ಹೆಣ್ಣುಮಕ್ಕಳು ಪ್ರತಿ ತಿಂಗಳೂ ಋತುಚಕ್ರದ ನೋವನ್ನ ಅನುಭವಿಸೋದು ಸರ್ವೇ ಸಾಮಾನ್ಯ .ಈ ಸಮಯದಲ್ಲಿ ಸ್ತ್ರೀಯರು ಹೊಟ್ಟೆ ನೋವು, ತಲೆನೋವು, ಸೊಂಟ ನೋವು ಸೇರಿದಂತೆ ಸಾಕಷ್ಟು ಸಮಸ್ಯೆಗಳನ್ನ ಅನುಭವಿಸ್ತಾರೆ. ಈ ನೋವಿನಿಂದ ಪಾರಾಗೋಕೆ ಅನೇಕರು ನೋವು ನಿವಾರಕ ಮಾತ್ರೆಗಳ ಮೊರೆ ಹೋಗ್ತಾರೆ. ಆದರೆ ಈ ಸಮಸ್ಯೆಯನ್ನ ಯಾವುದೇ ಸೈಡ್ ಎಫೆಕ್ಟ್ಗಳಿಲ್ಲದೇ ಮನೆ ಮದ್ದಿನ ಮೂಲಕವೇ ವಾಸಿ ಮಾಡಬಹುದಾಗಿದೆ.
ಹೆಚ್ಚೆಚ್ಚು ನೀರನ್ನ ಸೇವಿಸೋದ್ರಿಂದ ನಿಮ್ಮ ದೇಹ ಹೈಡ್ರೇಟ್ ಆಗಿರಲಿದೆ. ಹೊಟ್ಟೆಯಲ್ಲಿ ಉಬ್ಬರದಂತಹ ಸಮಸ್ಯೆಯಿಂದ ಪಾರಾಗೋಕೆ ನೀವು ಆದಷ್ಟು ನೀರನ್ನ ಕುಡಿಯಿರಿ. ಟೀ ಹಾಗೂ ಕಾಫಿ ಸೇವನೆ ಕೂಡ ಈ ಸಮಯದಲ್ಲಿ ಒಳ್ಳೆಯದೆ.
ಮುಟ್ಟಿನ ಸಂದರ್ಭದಲ್ಲಿ ರಕ್ತಸ್ರಾವವಾಗೋದ್ರಿಂದ ದೇಹದಲ್ಲಿ ಕಬ್ಬಿಣಾಂಶದ ಕೊರತೆ ಉಂಟಾಗುತ್ತೆ. ಇದರಿಂದ ನಿಮಗೆ ಸುಸ್ತಾಗಬಹುದು, ತಲೆ ಸುತ್ತಿ ಬೀಳಲೂಬಹುದು. ಹೀಗಾಗಿ ಆದಷ್ಟು ಬಾಳೆಹಣ್ಣು, ಹಸಿರು ತರಕಾರಿಗಳನ್ನ ಸೇವನೆ ಮಾಡಿ.
ನಿಮಗೆ ಡಾರ್ಕ್ ಚಾಕಲೇಟ್ನ ರುಚಿ ಸೇರದೇ ಇರಬಹುದು. ಆದರೆ ಡಾರ್ಕ್ ಚಾಕಲೇಟ್ನಲ್ಲಿರುವ ಮೆಗ್ನಷಿಯಂ, ಪೊಟ್ಯಾಷಿಯಂ ಹಾಗೂ ಕಬ್ಬಿಣಾಂಶದಿಂದಾಗಿ ನಿಮ್ಮ ದೇಹದ ಮೂಳೆಗಳಿಗೆ ಶಕ್ತಿ ಸಿಗಲಿದೆ. ಅಲ್ಲದೇ ಮುಟ್ಟಿನ ಸಂದರ್ಭದ ನೋವನ್ನೂ ಇದು ಕಡಿಮೆ ಮಾಡಲಿದೆ. ಇದರಲ್ಲಿರುವ ಸೆರೊಟೊನಿನ್ ಎಂಬ ರಾಸಾಯನಿಕ ನಿಮ್ಮ ಮೂಡ್ನ್ನು ಸರಿಯಾಗಿಡಲು ಸಹಕಾರಿ.
ಮುಟ್ಟಿನ ಸಮಸ್ಯೆಯಲ್ಲಿ ಉಂಟಾಗುವ ನೋವನ್ನ ಕಡಿಮೆ ಮಾಡಲು ದಾಲ್ಚಿನ್ನಿ ಕೂಡ ಸಹಕಾರಿ. ಹೀಗಾಗಿ ಈ ದಿನಗಳಲ್ಲಿ ನಿಮ್ಮ ನಿತ್ಯದ ಆಹಾರದಲ್ಲಿ ದಾಲ್ಚಿಯನ್ನ ಸೇರಿಸಿಕೊಳ್ಳಿ. ಇಲ್ಲವಾದಲ್ಲಿ ದಾಲ್ಚಿನ್ನಿ ಕುದಿಸಿದ ನೀರನ್ನ ಬೆಚ್ಚನೆಯ ನೀರಿನಲ್ಲಿ ಸೇರಿಸಿ ಕುಡಿಯೋದ್ರಿಂದ ಹೆಚ್ಚಿನ ಲಾಭ ಸಿಗಲಿದೆ.
