ಬೆಂಗಳೂರು: ರಾಜ್ಯದ ಗ್ರಾಮ ಪಂಚಾಯಿತಿ ನೌಕರರ ವೇತನದ ಬಗ್ಗೆ ಇದ್ದ ಗೊಂದಲಗಳಿಗೆ ಈಗ ತೆರೆ ಬಿದ್ದಿದೆ. ಪಂಚಾಯಿತಿ ನೌಕರರಿಗೆ ನೀಡಲಾಗುತ್ತಿರುವ ವೇತನ ಮತ್ತು ತುಟ್ಟಿಭತ್ಯೆ (DA) ಕುರಿತು ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಸಚಿವರು ಅಧಿಕೃತ ಮಾಹಿತಿ ಹಂಚಿಕೊಂಡಿದ್ದಾರೆ.ಗ್ರಾಮ ಪಂಚಾಯಿತಿ ನೌಕರರಿಗೆ ಕಾರ್ಮಿಕ ಇಲಾಖೆಯು ಕಾಲಕಾಲಕ್ಕೆ ನಿಗದಿಪಡಿಸುವ ‘ಕನಿಷ್ಠ ವೇತನ’ ಮತ್ತು ‘ತುಟ್ಟಿಭತ್ಯೆ’ಯನ್ನು ಆಯಾ ಗ್ರಾಮ ಪಂಚಾಯಿತಿಗಳೇ ಪಾವತಿಸುತ್ತಿವೆ ಎಂದು ಸಚಿವರು ಸ್ಪಷ್ಟಪಡಿಸಿದ್ದಾರೆ.
ನೌಕರರಿಗೆ ಸಿಗಬೇಕಾದ ಕನಿಷ್ಠ ವೇತನ ಹಾಗೂ ಭತ್ಯೆಗಳನ್ನು ಇಲಾಖೆಯ ನಿಯಮದಂತೆ ನೀಡಲಾಗುತ್ತಿದೆ.ಪ್ರತಿ ಬಾರಿ ಕಾರ್ಮಿಕ ಇಲಾಖೆ ವೇತನ ಪರಿಷ್ಕರಣೆ ಮಾಡಿದಾಗಲೂ, ಅದರ ಲಾಭ ಪಂಚಾಯಿತಿ ನೌಕರರಿಗೂ ಸಿಗಲಿದೆ.ಕಾರ್ಮಿಕ ಇಲಾಖೆಯ ನಿಯಮಗಳ ಪ್ರಕಾರ, ಪಂಚಾಯತ್ ನೌಕರರಿಗೆ ಸಿಗಬೇಕಾದ ವೇತನ ಮತ್ತು ಭತ್ಯೆಗಳ ಪಾವತಿಯಲ್ಲಿ ಯಾವುದೇ ಲೋಪವಾಗದಂತೆ ಗ್ರಾಮ ಪಂಚಾಯಿತಿಗಳೇ ಜವಾಬ್ದಾರಿ ವಹಿಸಿಕೊಂಡಿವೆ. ಹಾಗಾದರೆ, ಪ್ರಸ್ತುತ ನೌಕರರ ಕೈಸೇರುತ್ತಿರುವ ಸಂಬಳ ಎಷ್ಟು? ಸರ್ಕಾರ ನಿಗದಿಪಡಿಸಿರುವ ಭತ್ಯೆಗಳ ಅಧಿಕೃತ ಲೆಕ್ಕಾಚಾರ ಇಲ್ಲಿದೆ ನೋಡಿ
ಗ್ರಾಮ ಪಂಚಾಯಿತಿ ನೌಕರರ ಕನಿಷ್ಠ ವೇತನ, ತುಟ್ಟಿಭತ್ಯೆ
ಬಿಲ್ ಕಲೆಕ್ಟರ್: ₹17,420.32
ಕ್ಲರ್ಕ್ ಕಂ ಡೇಟಾ ಎಂಟ್ರಿ ಆಪರೇಟರ್: ₹17,420.32
ಕ್ಲೀನರ್ಸ್: ₹18,243.12
ವಾಟರ್ ಆಪರೇಟರ್: ₹15,732.92
ಅಟೆಂಡೆಂಟ್: ₹15,097.12
ಪ್ರಮುಖ ರಜೆ ಮತ್ತು ವೈದ್ಯಕೀಯ ಸೌಲಭ್ಯಗಳು:
ರಜೆ ಸೌಲಭ್ಯ: 10 ದಿನ ಸಾಂದರ್ಭಿಕ ರಜೆ (CL), 2 ದಿನ ನಿರ್ಬಂಧಿತ ರಜೆ. ಮಹಿಳೆಯರಿಗೆ 180 ದಿನಗಳ ಪ್ರಸೂತಿ ರಜೆ ಹಾಗೂ ಪುರುಷರಿಗೆ 15 ದಿನಗಳ ಪಿತೃತ್ವ ರಜೆ ಲಭ್ಯ.
ವೈದ್ಯಕೀಯ ನೆರವು: ಕ್ಯಾನ್ಸರ್, ಹೃದಯ ಶಸ್ತ್ರಚಿಕಿತ್ಸೆ, ಕಿಡ್ನಿ ಕಸಿ ಅಂತಹ ಗಂಭೀರ ಕಾಯಿಲೆಗಳಿಗೆ ₹50,000 ವರೆಗೆ ಚಿಕಿತ್ಸಾ ವೆಚ್ಚ ಭರಿಸಲಾಗುವುದು.
ವಿಮಾ ಸೌಲಭ್ಯ: PMJJBY, PMSBY ಮತ್ತು SBI ಗ್ರೂಪ್ ಇನ್ಶೂರೆನ್ಸ್ ಕಡ್ಡಾಯವಾಗಿ ವೇತನ ಖಾತೆಗೆ ಲಿಂಕ್ ಮಾಡಲಾಗುತ್ತದೆ.
ಕುಟುಂಬಕ್ಕೆ ಆಸರೆ – ಸಾಮಾಜಿಕ ಭದ್ರತೆ:
ಅನುಕಂಪದ ನೇಮಕಾತಿ: ಸೇವೆಯಲ್ಲಿದ್ದಾಗ ನೌಕರ ಮೃತಪಟ್ಟರೆ, ಅವರ ಅವಲಂಬಿತರಿಗೆ ಅನುಕಂಪದ ಆಧಾರದ ಮೇಲೆ ಕೆಲಸ ನೀಡಲು ಅವಕಾಶವಿದೆ.
ಗ್ರಾಚ್ಯುಟಿ (Gratuity): ನಿವೃತ್ತಿ ಅಥವಾ ಮರಣದ ಸಂದರ್ಭದಲ್ಲಿ ಸಲ್ಲಿಸಿದ ಪ್ರತಿ ವರ್ಷದ ಸೇವೆಗೆ 15 ದಿನಗಳ ಸಂಬಳದಂತೆ, ಗರಿಷ್ಠ 20 ತಿಂಗಳ ವೇತನ ನೀಡಲಾಗುತ್ತದೆ.
ಶವಸಂಸ್ಕಾರದ ನೆರವು: ನೌಕರ ಮೃತಪಟ್ಟರೆ ಕುಟುಂಬಕ್ಕೆ ತಕ್ಷಣವೇ ₹10,000 ಆರ್ಥಿಕ ನೆರವು ನೀಡಲಾಗುವುದು.
ಮುಂಬಡ್ತಿ ಮತ್ತು ನೇಮಕಾತಿ ಅವಕಾಶ:
ವಾಟರ್ ಆಪರೇಟರ್, ಅಟೆಂಡೆಂಟ್ ಮತ್ತು ಕ್ಲೀನರ್ಗಳಿಗೆ ಜ್ಯೇಷ್ಠತೆ ಆಧಾರದ ಮೇಲೆ ಬಿಲ್ ಕಲೆಕ್ಟರ್ ಅಥವಾ ಕ್ಲರ್ಕ್ ಆಗಿ ಮುಂಬಡ್ತಿ ಪಡೆಯುವ ಅವಕಾಶವಿದೆ.
ಇಲಾಖೆಯ ನೇರ ನೇಮಕಾತಿಯಲ್ಲಿ ಗ್ರೇಡ್-2 ಕಾರ್ಯದರ್ಶಿ ಅಥವಾ ಲೆಕ್ಕ ಸಹಾಯಕ ಹುದ್ದೆಗಳಿಗೂ ಇವರಿಗೆ ಆದ್ಯತೆ ಇರಲಿದೆ.
