ಮಧ್ಯಪ್ರಾಚ್ಯದಲ್ಲಿ ಯುದ್ಧದ ಕಾರ್ಮೋಡ ಕವಿದಿದೆ. ಇರಾನ್ ಮತ್ತು ಇಸ್ರೇಲ್ ನಡುವಿನ ಸಂಘರ್ಷ ಜಾಗತಿಕ ಆರ್ಥಿಕತೆಯ ಮೇಲೆ ಪರಿಣಾಮ ಬೀರುತ್ತಿದೆ. ಈ ಸಂದರ್ಭದಲ್ಲಿ ಭಾರತದ ರೂಪಾಯಿ ಮತ್ತು ಇಸ್ರೇಲ್‌ನ ಶೆಕೆಲ್ ನಡುವಿನ ಮೌಲ್ಯದ ವ್ಯತ್ಯಾಸದ ಬಗ್ಗೆ ಆಸಕ್ತಿದಾಯಕ ಮಾಹಿತಿ ಇಲ್ಲಿದೆ.
ಕರೆನ್ಸಿ ಸಮರ: ಯಾರ ಕೈ ಮೇಲು?
ಯಾವುದೇ ದೇಶದ ಆರ್ಥಿಕ ಶಕ್ತಿ ಆ ದೇಶದ ಕರೆನ್ಸಿಯ ಮೇಲೆ ನಿರ್ಧಾರವಾಗುತ್ತದೆ. ಇಸ್ರೇಲ್‌ನ ಅಧಿಕೃತ ಕರೆನ್ಸಿಯನ್ನು ಇಸ್ರೇಲಿ ನ್ಯೂ ಶೆಕೆಲ್ (ILS) ಎನ್ನಲಾಗುತ್ತದೆ. ಪ್ರಸ್ತುತ ಮಾರುಕಟ್ಟೆ ದರದಂತೆ ಭಾರತದ ರೂಪಾಯಿಗಿಂತ ಇಸ್ರೇಲಿ ಶೆಕೆಲ್ ಹೆಚ್ಚು ಬಲಿಷ್ಠವಾಗಿದೆ.
₹500 ಮತ್ತು ₹1000 ನೋಟಿನ ಮೌಲ್ಯ ಅಲ್ಲಿ ಎಷ್ಟು?
ನಮ್ಮ ದೇಶದಲ್ಲಿ ₹500 ದೊಡ್ಡ ಮೊತ್ತವಾಗಿ ಕಾಣಿಸಬಹುದು, ಆದರೆ ಇಸ್ರೇಲ್‌ಗೆ ಹೋದರೆ ಅದರ ಮೌಲ್ಯ ಕೇಳಿ ನೀವು ಆಶ್ಚರ್ಯಚಕಿತರಾಗುತ್ತೀರಿ:
ಭಾರತದ ₹500 = ಕೇವಲ 16.74 ಇಸ್ರೇಲಿ ಶೆಕೆಲ್
ಭಾರತದ ₹1000 = ಕೇವಲ 33.47 ಇಸ್ರೇಲಿ ಶೆಕೆಲ್
ಇಸ್ರೇಲ್‌ನಲ್ಲಿ ನಮ್ಮ ₹500 ಕ್ಕೆ ಏನೇನು ಸಿಗುತ್ತೆ?
ನಮ್ಮಲ್ಲಿ ₹500 ಇದ್ದರೆ ಇಡೀ ಕುಟುಂಬಕ್ಕೆ ಹೊಟ್ಟೆತುಂಬ ಊಟ ಮಾಡಿಸಬಹುದು. ಆದರೆ ಇಸ್ರೇಲ್‌ನಲ್ಲಿ ಈ 16.74 ಶೆಕೆಲ್‌ನಲ್ಲಿ ನೀವು ಪಡೆಯಬಹುದಾದ್ದು ಇಷ್ಟು ಮಾತ್ರ:
ಒಂದು ಕಪ್ ಸಾಧಾರಣ ಕಾಫಿ.
ಅಥವಾ ಒಂದು ಹೊತ್ತಿನ ಅತೀ ಸಾಮಾನ್ಯ ಊಟ.
ಅಥವಾ ಲೋಕಲ್ ಬಸ್‌ನ ಒಂದು ಟಿಕೆಟ್
ದುಬಾರಿ ದುನಿಯಾ: ಟೆಲ್ ಅವೀವ್
ಇಸ್ರೇಲ್‌ನ ಪ್ರಮುಖ ನಗರವಾದ ಟೆಲ್ ಅವೀವ್ ವಿಶ್ವದ ಅತ್ಯಂತ ದುಬಾರಿ ನಗರಗಳ ಪಟ್ಟಿಯಲ್ಲಿದೆ. ಅಲ್ಲಿನ ಮನೆ ಬಾಡಿಗೆ, ದಿನಸಿ ಮತ್ತು ಜೀವನಶೈಲಿಯ ವೆಚ್ಚ ಭಾರತಕ್ಕೆ ಹೋಲಿಸಿದರೆ ಹತ್ತಾರು ಪಟ್ಟು ಹೆಚ್ಚಿದೆ. ಸಾಮಾನ್ಯ ಮಧ್ಯಮ ವರ್ಗದವರು ಅಲ್ಲಿ ವಾಸಿಸುವುದು ಒಂದು ದೊಡ್ಡ ಸವಾಲೇ ಸರಿ.
