ಭಾರತೀಯ ಕ್ರಿಕೆಟ್ ತಂಡದ ಸ್ಟಾರ್ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ತಮ್ಮ ಮುದ್ದಿನ ಮಗ ಅಗಾಸ್ಯನನ್ನು ಪಾಪರಾಜಿಗಳ (ಫೊಟೋಗ್ರಾಫರ್‌ಗಳು) ಕ್ಯಾಮೆರಾ ಫ್ಲ್ಯಾಶ್‌ಗಳಿಂದ ರಕ್ಷಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ನಡೆದ ಈ ಹೃದಯಸ್ಪರ್ಶী ಕ್ಷಣವು ನೆಟ್ಟಿಗರ ಗಮನ ಸೆಳೆದಿದ್ದು, ಒಬ್ಬ ತಂದೆಯಾಗಿ ಹಾರ್ದಿಕ್ ತೋರಿದ ಕಾಳಜಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ವೈರಲ್ ಆಗಿರುವ ದೃಶ್ಯಗಳ ಪ್ರಕಾರ, ಹಾರ್ದಿಕ್ ಪಾಂಡ್ಯ ವಿಮಾನ ನಿಲ್ದಾಣದಲ್ಲಿ ನಡೆದುಕೊಂಡು ಬರುತ್ತಿದ್ದ ವೇಳೆ ಮಾಧ್ಯಮದವರು ಮತ್ತು ಫೊಟೋಗ್ರಾಫರ್‌ಗಳು ಫೋಟೋ ಕ್ಲಿಕ್ಕಿಸಲು ಮುಗಿಬಿದ್ದಿದ್ದಾರೆ. ಮಗ ಅಗಾಸ್ಯನ ಕಣ್ಣುಗಳಿಗೆ ಪ್ರಕಾಶಮಾನವಾದ ಕ್ಯಾಮೆರಾ ಫ್ಲ್ಯಾಶ್ ಬೆಳಕು ಬೀಳಬಾರದು ಎಂಬ ಮುನ್ನೆಚ್ಚರಿಕೆಯಿಂದ ಹಾರ್ದಿಕ್ ತಮ್ಮ ಕೈಯಿಂದ ಮಗನ ಕಣ್ಣುಗಳನ್ನು ಮುಚ್ಚಿ ಕೊಂಡೊಯ್ದಿದ್ದಾರೆ. ವಿಮಾನ ನಿಲ್ದಾಣದ ಗದ್ದಲ ಹಾಗೂ ಕಿರಿಕಿರಿಯಿಂದ ಮಗನನ್ನು ಸುರಕ್ಷಿತವಾಗಿ ಕರೆದೊಯ್ಯಲು ಅವರು ಯತ್ನಿಸಿದ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಸೆಲೆಬ್ರಿಟಿಗಳ ಮಕ್ಕಳ ಮೇಲೆ ಸದಾ ಇರxುವ ಮಾಧ್ಯಮಗಳ ಕಣ್ಣು ಹಾಗೂ ಕ್ಯಾಮೆರಾ ಫ್ಲ್ಯಾಶ್‌ಗಳು ಸಣ್ಣ ಮಕ್ಕಳ ಕಣ್ಣುಗಳ ಮೇಲೆ ಬೀರುವ ಪರಿಣಾಮಗಳ ಬಗ್ಗೆ ಈ ಘಟನೆಯು ಮತ್ತೊಮ್ಮೆ ಚರ್ಚೆಗೆ ಗ್ರಾಸವಾಗಿದೆ. ಸಾರ್ವಜನಿಕ ವ್ಯಕ್ತಿಗಳು ಮತ್ತು ಕ್ರಿಕೆಟಿಗರು ಇಂತಹ ಬೆಳವಣಿಗೆಗಳಿಗೆ ಒಗ್ಗಿಕೊಂಡಿದ್ದರೂ, ಚಿಕ್ಕ ಮಕ್ಕಳಿಗೆ ಇಂತಹ ಹಠಾತ್ ಬೆಳಕು ಮತ್ತು ಗದ್ದಲ ಅಸೌಕರ್ಯ ಉಂಟುಮಾಡುತ್ತದೆ. ಏನೇ ಇರಲಿ, ಮಗನ ಸುರಕ್ಷತೆ ಮತ್ತು ಖಾಸಗಿ ಬದುಕಿಗೆ ಪ್ರಾಮುಖ್ಯತೆ ನೀಡಿದ ಹಾರ್ದಿಕ್ ಪಾಂಡ್ಯ ಅವರ ಈ ತಂದೆಯ ಪ್ರೀತಿ ಎಲ್ಲರ ಮನಗೆದ್ದಿದೆ.
