ನಾವು ಸಾಮಾನ್ಯವಾಗಿ ಉಗುರುಗಳನ್ನು ಕೇವಲ ಸೌಂದರ್ಯದ ಭಾಗವಾಗಿ ನೋಡುತ್ತೇವೆ. ಆದರೆ, ಉಗುರಿನ ಬುಡದಲ್ಲಿರುವ ಆ ಬಿಳಿ ಬಣ್ಣದ ಅರ್ಧಚಂದ್ರಾಕೃತಿಯ ಗುರುತು ನಿಮ್ಮ ಜೀವನದ ಅದೃಷ್ಟ ಮತ್ತು ಆರೋಗ್ಯದ ಬಗ್ಗೆ ದೊಡ್ಡ ರಹಸ್ಯವನ್ನೇ ಬಿಚ್ಚಿಡುತ್ತದೆ ಇದನ್ನು ವೈಜ್ಞಾನಿಕವಾಗಿ ‘ಲುನುಲಾ’ (Lunula) ಎಂದು ಕರೆದರೆ, ಸಮುದ್ರ ಶಾಸ್ತ್ರದಲ್ಲಿ ಇದನ್ನು ‘ಭಾಗ್ಯದ ಸಂಕೇತ’ ಎನ್ನಲಾಗುತ್ತದೆ.
ಏನಿದು ಲುನುಲಾ? ಸಮುದ್ರ ಶಾಸ್ತ್ರ ಏನು ಹೇಳುತ್ತದೆ?
ಸಮುದ್ರ ಶಾಸ್ತ್ರದ ಪ್ರಕಾರ, ಉಗುರಿನ ಬುಡದಲ್ಲಿ ಈ ಬಿಳಿ ಅರ್ಧಚಂದ್ರ ಸ್ಪಷ್ಟವಾಗಿ ಗೋಚರಿಸಿದರೆ ಆ ವ್ಯಕ್ತಿ ಅತ್ಯಂತ ಅದೃಷ್ಟವಂತ. ಇದು ಅವರ ದೈಹಿಕ ಚೈತನ್ಯ ಮತ್ತು ಪ್ರಬಲ ರೋಗನಿರೋಧಕ ಶಕ್ತಿಯ ಸಂಕೇತ. ಒಂದು ವೇಳೆ ಈ ಗುರುತು ಮೇಲ್ಮುಖವಾಗಿ ಬೆಳೆಯುತ್ತಿದ್ದರೆ, ನಿಮ್ಮ ಜೀವನದಲ್ಲಿ ಶೀಘ್ರದಲ್ಲೇ ಶುಭ ಸುದ್ದಿಯೊಂದು ಬರಲಿದೆ ಎಂದೇ ಅರ್ಥ!
ಯಾವ ಬೆರಳಿನ ಉಗುರು ಏನು ಸೂಚಿಸುತ್ತದೆ?
ನಿಮ್ಮ ಕೈ ಬೆರಳುಗಳನ್ನು ಒಮ್ಮೆ ಗಮನಿಸಿ; ಒಂದೊಂದು ಬೆರಳಿನ ಮೇಲಿನ ಅರ್ಧಚಂದ್ರ ಒಂದೊಂದು ಫಲ ನೀಡುತ್ತದೆ:
ತೋರುಬೆರಳು (Index Finger): ಇಲ್ಲಿ ಅರ್ಧಚಂದ್ರನಿದ್ದರೆ ವೃತ್ತಿಜೀವನದಲ್ಲಿ ಬಡ್ತಿ (Promotion) ಮತ್ತು ಸಮಾಜದಲ್ಲಿ ಗೌರವ ಸಿಗುವ ಸೂಚನೆ.
ಮಧ್ಯದ ಬೆರಳು (Middle Finger): ಇದು ಆರ್ಥಿಕ ಲಾಭದ ಸಂಕೇತ. ಅನಿರೀಕ್ಷಿತ ಧನಲಾಭ ಅಥವಾ ವ್ಯಾಪಾರದಲ್ಲಿ ಯಶಸ್ಸು ನಿಮ್ಮದಾಗಲಿದೆ.
ಉಂಗುರದ ಬೆರಳು (Ring Finger): ಕಲೆ ಅಥವಾ ಸಾರ್ವಜನಿಕ ಕ್ಷೇತ್ರದಲ್ಲಿ ಇರುವವರಿಗೆ ಇದು ಜನಪ್ರಿಯತೆ ಮತ್ತು ಕೀರ್ತಿಯನ್ನು ತಂದುಕೊಡುತ್ತದೆ.
ಕಿರುಬೆರಳು (Little Finger): ವ್ಯಾಪಾರದಲ್ಲಿ ಜಾಣ್ಮೆ ಮತ್ತು ಹೆಚ್ಚಿನ ಲಾಭ ಗಳಿಸುವವರಿಗೆ ಈ ಗುರುತು ಹೆಚ್ಚಾಗಿ ಕಾಣಿಸುತ್ತದೆ.
ಹೆಬ್ಬೆರಳು (Thumb): ಇಲ್ಲಿ ಅರ್ಧಚಂದ್ರನಿದ್ದರೆ ಐಷಾರಾಮಿ ಜೀವನ, ಸುಖ-ಸೌಕರ್ಯ ಮತ್ತು ಪ್ರೇಮ ಜೀವನದಲ್ಲಿ ಯಶಸ್ಸು ಖಚಿತ!
ಗಾತ್ರದ ಮೇಲಿರಲಿ ನಿಗಾ
ಅತಿ ಸಣ್ಣ ಗುರುತು: ಆರೋಗ್ಯದಲ್ಲಿ ಸಣ್ಣಪುಟ್ಟ ಏರುಪೇರು ಅಥವಾ ಅದೃಷ್ಟದ ಕೊರತೆಯನ್ನು ಸೂಚಿಸಬಹುದು.
ಅತಿ ದೊಡ್ಡ ಗುರುತು (ಉಗುರಿನ ಅರ್ಧದಷ್ಟು): ಇದು ಅಶುಭ ಎನ್ನಲಾಗುತ್ತದೆ; ಇದು ವ್ಯಕ್ತಿಯ ಅತಿಯಾದ ಭಾವುಕತೆ ಅಥವಾ ಮಾನಸಿಕ ಒತ್ತಡವನ್ನು ತೋರಿಸುತ್ತದೆ.
ಗುರುತು ಇಲ್ಲದಿದ್ದರೆ: ಅಂಥವರು ಜೀವನದಲ್ಲಿ ಗುರಿ ತಲುಪಲು ಹೆಚ್ಚಿನ ಪರಿಶ್ರಮ ಪಡಬೇಕಾಗುತ್ತದೆ ಎಂದು ಶಾಸ್ತ್ರ ಹೇಳುತ್ತದೆ.
