊತೆಗೆ ನಾಮಿನಿಯ ಆಧಾರ್ ಕಾರ್ಡ್ ಮತ್ತು ಪಾನ್ ಕಾರ್ಡ್ ಸಲ್ಲಿಸಬೇಕು.
ಇತರ ಹೆಚ್ಚುವರಿ ಪ್ರಯೋಜನಗಳು
ಈ ಯೋಜನೆಯಲ್ಲಿ ಕೇವಲ ಮರಣದ ಸಂದರ್ಭದಲ್ಲಷ್ಟೇ ಅಲ್ಲದೆ, ಇತರ ಸೌಲಭ್ಯಗಳೂ ಇವೆ:
- ಅಂಗವೈಕಲ್ಯ: ಅಪಘಾತದಿಂದ ಶಾಶ್ವತ ಅಂಗವೈಕಲ್ಯ ಸಂಭವಿಸಿದರೂ ವಿಮಾ ರಕ್ಷಣೆ ಸಿಗುತ್ತದೆ.
- ತಕ್ಷಣದ ನೆರವು: ಮರಣದ ಸುದ್ದಿ ತಿಳಿಸಿದ ತಕ್ಷಣ ಮನೆ ಅಥವಾ ವಾಹನದ ಮಾಲೀಕತ್ವದ ಬದಲಾವಣೆಯ ಪ್ರಕ್ರಿಯೆಗಳಿಗಾಗಿ ₹20,000 ಆರ್ಥಿಕ ನೆರವು ನೀಡಲಾಗುತ್ತದೆ.
- ಮಕ್ಕಳ ಶಿಕ್ಷಣ: ಕುಟುಂಬದ ಇಬ್ಬರು ಮಕ್ಕಳ ಶಿಕ್ಷಣಕ್ಕಾಗಿ ತಲಾ ₹20,000 ಸಹಾಯಧನ ಸಿಗುತ್ತದೆ.
- ಆಂಬ್ಯುಲೆನ್ಸ್ ಮತ್ತು ಅಂತ್ಯಕ್ರಿಯೆ: ಆಂಬ್ಯುಲೆನ್ಸ್ ವೆಚ್ಚಕ್ಕಾಗಿ ₹1,500 ಮತ್ತು ಅಂತ್ಯಕ್ರಿಯೆಯ ವೆಚ್ಚಕ್ಕಾಗಿ ₹10,000 ವರೆಗೆ ಬ್ಯಾಂಕ್ ನೆರವು ನೀಡುತ್ತದೆ.
ಗಮನಿಸಿ: ವಿಮೆ ಪಡೆಯುವ ಮೊದಲು ಬ್ಯಾಂಕ್ ಒದಗಿಸುವ ಅಧಿಕೃತ ನಿಯಮ ಮತ್ತು ಷರತ್ತುಗಳನ್ನು (Terms & Conditions) ಓದಿಕೊಳ್ಳುವುದು ಉತ್ತಮ.
