ನಮ್ಮಲ್ಲಿ ಹೆಚ್ಚಿನವರು ವಿಮಾನದಲ್ಲಿ ಪ್ರಯಾಣಿಸುವಾಗ ಉತ್ಸುಕರಾಗಿರುತ್ತಾರೆ, ಕೆಲವರಿಗೆ ಇದು ನಿತ್ಯದ ವಿಷಯವಾಗಿದ್ದರೆ, ಕೆಲವರು ವಿಮಾನದಲ್ಲಿ ಹಾರುವ ಫೋಬಿಯಾವನ್ನು ಹೊಂದಿದ್ದಾರೆ. ಹೀಗೆ ವಿಮಾನ ಕಂಡರೆ ಹೆದರುವ ಮಹಿಳೆಯೊಬ್ಬಳ ವಿಡಿಯೋ ವೈರಲ್ ಆಗಿದೆ.
JFK-ಬೌಂಡ್ ಫ್ಲೈಟ್ ಅನ್ನು ಹತ್ತಿದ ಮಹಿಳೆಯೊಬ್ಬಳು ವಿಮಾನಕ್ಕೆ ಹೆದರಿದ್ದಾಳೆ. ಆದರೆ ಅದನ್ನು ಗಮನಿಸಿದ ಡೆಲ್ಟಾ ಫ್ಲೈಟ್ ಅಟೆಂಡೆಂಟ್, ಫ್ಲಾಯ್ಡ್ ಡೀನ್ ಶಾನನ್ ಮಹಿಳೆಯನ್ನು ಗಮನಿಸಿ ಆಕೆಗೆ ಸಮಾಧಾನಪಡಿಸಿದ್ದಾರೆ. ಫ್ಲಾಯ್ಡ್ ಸಂಪೂರ್ಣ ಹಾರಾಟದ ಅವಧಿಯಲ್ಲಿ ನೆಲದ ಮೇಲೆ ಕುಳಿತು ಮಹಿಳೆಯ ಭಯವನ್ನು ಕಡಿಮೆ ಮಾಡಲು ಅವಳ ಕೈಯನ್ನು ಹಿಡಿದಿದ್ದು ಇದು ನೆಟ್ಟಿಗರ ಶ್ಲಾಘನೆ ಗಳಿಸಿದೆ.
ಅದೇ ವಿಮಾನದಲ್ಲಿ ಸಹ-ಪ್ರಯಾಣಿಕರಾಗಿರುವ ಫೇಸ್ಬುಕ್ ಬಳಕೆದಾರ ಮೊಲ್ಲಿ ಸೈಮನ್ಸನ್ ಲೀ ಅವರು ಇಡೀ ಘಟನೆಯನ್ನು ತಮ್ಮ ಟೈಮ್ಲೈನ್ನಲ್ಲಿ ಹಂಚಿಕೊಂಡಿದ್ದಾರೆ ಅದು ಶೀಘ್ರದಲ್ಲೇ ಇಂಟರ್ನೆಟ್ ಬಳಕೆದಾರರ ಗಮನವನ್ನು ಸೆಳೆದಿದೆ.
ಫ್ಲೈಟ್ ಅಟೆಂಡೆಂಟ್ ನೆಲದ ಮೇಲೆ ಕುಳಿತುಕೊಂಡು, ಒಂದು ಕೈಯಲ್ಲಿ ಪಾನೀಯವನ್ನು ಹಿಡಿದಿರುವ ಮತ್ತು ಇನ್ನೊಂದು ಕೈಯಲ್ಲಿ ತೊಂದರೆಗೊಳಗಾದ ಪ್ರಯಾಣಿಕರ ಕೈಯನ್ನು ಹಿಡಿದ ಚಿತ್ರವು ತೋರಿಸುತ್ತದೆ. ಜನವರಿ 14 ರಂದು ಫೇಸ್ಬುಕ್ನಲ್ಲಿ ಹಂಚಿಕೊಂಡ ನಂತರ, ಪೋಸ್ಟ್ 12,000 ಕ್ಕೂ ಹೆಚ್ಚು ಪ್ರತಿಕ್ರಿಯೆಗಳನ್ನು ಸಂಗ್ರಹಿಸಿದೆ. ಇದು 1,200 ಕ್ಕೂ ಹೆಚ್ಚು ಕಾಮೆಂಟ್ಗಳನ್ನು ಸಂಗ್ರಹಿಸಿದೆ ಮತ್ತು 11,000 ಕ್ಕೂ ಹೆಚ್ಚು ಬಾರಿ ಹಂಚಿಕೊಳ್ಳಲಾಗಿದೆ. ಇಂಥ ಪ್ರೀತಿ ತೋರುವ ಇಂಥ ಅಟೆಂಡ್ಗಳಿಗೆ ನೆಟ್ಟಿಗರು ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.
https://www.facebook.com/molly.c.lee/posts/10167360292360192
