ಇಂಡಿ ಮೈತ್ರಿಕೂಟವು ಕೇಂದ್ರ ಚುನಾವಣಾ ಆಯೋಗವನ್ನು ಭೇಟಿ ಮಾಡಿ ಜೂನ್ 4 ರ ಮತಎಣಿಕೆ ವೇಳೆ ಮೊದಲು ಅಂಚೆಮತಗಳನ್ನು ಎಣಿಕೆ ಮಾಡಬೇಕೆಂದು ಒತ್ತಾಯಿಸಿದೆ. ಮೈತ್ರಿಕೂಟದ ಹಲವು ನಾಯಕರುಗಳನ್ನೊಳಗೊಂಡ ನಿಯೋಗ, ಆಯೋಗವನ್ನು ಭೇಟಿ ಮಾಡಿ ಭಾರತೀಯ ಚುನಾವಣಾ ಆಯೋಗವು ಮತ ಎಣಿಕೆ ಪ್ರಕ್ರಿಯೆಗೆ ಸ್ಪಷ್ಟ ಮತ್ತು ಸಮಗ್ರ ಮಾರ್ಗಸೂಚಿಗಳನ್ನು ನೀಡಬೇಕು ಎಂದು ಮನವಿ ಮಾಡಿದೆ.
ಇದರೊಂದಿಗೆ ಚುನಾವಣಾ ನಿಯಮಗಳು 1961 ರ ನಡವಳಿಕೆಗೆ ಅನುಗುಣವಾಗಿ ಕಂಟ್ರೋಲ್ ಯೂನಿಟ್‌ಗಳ ಸುರಕ್ಷಿತ ಸಿಸಿಟಿವಿ ಮೇಲ್ವಿಚಾರಣೆ ಮತ್ತು ಈ ಘಟಕಗಳಲ್ಲಿ ದಿನಾಂಕ ಮತ್ತು ಸಮಯದ ಸೆಟ್ಟಿಂಗ್‌ಗಳ ಪರಿಶೀಲನೆ, ಮತದಾನದ ಪ್ರಾರಂಭ ಮತ್ತು ಅಂತಿಮ ಸಮಯದ ದೃಢೀಕರಣ, ಸ್ಲಿಪ್‌ಗಳು, ಟ್ಯಾಗ್‌ಗಳು ಮತ್ತು ಎಣಿಕೆ ಏಜೆಂಟ್‌ಗಳ ಮಾಹಿತಿಯ ವಿವರ, ಮತದಾನದ ದಿನಾಂಕ, ಅಭ್ಯರ್ಥಿಗಳು, ಅಭ್ಯರ್ಥಿಗಳ ನಿರ್ದಿಷ್ಟ ಫಲಿತಾಂಶಗಳನ್ನು ಬಿಡುಗಡೆ ಮಾಡುವ ಮೊದಲು ಒಟ್ಟು ಮತಗಳ ಎಣಿಕೆಗಳ ಪ್ರದರ್ಶನ ಇದಲ್ಲದೆ ಫಲಿತಾಂಶಗಳನ್ನು ದಾಖಲಿಸಲು ಏಜೆಂಟರಿಗೆ ಅವಕಾಶ ಸೇರಿದಂತೆ ಚುನಾವಣಾ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಮತ್ತು ನಂಬಿಕೆಯನ್ನು ಹೆಚ್ಚಿಸುವಂತಹ ವಿಷಯಗಳ ವಿವರಗಳನ್ನು ತಿಳಿಸುವಂತೆ ಕೇಳಿದೆ.
ಈ ಬಗ್ಗೆ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಕಾಂಗ್ರೆಸ್ ನಾಯಕ ಅಭಿಷೇಕ್ ಮನು ಸಿಂಘ್ವಿ, “ಮೊದಲು ಅಂಚೆ ಮತಪತ್ರಗಳನ್ನು ಎಣಿಸುವ ಪ್ರಮುಖ ಪ್ರಾಮುಖ್ಯತೆ ಮತ್ತು ಮೊದಲು ಅಂಚೆ ಮತಪತ್ರಗಳ ಫಲಿತಾಂಶಗಳನ್ನು ಘೋಷಿಸುವುದು. ಇದನ್ನು ಶಾಸನಬದ್ಧ ನಿಯಮದಲ್ಲಿ ಬಹಳ ಸ್ಪಷ್ಟವಾಗಿ ಹೇಳಲಾಗಿದೆ. ಇದನ್ನು ಚುನಾವಣಾ ಆಯೋಗವು ಹಲವು ವರ್ಷಗಳಿಂದ ಅರ್ಥ ಮಾಡಿಕೊಂಡಿದೆ. ಈ 2019 ರ ಮಾರ್ಗಸೂಚಿಯ ಶಾಸನಬದ್ಧ ನಿಯಮಕ್ಕೆ ಚುನಾವಣಾ ಆಯೋಗ ವಿದಾಯ ನೀಡಲಾಗಿದೆ ಎಂಬುದು ನಮ್ಮ ದೂರು ಎಂದರು.
ಮತ ಎಣಿಕೆಯ ದಿನದಂದು ಅಂಚೆ ಮತಪತ್ರಗಳನ್ನು ಮೊದಲು ಎಣಿಕೆ ಮಾಡಬೇಕು ನಂತರ ಇವಿಎಂ ಎಣಿಕೆ ಪ್ರಾರಂಭವಾಗುತ್ತದೆ ಇದನ್ನು ಅನುಸರಿಸಬೇಕೆಂದು ಸೀತಾರಾಂ ಯೆಚೂರಿ ಒತ್ತಾಯಿಸಿದ್ದಾರೆ.
ಏಪ್ರಿಲ್ 19 ರಂದು ಪ್ರಾರಂಭವಾದ ಲೋಕಸಭೆ ಚುನಾವಣೆ ಶನಿವಾರ ಅಂತ್ಯವಾದ ಬಳಿಕ ಕಾಂಗ್ರೆಸ್ ನಾಯಕ ಅಜಯ್ ಮಾಕೆನ್ ಮತ ಎಣಿಕೆ ಪ್ರಕ್ರಿಯೆಯಲ್ಲಿ ಅಭ್ಯರ್ಥಿಗಳ ಏಜೆಂಟ್‌ಗಳಿಗೆ ಸಹಾಯಕ ಚುನಾವಣಾಧಿಕಾರಿಯ ಟೇಬಲ್ ಗೆ ಹೋಗಲು ಅವಕಾಶವಿಲ್ಲ ಎಂಬ ಹೊಸ ನಿಯಮದ ಬಗ್ಗೆ ಗಮನ ಸೆಳೆದಿದ್ದಾರೆ.
ಟ್ವಿಟರ್ ನಲ್ಲಿ ಈ ಬಗ್ಗೆ ಪ್ರಶ್ನಿಸಿರುವ ಅವರು “ARO ಟೇಬಲ್‌ನಲ್ಲಿರುವ “ಅಭ್ಯರ್ಥಿಗಳ ಎಣಿಕೆ ಏಜೆಂಟ್‌ಗಳನ್ನು ಮೊದಲ ಬಾರಿಗೆ ಅನುಮತಿಸಲಾಗುವುದಿಲ್ಲ!!! ನಾನು ಈ ಹಿಂದೆ 9 ಲೋಕಸಭೆ ಮತ್ತು ವಿಧಾನಸಭಾ ಚುನಾವಣೆಗಳಲ್ಲಿ ಸ್ಪರ್ಧಿಸಿದ್ದೇನೆ. ಇಂತಹ ನಿಯಮ ಮೊದಲ ಬಾರಿಗೆ ನಡೆಯುತ್ತಿದೆ. ಇದು ನಿಜವಾಗಿದ್ದಲ್ಲಿ, ಇದು ಆಪಾದಿತ ಇವಿಎಂ ಟ್ಯಾಂಪರಿಂಗ್ ಗಿಂತ ದೊಡ್ಡದಾಗಿದೆ! ನಾನು ಈ ಸಮಸ್ಯೆಯನ್ನು ಎಲ್ಲಾ ಅಭ್ಯರ್ಥಿಗಳ ಗಮನಕ್ಕೆ ತರುತ್ತಿದ್ದೇನೆ. ಚುನಾವಣಾ ಆಯೋಗ ಶೀಘ್ರದಲ್ಲೇ ಅದನ್ನು ಸರಿಪಡಿಸುತ್ತದೆ ಎಂದು ನಾನು ಭಾವಿಸುತ್ತೇನೆ” ಎಂದಿದ್ದಾರೆ.
ಆದರೆ ಅಭ್ಯರ್ಥಿಗಳ ಎಣಿಕೆ ಏಜೆಂಟ್‌ಗಳಿಗೆ ಆರ್‌ಒ ಮತ್ತು ಎಆರ್‌ಒಗಳ ಟೇಬಲ್‌ಗಳಲ್ಲಿ ಅವಕಾಶವಿದೆ ಎಂದು ದೆಹಲಿಯ ಮುಖ್ಯ ಚುನಾವಣಾಧಿಕಾರಿ ಸ್ಪಷ್ಟಪಡಿಸಿದ್ದಾರೆ.
‘Candidate’s Counting Agents’ at the ARO table are NOT being allowed for the first time!!!
I have contested 9 Lok Sabha & Vidhan Sabha elections in the past- And this is happening for the first time.
If true, this is bigger than the alleged EVM rigging!
I am flagging this…
— Ajay Maken (@ajaymaken) June 1, 2024
