ಭಾರತ ಪೋಸ್ಟ್ ಗ್ರಾಮೀಣ ಡಾಕ್ ಸೇವಕರ ಹುದ್ದೆಗೆ ಅರ್ಹ ಅಭ್ಯರ್ಥಿಗಳನ್ನು ನೇಮಿಸಿಕೊಳ್ಳುತ್ತಿದೆ. ಇಂಡಿಯಾ ಪೋಸ್ಟ್ ಜಿಡಿಎಸ್ ನೇಮಕಾತಿ 2026 ರ ನೇಮಕಾತಿ ಅಧಿಸೂಚನೆಯನ್ನು ಬಿಡುಗಡೆ ಮಾಡಲಾಗಿದೆ.
ಅಧಿಕೃತ ಅಧಿಸೂಚನೆಯ ಪ್ರಕಾರ, ಭಾರತದಾದ್ಯಂತ ಶಾಖಾ ಪೋಸ್ಟ್‌ಮಾಸ್ಟರ್(ಬಿಪಿಎಂ), ಗ್ರಾಮೀಣ ಡಾಕ್ ಸೇವಕರು(ಜಿಡಿಎಸ್) ಮತ್ತು ಸಹಾಯಕ ಶಾಖೆ ಪೋಸ್ಟ್‌ಮಾಸ್ಟರ್(ಎಬಿಪಿಎಂ) ಹುದ್ದೆಗಳಿಗೆ ಒಟ್ಟು 28,740 ತಾತ್ಕಾಲಿಕ ಹುದ್ದೆಗಳನ್ನು ಮೂಲಕ ಭರ್ತಿ ಮಾಡಲಾಗುತ್ತದೆ.
ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಜನವರಿ 31, 2026 ರಿಂದ ಅಧಿಕೃತ ವೆಬ್‌ಸೈಟ್ indiapostgdsonline.gov.in ನಲ್ಲಿ ಅರ್ಜಿ ಸಲ್ಲಿಸಬಹುದು. ಹುದ್ದೆಗಳಿಗೆ ನೋಂದಾಯಿಸಲು ಕೊನೆಯ ದಿನಾಂಕ ಫೆಬ್ರವರಿ 14, 2026.
ಪ್ರಮುಖ ದಿನಾಂಕಗಳು
ನೋಂದಣಿ ಆರಂಭ: ಜನವರಿ 31, 2026
ನೋಂದಣಿ ಅಂತ್ಯ: ಫೆಬ್ರವರಿ 14, 2026
ಅರ್ಜಿ ಆರಂಭ: ಜನವರಿ 31, 2026
ಅರ್ಜಿ ಅಂತ್ಯ: ಫೆಬ್ರವರಿ 14, 2026
ಶುಲ್ಕ ಪಾವತಿ ಕೊನೆಯ ದಿನಾಂಕ: ಫೆಬ್ರವರಿ 16, 2026
ಫೆಬ್ರವರಿ 18 ರಿಂದ ಫೆಬ್ರವರಿ 19, 2026 ರವರೆಗೆ ಅಭ್ಯರ್ಥಿಗಳು ತಮ್ಮ ಅರ್ಜಿ ನಮೂನೆಯಲ್ಲಿ ಬದಲಾವಣೆಗಳನ್ನು ಮಾಡಿಕೊಳ್ಳಲು ಅವಕಾಶವಿರುತ್ತದೆ. ಮೆರಿಟ್ ಪಟ್ಟಿಯನ್ನು ಫೆಬ್ರವರಿ 28, 2026 ರಂದು ಬಿಡುಗಡೆ ಮಾಡಲಾಗುತ್ತದೆ.
ಅರ್ಹತಾ ವಿವರ
ಅರ್ಜಿ ಸಲ್ಲಿಸಲು ಬಯಸುವ ಉದ್ಯೋಗ ಆಕಾಂಕ್ಷಿಗಳು 10 ನೇ ತರಗತಿಯಲ್ಲಿ ಉತ್ತೀರ್ಣರಾಗಿರಬೇಕು ಮತ್ತು 18 ರಿಂದ 40 ವರ್ಷ ವಯಸ್ಸಿನವರಾಗಿರಬೇಕು.
ಆಯ್ಕೆ ಪ್ರಕ್ರಿಯೆ
ಯಾವುದೇ ಲಿಖಿತ ಪರೀಕ್ಷೆ ಇರುವುದಿಲ್ಲ, ಆಯ್ಕೆಯು ಸಂಪೂರ್ಣವಾಗಿ 10 ನೇ ತರಗತಿಯ ಅಂಕಗಳನ್ನು ಬಳಸಿಕೊಂಡು ಸಿದ್ಧಪಡಿಸಲಾದ ಮೆರಿಟ್ ಪಟ್ಟಿಯನ್ನು ಆಧರಿಸಿರುತ್ತದೆ.
ವೇತನ ವಿವರ
ABPM ಮತ್ತು GDS ಹುದ್ದೆಗಳಿಗೆ ಮಾಸಿಕ ವೇತನವು ರೂ. 10,000 ರಿಂದ ರೂ. 24,470 ವರೆಗೆ ಇರುತ್ತದೆ. BPM ಹುದ್ದೆಗೆ ರೂ. 12,000 ರಿಂದ ರೂ. 29,380 ವರೆಗೆ ವೇತನ ಶ್ರೇಣಿ ಇದೆ.
ಇಂಡಿಯಾ ಪೋಸ್ಟ್ GDS ನೇಮಕಾತಿ 2026 ಗೆ ಅರ್ಜಿ ಸಲ್ಲಿಸುವುದು ಹೇಗೆ?
ಹಂತ-1: ಅಧಿಕೃತ ಇಂಡಿಯಾ ಪೋಸ್ಟ್ ವೆಬ್‌ಸೈಟ್ indiapostgdsonline.gov.in ಗೆ ಹೋಗಿ.
ಹಂತ-2: ಮುಖಪುಟದಲ್ಲಿ GDS 2026 ನೋಂದಣಿಯ ಮೇಲೆ ಕ್ಲಿಕ್ ಮಾಡಿ.
ಹಂತ-3: ಅಗತ್ಯವಿರುವ ವಿವರಗಳನ್ನು ನಮೂದಿಸಿ ಮತ್ತು ನೀವು ಅರ್ಜಿ ಸಲ್ಲಿಸಲು ಬಯಸುವ ಹುದ್ದೆಯನ್ನು ಆಯ್ಕೆ ಮಾಡಿ.
ಹಂತ-4: ನೀವು ಹುದ್ದೆಗಳಿಗೆ ಯಶಸ್ವಿಯಾಗಿ ನೋಂದಾಯಿಸಲ್ಪಡುತ್ತೀರಿ.
