ಪ್ರತಿದಿನ ಅಡುಗೆ ಮಾಡುವಾಗ ಗ್ಯಾಸ್ ಸ್ಟವ್ ಉರಿ (Flame) ಕಡಿಮೆಯಾಗಿ ತೊಂದರೆಯಾಗುತ್ತಿದೆಯೇ? ಪಾತ್ರೆಗಳು ಕಪ್ಪಾಗುವುದು ಅಥವಾ ಅಡುಗೆ ಮಾಡಲು ತುಂಬಾ ಸಮಯ ತಗುಲುತ್ತಿದ್ದರೆ ಮೆಕ್ಯಾನಿಕ್ ಕರೆಯುವ ಮೊದಲು ಈ ಸುದ್ದಿಯನ್ನು ತಪ್ಪದೇ ಓದಿ.
ನಿಮ್ಮ ಗ್ಯಾಸ್ ಸ್ಟವ್‌ನ ಬರ್ನರ್ ಉರಿ ಕಡಿಮೆಯಾಗಿದ್ದರೆ, ಅದನ್ನು ಮೊದಲಿನಂತೆ ಹೆಚ್ಚಿಸಲು ಕೆಲವು ಸುಲಭವಾದ ಮಾರ್ಗಗಳಿವೆ. ಸಾಮಾನ್ಯವಾಗಿ ಜೆಂಟ್‌ನಲ್ಲಿಕಸ ಅಥವಾ ಧೂಳು ತುಂಬಿಕೊಳ್ಳುವುದೇ ಉರಿ ಕಡಿಮೆಯಾಗಲು ಪ್ರಮುಖ ಕಾರಣ. ಇದನ್ನು ಸರಿಪಡಿಸಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ:
ಅನುಸರಿಸಬೇಕಾದ ಹಂತಗಳು:
- ಸುರಕ್ಷತೆ ಮೊದಲು: ಯಾವುದೇ ಕೆಲಸ ಪ್ರಾರಂಭಿಸುವ ಮೊದಲು ಗ್ಯಾಸ್ ರೆಗ್ಯುಲೇಟರ್ ಅನ್ನು ಕಡ್ಡಾಯವಾಗಿ ಆಫ್ (OFF) ಮಾಡಿ.
- ಬಿಡಿಭಾಗಗಳ ಬೇರ್ಪಡಿಕೆ: ಪ್ಲೈಯರ್ ಸಹಾಯದಿಂದ ಬರ್ನರ್ ಕ್ಯಾಪ್ ಅನ್ನು ತೆಗೆಯಿರಿ ಮತ್ತು ಗ್ಯಾಸ್ ಸ್ಟವ್ ಅನ್ನು ಉಲ್ಟಾ ಮಾಡಿ. ಸ್ಟವ್‌ನಿಂದ ಬರ್ನರ್ ಅನ್ನು ಬೇರ್ಪಡಿಸಲು ಅದರ ಕೆಳಗಿರುವ ನಟ್ ಅನ್ನು ಬಿಚ್ಚಿ.
- ಜೆಟ್ ಶುಚಿಗೊಳಿಸುವಿಕೆ: ಬರ್ನರ್‌ಗೆ ಗ್ಯಾಸ್ ಸರಬರಾಜು ಮಾಡುವ ‘ಜೆಟ್’ ಅನ್ನು ಬಿಚ್ಚಿ ತೆಗೆಯಿರಿ. ಒಂದು ಸಣ್ಣ ಸೂಜಿ ಅಥವಾ ಪಿನ್ ಸಹಾಯದಿಂದ ಜೆಟ್‌ನಲ್ಲಿರುವ ರಂಧ್ರವನ್ನು ಜಾಗರೂಕತೆಯಿಂದ ಸ್ವಚ್ಛಗೊಳಿಸಿ.
ಗಮನಿಸಿ: ಜೆಟ್ ರಂಧ್ರವನ್ನು ದೊಡ್ಡದು ಮಾಡಬೇಡಿ, ಕೇವಲ ಅಲ್ಲಿರುವ ಕಸವನ್ನು ಮಾತ್ರ ತೆಗೆಯಿರಿ.
- ಮರುಜೋಡಣೆ: ಜೆಟ್ ಅನ್ನು ಸ್ವಚ್ಛಗೊಳಿಸಿದ ನಂತರ, ಅದನ್ನು ಮತ್ತೆ ಸ್ಟವ್‌ಗೆ ಹಾಕಿ ಪ್ಲೈಯರ್ ಸಹಾಯದಿಂದ ಸರಿಯಾಗಿ ಬಿಗಿಗೊಳಿಸಿ.
- ಬರ್ನರ್ ಶುಚಿಗೊಳಿಸುವಿಕೆ: ಈಗ ಹಳೆಯ ಟೂತ್‌ಬ್ರಶ್ ಬಳಸಿ ಬರ್ನರ್ ಮತ್ತು ಬರ್ನರ್ ಕ್ಯಾಪ್ ಅನ್ನು ಚೆನ್ನಾಗಿ ಉಜ್ಜಿ ಸ್ವಚ್ಛಗೊಳಿಸಿ. ಇದರಿಂದ ಮುಚ್ಚಿಹೋಗಿರುವ ರಂಧ್ರಗಳು ತೆರೆದುಕೊಳ್ಳುತ್ತವೆ.
- ಪರಿಶೀಲನೆ: ಎಲ್ಲಾ ಭಾಗಗಳನ್ನು ಸರಿಯಾಗಿ ಜೋಡಿಸಿದ ನಂತರ, ರೆಗ್ಯುಲೇಟರ್ ಆನ್ ಮಾಡಿ ಸ್ಟವ್ ಉರಿಸಿ ನೋಡಿ. ಮೊದಲಿಗಿಂತ ಈಗ ಮಂಟೆ ಹೆಚ್ಚು ಮತ್ತು ಸ್ಪಷ್ಟವಾಗಿ ಬರುತ್ತಿರುವುದನ್ನು ನೀವು ಗಮನಿಸಬಹುದು.
