ಇಂದಿನ ಫಾಸ್ಟ್ ಫುಡ್ ಜಮಾನಾ ಮತ್ತು ವಿಪರೀತ ಒತ್ತಡದ ಜೀವನಶೈಲಿ ನಮಗೆ ಅರಿಯದಂತೆ ರಕ್ತದೊತ್ತಡ (Blood Pressure) ಎಂಬ ಸೈಲೆಂಟ್ ಕಿಲ್ಲರ್ ಅನ್ನು ಮನೆಗೆ ಆಹ್ವಾನಿಸುತ್ತಿದೆ. ಮೇಲ್ನೋಟಕ್ಕೆ ಇದು ಒಂದು ಸಾಮಾನ್ಯ ಆರೋಗ್ಯ ಸಮಸ್ಯೆ ಎಂದು ಕಂಡರೂ, ಇದನ್ನು ನಿರ್ಲಕ್ಷಿಸಿದರೆ ಅದು ನಿಮ್ಮನ್ನು ಹೃದಯಾಘಾತ (Heart Attack) ಪಾರ್ಶ್ವವಾಯು (Stroke) ಅಥವಾ ಕಿಡ್ನಿ ವೈಫಲ್ಯದಂತಹ ಮರಣಾಂತಿಕ ಸ್ಥಿತಿಗೆ ತಳ್ಳಬಹುದು.
ಇದ್ದಕ್ಕಿದ್ದಂತೆ ಬರುವುದಿಲ್ಲ ಹೃದಯಾಘಾತ
ಹೃದಯಾಘಾತಗಳು ಸಾಮಾನ್ಯವಾಗಿ ಆಕಸ್ಮಿಕವಾಗಿ ಸಂಭವಿಸುವುದಿಲ್ಲ. ನಾವು ಪ್ರತಿದಿನ ಪಾಲಿಸುವ ಅನಾರೋಗ್ಯಕರ ಅಭ್ಯಾಸಗಳು ವರ್ಷಗಳ ಕಾಲ ಒಟ್ಟಾಗಿ ಒಂದು ದಿನ ದಿಢೀರ್ ಅನಾಹುತಕ್ಕೆ ಕಾರಣವಾಗುತ್ತವೆ. ವಿಶ್ವ ಆರೋಗ್ಯ ಸಂಸ್ಥೆಯ ಬೆಚ್ಚಿಬೀಳಿಸುವ ವರದಿಯ ಪ್ರಕಾರ, ಜಾಗತಿಕವಾಗಿ ಅತಿ ಹೆಚ್ಚು ಸಾವುಗಳಿಗೆ ಹೃದಯ ಸಂಬಂಧಿ ಕಾಯಿಲೆಗಳೇ ಕಾರಣವಾಗಿದ್ದು, ಪ್ರತಿ ವರ್ಷ ಸುಮಾರು 1.8 ಕೋಟಿ ಜನರು ಬಲಿಯಾಗುತ್ತಿದ್ದಾರೆ. ದುರದೃಷ್ಟವಶಾತ್, ಹಾರ್ಟ್ ಅಟ್ಯಾಕ್ ಆದವರಲ್ಲಿ ಬದುಕುಳಿಯುವವರ ಸಂಖ್ಯೆ ಬಹಳ ಕಡಿಮೆ.ನಮ್ಮ ಪೂರ್ವಜರು ಬಳಸುತ್ತಿದ್ದ ನೈಸರ್ಗಿಕ ಮನೆಮದ್ದುಗಳು ಇಂದಿಗೂ ಬಿಪಿ ನಿಯಂತ್ರಣದಲ್ಲಿ ಅಚ್ಚರಿಯ ಫಲಿತಾಂಶ ನೀಡುತ್ತವೆ. ಅಂತಹ ಕೆಲವು ಶಕ್ತಿಯುತ ಮನೆಮದ್ದುಗಳ ವಿವರ ಇಲ್ಲಿದೆ:
ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಮನೆಯಲ್ಲಿ ತಯಾರಿಸಿದ ಸಲಹೆಗಳು
ಚಪಾತಿ ಮಾಡುವಾಗ ಗೋಧಿ ಹಿಟ್ಟಿನೊಂದಿಗೆ ಸಮಪ್ರಮಾಣದ ಕಡಲೆ ಹಿಟ್ಟನ್ನು ಬೆರೆಸಿ. ಹಿಟ್ಟಿನಿಂದ ಹೊಟ್ಟು ತೆಗೆಯಬೇಡಿ, ಇದು ರಕ್ತದೊತ್ತಡ ನಿಯಂತ್ರಿಸಲು ತುಂಬಾ ಸಹಕಾರಿ.
ಬಿಪಿ ರೋಗಿಗಳಿಗೆ ಬ್ರೌನ್ ರೈಸ್ ಅಮೃತವಿದ್ದಂತೆ. ಇದರಲ್ಲಿ ಉಪ್ಪು, ಕೊಲೆಸ್ಟ್ರಾಲ್ ಮತ್ತು ಕೊಬ್ಬಿನಂಶ ಅತ್ಯಂತ ಕಡಿಮೆ ಇರುತ್ತದೆ.
ರಕ್ತದೊತ್ತಡ ಹೆಚ್ಚಾಗಲು ಉಪ್ಪು ಪ್ರಮುಖ ಕಾರಣ. ಆದ್ದರಿಂದ ಬಿಪಿ ಇರುವವರು ಉಪ್ಪಿನ ಸೇವನೆಯನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಬೇಕು.
ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ ತಾಜಾ ಪಪ್ಪಾಯಿಯನ್ನು ಚೆನ್ನಾಗಿ ಅಗಿದು ತಿನ್ನುವುದು ಆರೋಗ್ಯಕ್ಕೆ ಉತ್ತಮ.
ನಿಯಮಿತವಾಗಿ ಈರುಳ್ಳಿ ಸೇವಿಸುವುದರಿಂದ ಕೊಲೆಸ್ಟ್ರಾಲ್ ನಿಯಂತ್ರಣಕ್ಕೆ ಬರುತ್ತದೆ ಮತ್ತು ಇದರಲ್ಲಿರುವ ‘ಕ್ವೆರ್ಸೆಟಿನ್’ ಎಂಬ ಅಂಶವು ಹೃದಯವನ್ನು ರಕ್ಷಿಸುತ್ತದೆ
ಬೆಳ್ಳುಳ್ಳಿಯಲ್ಲಿರುವ ಅಲಿಸಿನ್ ರಕ್ತನಾಳಗಳನ್ನು ಸಡಿಲಗೊಳಿಸುತ್ತದೆ. ರಕ್ತ ಹೆಪ್ಪುಗಟ್ಟುವುದನ್ನು ತಡೆಯಲು ಮತ್ತು ರಕ್ತ ದಪ್ಪವಾಗುವುದನ್ನು ತಪ್ಪಿಸಲು ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ ಬೆಳ್ಳುಳ್ಳಿ ಎಸಳನ್ನು ಸೇವಿಸಿ.
ಶುಂಠಿಯು ಅಪಧಮನಿಗಳ ಬ್ಲಾಕೇಜ್ ತಡೆಯುತ್ತದೆ. ದಾಲ್ಚಿನ್ನಿ ಮತ್ತು ಏಲಕ್ಕಿ ರಕ್ತ ಪರಿಚಲನೆಯನ್ನು ಸುಧಾರಿಸುವ ಉತ್ಕರ್ಷಣ ನಿರೋಧಕಗಳನ್ನು (Antioxidants) ಹೊಂದಿರುತ್ತವೆ.
ಇದರಲ್ಲಿ ಒಮೆಗಾ-3 ಸಮೃದ್ಧವಾಗಿದ್ದು, ಇದು ಬಿಪಿ ಮತ್ತು ಕೊಲೆಸ್ಟ್ರಾಲ್ ಎರಡನ್ನೂ ಕಡಿಮೆ ಮಾಡುವ ಶಕ್ತಿ ಹೊಂದಿದೆ.
ಬಿಪಿ ತಕ್ಷಣ ನಿಯಂತ್ರಣಕ್ಕೆ ಬರಲು ಅರ್ಧ ಗ್ಲಾಸ್ ನೀರಿಗೆ ಅರ್ಧ ನಿಂಬೆಹಣ್ಣಿನ ರಸ ಬೆರೆಸಿ ಪ್ರತಿ 2 ಗಂಟೆಗಳಿಗೊಮ್ಮೆ ಕುಡಿಯಿರಿ.
ರಕ್ತದೊತ್ತಡ ಹಠಾತ್ತನೆ ಹೆಚ್ಚಾದಾಗ, ಅರ್ಧ ಗ್ಲಾಸ್ ಬೆಚ್ಚಗಿನ ನೀರಿಗೆ ಒಂದು ಚಮಚ ಕರಿಮೆಣಸು ಪುಡಿ ಹಾಕಿ ಕುಡಿಯುವುದು ಅತ್ಯಂತ ಪರಿಣಾಮಕಾರಿ ಚಿಕಿತ್ಸೆಯಾಗಿದೆ.
