ತಂತ್ರಜ್ಞಾನ ಬೆಳೆದಂತೆ ನಾವು ಅದಕ್ಕೆ ಹೆಚ್ಚು ಅವಲಂಬಿತರಾಗಿದ್ದೇವೆ. ಹಿಂದೆಲ್ಲಾ ನಮಗೆ ಗೊತ್ತಿಲ್ಲದೇ ಇರುವ ದಾರಿಯಲ್ಲಿ ಹೋದ್ರೆ, ದಾರಿಯಲ್ಲಿ ಸಿಕ್ಕ-ಸಿಕ್ಕವರನ್ನು ಕೇಳಿಕೊಂಡು ಹೋಗುವುದು ಸಾಮಾನ್ಯವಾಗಿತ್ತು. ಆದರೀಗ, ಬಹುತೇಕರು ಗೂಗಲ್ ಮ್ಯಾಪ್ ಗೆ ಡಿಪೆಂಡ್ ಆಗಿದ್ದಾರೆ. ಇತ್ತೀಚೆಗಂತೂ ಗೂಗಲ್ ಮ್ಯಾಪ್ ಇಲ್ಲದೆ ನಾವು ನಮ್ಮ ಜೀವನವನ್ನು ಕಲ್ಪಿಸಿಕೊಳ್ಳಲಾಗುವುದಿಲ್ಲ. ಗಮ್ಯಸ್ಥಾನದ ಮಾರ್ಗವನ್ನು ತಿಳಿದಿದ್ದರೂ ಸಹ, ಅಲ್ಲಿಗೆ ತಲುಪುವ ಅಂದಾಜು ಸಮಯವನ್ನು ಪರಿಶೀಲಿಸಲು ಅಪ್ಲಿಕೇಶನ್ ಅನ್ನು ಪರಿಶೀಲಿಸುವುದು ಸಾಮಾನ್ಯ.
ಗೂಗಲ್ ನಕ್ಷೆ ಜೀವನವನ್ನು ಸುಲಭ ಮತ್ತು ಉತ್ತಮಗೊಳಿಸಿದೆ. ಆದರೆ, ಈ ಗೂಗಲ್ ಮ್ಯಾಪ್ ನಿಂದಾಗಿ ದಂಪತಿ ವಿಚ್ಛೇದನ ಪಡೆಯುವಂತಾದ ಘಟನೆ ನಡೆದಿದೆ. ವ್ಯಕ್ತಿಯೊಬ್ಬ ತನ್ನ ಪತ್ನಿಗೆ ವಿಚ್ಛೇದನ ನೀಡಿದ್ದಾನೆ. ಅಷ್ಟಕ್ಕೂ ಏನಾಯ್ತು ಅಂತಾ ಅಚ್ಚರಿ ಪಡುತ್ತಿದ್ದೀರಾ? ಹಾಗಿದ್ರೆ ಮುಂದೆ ಓದಿ.
ಗೂಗಲ್ ಮ್ಯಾಪ್‌ನಲ್ಲಿ ಇನ್ನೊಬ್ಬ ಪುರುಷನೊಂದಿಗೆ ಮುದ್ದಾಡುತ್ತಿರುವ ಫೋಟೋವನ್ನು ಕಂಡುಹಿಡಿದ ನಂತರ ವ್ಯಕ್ತಿಯೊಬ್ಬ ತನ್ನ ಹೆಂಡತಿಗೆ ವಿಚ್ಛೇದನ ನೀಡಿದ್ದಾನೆ. ವ್ಯಕ್ತಿ ತನ್ನ ರೈಡ್‌ಗೆ ಮುಂಚಿತವಾಗಿ ಗೂಗಲ್ ಮ್ಯಾಪ್ ಬಳಸುತ್ತಿದ್ದಾಗ ಅವನು ತನ್ನ ಹೆಂಡತಿ ಇನ್ನೊಬ್ಬ ಪುರುಷನನ್ನು ತನ್ನ ಮಡಿಲಲ್ಲಿ ಮಲಗಿಸಿರುವ ಫೋಟೋ ನೋಡಿ ಬೆಚ್ಚಿ ಬಿದ್ದಿದ್ದಾನೆ.
ಪೆರುವಿಯನ್ ರಾಜಧಾನಿ ಲಿಮಾದಲ್ಲಿ ಘಟನೆ ನಡೆದಿದ್ದು, ಗೂಗಲ್ ಕ್ಯಾಮರಾ ಕಾರ್ ಮೂಲಕ ಫೋಟೋ ಸೆರೆಹಿಡಿಯಲಾಗಿದೆ. ಮಹಿಳೆಯು ತನ್ನ ಹೆಂಡತಿ ಹೊಂದಿದ್ದ ಅದೇ ಬಟ್ಟೆಗಳನ್ನು ಧರಿಸಿದ್ದರಿಂದ ಪತಿಗೆ ಇದು ತನ್ನ ಪತ್ನಿಯೇ ಎಂಬುದನ್ನು ಕಂಡುಹಿಡಿಯಲು ಹೆಚ್ಚು ಸಮಯ ಬೇಕಾಗಲಿಲ್ಲ. ಅವನು ಚಿತ್ರವನ್ನು ಜೂಮ್ ಮಾಡಿದಾಗ, ಅದು ನಿಜವಾಗಿಯೂ ತನ್ನ ಹೆಂಡತಿ ಎಂದು ಅವನು ಅರಿತುಕೊಂಡನು.
ಈ ಫೋಟೋವನ್ನು 2013ರಲ್ಲಿ ಸೆರೆಹಿಡಿಯಲಾಗಿದೆ. ಈ ಬಗ್ಗೆ ತನ್ನ ಹೆಂಡತಿಯ ಜೊತೆ ಕೇಳಿದಾಗ ಅವಳು ಇದನ್ನು ಒಪ್ಪಿಕೊಂಡಳು. ಶೀಘ್ರದಲ್ಲೇ ದಂಪತಿ ವಿಚ್ಛೇದನ ಪಡೆದ್ರು.
ಮಹಿಳೆಯು ತನ್ನ ಪ್ರೇಮಿಯೊಂದಿಗೆ ನಗರದ ಪುಯೆಂಟೆ ಡಿ ಲಾಸ್ ಸುಸ್ಪಿರೋಸ್ ಡಿ ಬ್ಯಾರಾಂಕೊದ ಬೆಂಚ್ ಮೇಲೆ ಕುಳಿತು ಫೋಟೋ ಕ್ಲಿಕ್ ಮಾಡಿದ್ದಾಳೆ. ಆ ವ್ಯಕ್ತಿ ಗೂಗಲ್ ಸ್ಟ್ರೀಟ್ ವ್ಯೂನಿಂದ ಫೇಸ್‌ಬುಕ್‌ನಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾನೆ.
