ಅನೇಕ ಜನರು ದೂರದ ಪ್ರಯಾಣ ಮಾಡುವಾಗ ಅಥವಾ ಕುಗ್ರಾಮಗಳಿಗೆ ಹೋದಾಗ ನೆಟ್ವರ್ಕ್ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಕಾಲ್ ಡ್ರಾಪ್ ಆಗುವುದು ಅಥವಾ ಇಂಟರ್ನೆಟ್ ಸ್ಥಗಿತಗೊಳ್ಳುವುದು ಸಂವಹನಕ್ಕೆ ಅಡ್ಡಿಯುಂಟುಮಾಡುತ್ತದೆ. ಆದರೆ, ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ಕೆಲವು ಸಾಮಾನ್ಯ ಸೆಟ್ಟಿಂಗ್ಗಳನ್ನು ಬದಲಾಯಿಸುವ ಮೂಲಕ ಈ ಸಮಸ್ಯೆಯನ್ನು ಪರಿಹರಿಸಬಹುದು.
ಬಸ್, ಕಾರು ಅಥವಾ ರೈಲು ಹೀಗೆ ಯಾವುದೇ ವಾಹನದಲ್ಲಿ ಪ್ರಯಾಣಿಸುವಾಗ ನಿಮ್ಮ ಮೊಬೈಲ್ನಲ್ಲಿ ನೆಟ್ವರ್ಕ್ ಸಮಸ್ಯೆ ಎದುರಾಗುತ್ತಿದೆಯೇ? ಚಿಂತಿಸಬೇಡಿ. ಈ ಕೆಳಗಿನ ಕೆಲವು ಸರಳ ಸಲಹೆಗಳನ್ನು ಅನುಸರಿಸುವ ಮೂಲಕ ನೀವು ಮೊಬೈಲ್ ಸಿಗ್ನಲ್ ಅನ್ನು ಮರಳಿ ಪಡೆಯಬಹುದು. ತುರ್ತು ಸಂದರ್ಭಗಳಲ್ಲಿ 112 ಸಹಾಯವಾಣಿಯನ್ನು ಹೇಗೆ ಬಳಸಬೇಕೆಂದು ಇಲ್ಲಿ ತಿಳಿಯಿರಿ.
ನೆಟ್ವರ್ಕ್ ಸುಧಾರಿಸಲು ಕೆಲವು ಸುಲಭ ಮಾರ್ಗಗಳು
• ಏರ್ಪ್ಲೇನ್ ಮೋಡ್ (Airplane Mode) ಬಳಸಿ: ಒಮ್ಮೆಲೆ ನೆಟ್ವರ್ಕ್ ಮಾಯವಾದರೆ, ನಿಮ್ಮ ಫೋನ್ ಅನ್ನು 15 ರಿಂದ 20 ಸೆಕೆಂಡುಗಳ ಕಾಲ ಏರ್ಪ್ಲೇನ್ ಮೋಡ್ನಲ್ಲಿಡಿ. ನಂತರ ಅದನ್ನು ಆಫ್ ಮಾಡಿ. ಇದು ನಿಮ್ಮ ಫೋನ್ ಹತ್ತಿರದ ಮೊಬೈಲ್ ಟವರ್ಗೆ ಮತ್ತೆ ಕನೆಕ್ಟ್ ಆಗಲು ಸಹಾಯ ಮಾಡುತ್ತದೆ.
• ಫೋನ್ ರೀಸ್ಟಾರ್ಟ್ ಮಾಡಿ: ಫೋನ್ ರೀಸ್ಟಾರ್ಟ್ ಮಾಡುವುದರಿಂದ ಹಿನ್ನೆಲೆಯಲ್ಲಿರುವ (Background) ತಾಂತ್ರಿಕ ದೋಷಗಳು ನಿವಾರಣೆಯಾಗುತ್ತವೆ. ಇದರಿಂದ ನಿಮ್ಮ ಸಾಧನವು ಮತ್ತೆ ನೆಟ್ವರ್ಕ್ಗಾಗಿ ಹುಡುಕಾಟ ನಡೆಸುತ್ತದೆ.
• ಸಿಮ್ ಕಾರ್ಡ್ ಪರೀಕ್ಷಿಸಿ: ಮೇಲಿನ ಎರಡು ಕ್ರಮಗಳು ಕೆಲಸ ಮಾಡದಿದ್ದರೆ, ಸಿಮ್ ಕಾರ್ಡ್ ಅನ್ನು ಹೊರತೆಗೆದು ಸ್ವಚ್ಛಗೊಳಿಸಿ ಮತ್ತು ಸರಿಯಾಗಿ ಮರುಜೋಡಿಸಿ. ಧೂಳು ಸಂಗ್ರಹವಾಗಿದ್ದರೆ ಸಿಮ್ ಸರಿಯಾಗಿ ಕೆಲಸ ಮಾಡದಿರಬಹುದು.
• ಮ್ಯಾನುಯಲ್ ನೆಟ್ವರ್ಕ್ ಸರ್ಚಿಂಗ್ (Manual Network Searching): ಆಟೋಮ್ಯಾಟಿಕ್ ನೆಟ್ವರ್ಕ್ ಲಭ್ಯವಿಲ್ಲದಿದ್ದಾಗ, ಫೋನ್ ಸೆಟ್ಟಿಂಗ್ಸ್ಗೆ ಹೋಗಿ ‘Manual’ ಆಗಿ ನೆಟ್ವರ್ಕ್ ಆಯ್ಕೆ ಮಾಡಿ. ಇದು ಲಭ್ಯವಿರುವ ನೆಟ್ವರ್ಕ್ಗೆ ನೇರವಾಗಿ ಕನೆಕ್ಟ್ ಆಗಲು ಅನುವು ಮಾಡಿಕೊಡುತ್ತದೆ.
• ಕಿಟಕಿಯ ಹತ್ತಿರದ ಸೀಟು: ಬಸ್ ಅಥವಾ ರೈಲಿನಲ್ಲಿ ಪ್ರಯಾಣಿಸುವಾಗ ಸಾಧ್ಯವಾದಷ್ಟು ಕಿಟಕಿಯ ಹತ್ತಿರದ ಸೀಟನ್ನು ಆರಿಸಿ. ಇದು ಸಿಗ್ನಲ್ ಅಡೆತಡೆಗಳನ್ನು ಕಡಿಮೆ ಮಾಡುತ್ತದೆ.
• ವೈ-ಫೈ ಕಾಲಿಂಗ್ (Wi-Fi Calling): ರೈಲ್ವೆ ನಿಲ್ದಾಣಗಳಲ್ಲಿ ಅಥವಾ ಸಾರ್ವಜನಿಕ ಸ್ಥಳಗಳಲ್ಲಿ ಉಚಿತ ವೈ-ಫೈ ಲಭ್ಯವಿದ್ದರೆ, ಅದನ್ನು ಬಳಸಿಕೊಂಡು ನೀವು ವೈ-ಫೈ ಕಾಲಿಂಗ್ ಮೂಲಕ ಮಾತನಾಡಬಹುದು.
ತುರ್ತು ಸಂದರ್ಭದಲ್ಲಿ 112 ಬಳಸಿ
ನಿಮ್ಮ ಸಿಮ್ ಕಾರ್ಡ್ಗೆ ನೆಟ್ವರ್ಕ್ ಇಲ್ಲದಿದ್ದರೂ ಸಹ, ತುರ್ತು ಪರಿಸ್ಥಿತಿಯಲ್ಲಿ ನೀವು 112 ಗೆ ಕರೆ ಮಾಡಬಹುದು. ಈ ಸಂಖ್ಯೆಯು ಲಭ್ಯವಿರುವ ಯಾವುದೇ ಇತರ ಕಂಪನಿಯ ನೆಟ್ವರ್ಕ್ ಬಳಸಿಕೊಂಡು ನಿಮ್ಮ ಕರೆಯನ್ನು ಕನೆಕ್ಟ್ ಮಾಡುತ್ತದೆ.
ಹೀಗೂ ಮಾಡಬಹುದು
ಮ್ಯಾನುಯಲ್ ನೆಟ್ವರ್ಕ್ ಆಯ್ಕೆ ಮಾಡುವುದು (Manual Network Selection)
ಆಟೋಮ್ಯಾಟಿಕ್ ಆಗಿ ಸಿಗ್ನಲ್ ಸಿಗದಿದ್ದಾಗ ಇದು ತುಂಬಾ ಸಹಕಾರಿ.
• Android: ಸೆಟ್ಟಿಂಗ್ಸ್ (Settings) > ಕನೆಕ್ಷನ್ಸ್/ನೆಟ್ವರ್ಕ್ (Connections/Mobile Network) > ಮೊಬೈಲ್ ನೆಟ್ವರ್ಕ್ > Network Operators ಮೇಲೆ ಕ್ಲಿಕ್ ಮಾಡಿ. ಅಲ್ಲಿ ‘Select Automatically’ ಆಫ್ ಮಾಡಿ, ಲಭ್ಯವಿರುವ ನೆಟ್ವರ್ಕ್ ಲಿಸ್ಟ್ನಲ್ಲಿ ನಿಮ್ಮ ಸಿಮ್ ಕಂಪನಿಯನ್ನು ಆರಿಸಿ.
• iPhone: Settings > Mobile Data > Network Selection > ‘Automatic’ ಸ್ವಿಚ್ ಆಫ್ ಮಾಡಿ ಮತ್ತು ನಿಮ್ಮ ನೆಟ್ವರ್ಕ್ ಅನ್ನು ಮ್ಯಾನುಯಲ್ ಆಗಿ ಆಯ್ಕೆ ಮಾಡಿ.
ವೈ-ಫೈ ಕಾಲಿಂಗ್ ಆನ್ ಮಾಡುವುದು (Wi-Fi Calling)
ಸಿಮ್ ಸಿಗ್ನಲ್ ಇಲ್ಲದಿದ್ದರೂ ವೈ-ಫೈ ಮೂಲಕ ಕರೆ ಮಾಡಲು ಇದು ಸಹಾಯ ಮಾಡುತ್ತದೆ.
• Android: ಫೋನ್ ಡಯಲರ್ (Phone App) > ಮೂರು ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಿ (Settings) > ಅಲ್ಲಿ Wi-Fi Calling ಆಪ್ಷನ್ ಅನ್ನು ‘On’ ಮಾಡಿ.
• iPhone: Settings > Mobile Data > Wi-Fi Calling > ‘Wi-Fi Calling on This iPhone’ ಅನ್ನು ಆನ್ ಮಾಡಿ.
ಏರ್ಪ್ಲೇನ್ ಮೋಡ್ ರಿಸೆಟ್ (Airplane Mode Reset)
ಇದು ನೆಟ್ವರ್ಕ್ ಅನ್ನು ರಿಫ್ರೆಶ್ ಮಾಡಲು ಇರುವ ಸರಳ ದಾರಿ.
• ಫೋನ್ನ ಮೇಲಿನಿಂದ ಕೆಳಕ್ಕೆ ಸ್ಕ್ರೋಲ್ ಮಾಡಿ (Quick Settings), Airplane Mode (ವಿಮಾನದ ಗುರುತು) ಮೇಲೆ ಕ್ಲಿಕ್ ಮಾಡಿ.
• 15-20 ಸೆಕೆಂಡ್ ಕಾಯಿರಿ, ನಂತರ ಅದನ್ನು ಆಫ್ ಮಾಡಿ. ಇದರಿಂದ ಫೋನ್ ಹತ್ತಿರದ ಟವರ್ ಅನ್ನು ಹುಡುಕುತ್ತದೆ.
ಡೇಟಾ ರೋಮಿಂಗ್ ಆನ್ ಮಾಡಿ (Data Roaming)
ನೀವು ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಅಥವಾ ದೂರದ ಊರಿಗೆ ಪ್ರಯಾಣಿಸುವಾಗ ಇಂಟರ್ನೆಟ್ ಸಿಗಲು ಇದು ಮುಖ್ಯ.
• Settings > Mobile Network > ನಿಮ್ಮ ಸಿಮ್ ಕಾರ್ಡ್ ಆಯ್ಕೆ ಮಾಡಿ > Data Roaming ಅನ್ನು ‘On’ ಮಾಡಿ. (ಇದಕ್ಕೆ ಸಾಮಾನ್ಯವಾಗಿ ಹೆಚ್ಚುವರಿ ಶುಲ್ಕವಿರುವುದಿಲ್ಲ, ಆದರೆ ಒಮ್ಮೆ ನಿಮ್ಮ ಪ್ಲಾನ್ ಪರಿಶೀಲಿಸಿ).
