
ಈ ಜೋಡಿ ಬಿಂದೋರಾ ಗ್ರಾಮದಿಂದ ಡಿಸೆಂಬರ್ 31, 2022 ರಲ್ಲಿ ನಾಪತ್ತೆಯಾಗಿದ್ದು, ರಾಜೇಶ್ ಫರ್ಗಿ ಎಂಬಾತ ಈಗಾಗಲೇ ವಿವಾಹವಾಗಿದ್ದ. ಈತನೊಂದಿಗೆ ಶವವಾಗಿ ಪತ್ತೆಯಾಗಿರುವ ಯುವತಿ ಹೆಸರು ತಿಳಿದು ಬಂದಿಲ್ಲ.
ಇವರಿಬ್ಬರ ಮೃತ ದೇಹ ಶನಿವಾರದಂದು ಜುನಾಗಢ ಜಿಲ್ಲಾ ಆಸ್ಪತ್ರೆ ಆವರಣದಲ್ಲಿ ಪತ್ತೆಯಾಗಿದ್ದು, ವಿಷದ ಬಾಟಲಿ ಸಹ ಸಿಕ್ಕಿದೆ. ಅಲ್ಲದೆ ಗ್ಯಾಸ್ ಸಿಲಿಂಡರ್, ಸ್ಟವ್, ಅಗತ್ಯ ಸಾಮಾಗ್ರಿಗಳು ಸಹ ಇದ್ದವು.
ಈ ಮೊದಲೇ ವಿವಾಹಿತನಾಗಿದ್ದ ರಾಜೇಶ್ ಯುವತಿಯನ್ನು ಪ್ರೀತಿಸುತ್ತಿದ್ದ ಎನ್ನಲಾಗಿದ್ದು, ಇವರಿಬ್ಬರ ಸಂಬಂಧಕ್ಕೆ ಕುಟುಂಬಸ್ಥರು ವಿರೋಧ ವ್ಯಕ್ತಪಡಿಸಿದ್ದ ಕಾರಣ ಊರು ಬಿಟ್ಟು ಪರಾರಿಯಾಗಿದ್ದರು. ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ ಎಂದು ಶಂಕಿಸಲಾಗಿದೆ.

