ಬೆಂಗಳೂರು: ವಿದ್ಯಾರ್ಥಿಗಳಿಗೆ ಮತ್ತು ಸಾರ್ವಜನಿಕರಿಗೆ ಗುಡ್ ನ್ಯೂಸ್ ಇನ್ಮುಂದೆ ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ (Caste & Income Certificate) ಪಡೆಯಲು ಸರ್ಕಾರಿ ಕಚೇರಿಗಳಿಗೆ ಅಲೆದಾಡುವ ಅವಶ್ಯಕತೆಯಿಲ್ಲ. ಮಧ್ಯವರ್ತಿಗಳ ಹಾವಳಿಯನ್ನು ತಪ್ಪಿಸಲು ಮತ್ತು ಸಮಯ ಉಳಿಸಲು ರಾಜ್ಯ ಸರ್ಕಾರವು ಆನ್ಲೈನ್ ಮೂಲಕವೇ ಈ ಪತ್ರಗಳನ್ನು ಪಡೆಯುವ ಸರಳ ವ್ಯವಸ್ಥೆಯನ್ನು ಜಾರಿಗೆ ತಂದಿದೆ.
ಕೇವಲ 5 ರಿಂದ 10 ನಿಮಿಷಗಳಲ್ಲಿ ನಿಮ್ಮ ರೇಷನ್ ಕಾರ್ಡ್ ಅಥವಾ ಆಧಾರ್ ಕಾರ್ಡ್ ಬಳಸಿ ಈ ಪ್ರಮಾಣ ಪತ್ರವನ್ನು ನೀವು ಮನೆಯಲ್ಲೇ ಕುಳಿತು ಡೌನ್ಲೋಡ್ ಮಾಡಿಕೊಳ್ಳಬಹುದು.
ಅರ್ಜಿ ಸಲ್ಲಿಸುವ ಹಂತಗಳು ಇಲ್ಲಿವೆ:
ವೆಬ್ಸೈಟ್ಗೆ ಭೇಟಿ ನೀಡಿ: ಮೊದಲು ನಾಡಕಚೇರಿಯ ಅಧಿಕೃತ ಲಿಂಕ್ ಮೇಲೆ ಕ್ಲಿಕ್ ಮಾಡಿ.
ಲಾಗಿನ್ ಪ್ರಕ್ರಿಯೆ: ಮುಖಪುಟದಲ್ಲಿ ‘Online Application’ ಆಯ್ದುಕೊಂಡು, ‘Apply Online’ ಮೇಲೆ ಕ್ಲಿಕ್ ಮಾಡಿ. ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ‘Get OTP’ ಒತ್ತಿರಿ. ಮೊಬೈಲ್ಗೆ ಬಂದ ಓಟಿಪಿ (OTP) ನಮೂದಿಸಿ ಲಾಗಿನ್ ಆಗಿ.
ಅರ್ಜಿ ಆಯ್ಕೆ: ಲಾಗಿನ್ ಆದ ನಂತರ ‘New Request’ ಮೇಲೆ ಕ್ಲಿಕ್ ಮಾಡಿ, ಅಲ್ಲಿ ‘Caste Certificate’ ಅಥವಾ ‘Income Certificate’ ಆಯ್ಕೆಯನ್ನು ಆರಿಸಿಕೊಳ್ಳಿ.
ದಾಖಲೆಗಳ ವಿವರ: ಇಲ್ಲಿ ಆಧಾರ್ ಕಾರ್ಡ್ ಅಥವಾ ರೇಷನ್ ಕಾರ್ಡ್ ಆಯ್ಕೆಗಳು ಕಾಣಿಸುತ್ತವೆ. ಆಧಾರ್ ಕಾರ್ಡ್ ಆಯ್ಕೆ ಮಾಡಿಕೊಂಡು ನಿಮ್ಮ ಆಧಾರ್ ಸಂಖ್ಯೆಯನ್ನು ನಮೂದಿಸಿ.
ಸ್ಥಳದ ವಿವರ: ನಿಮ್ಮ ಜಿಲ್ಲೆ, ತಾಲೂಕು, ಹೋಬಳಿ ಮತ್ತು ಗ್ರಾಮವನ್ನು ಪಟ್ಟಿಯಿಂದ ಸರಿಯಾಗಿ ಆಯ್ಕೆ ಮಾಡಿ.
ಭಾಷೆ ಮತ್ತು ಮಾಹಿತಿ: ನಿಮಗೆ ಪ್ರಮಾಣ ಪತ್ರ ಕನ್ನಡದಲ್ಲಿ ಬೇಕಿದ್ದರೆ ಕನ್ನಡ, ಇಂಗ್ಲಿಷ್ನಲ್ಲಿ ಬೇಕಿದ್ದರೆ ಇಂಗ್ಲಿಷ್ ಭಾಷೆಯನ್ನು ಆರಿಸಿಕೊಳ್ಳಿ. ನಂತರ ನಿಮ್ಮ ಹೆಸರು, ತಂದೆಯ ಹೆಸರು ಮತ್ತು ನಿಮ್ಮ ಪ್ರವರ್ಗವನ್ನು (Category) ಆಧಾರ್ನಲ್ಲಿರುವಂತೆ ನಮೂದಿಸಿ.
ಶುಲ್ಕ ಪಾವತಿ: ಅರ್ಜಿಯ ವಿವರಗಳನ್ನು ಪೂರ್ಣಗೊಳಿಸಿದ ನಂತರ, ನಿಗದಿಪಡಿಸಿದ ಶುಲ್ಕವನ್ನು ನಿಮ್ಮ ಡೆಬಿಟ್ ಕಾರ್ಡ್ ಅಥವಾ ನೆಟ್ ಬ್ಯಾಂಕಿಂಗ್ ಮೂಲಕ ಆನ್ಲೈನ್ನಲ್ಲೇ ಪಾವತಿಸಬಹುದು.
ಡೌನ್ಲೋಡ್: ಹಣ ಪಾವತಿಯಾದ ತಕ್ಷಣ ನಿಮ್ಮ ಪ್ರಮಾಣ ಪತ್ರ ಸಿದ್ಧವಾಗುತ್ತದೆ. ಅಲ್ಲಿಯೇ ಇರುವ ‘Print’ ಅಥವಾ ‘Download’ ಬಟನ್ ಒತ್ತಿ ನಿಮ್ಮ ಸರ್ಟಿಫಿಕೇಟ್ ಪಡೆಯಬಹುದು
ಆದಾಯ ಮತ್ತು ಜಾತಿ ಪ್ರಮಾಣ ಪತ್ರವನ್ನು ಪಡೆಯಲು ಬೇಕಾದ ಮುಖ್ಯ ದಾಖಲೆಗಳು :
ಒಂದು ಅರ್ಜಿ ನಮೂನೆ
ಪಡಿತರ ಚೀಟಿಯ ಪ್ರತಿ ಅಥವಾ ಮತದಾರರ ಚೀಟಿಯ ನಕಲು ಅಥವಾ ಮತದಾರರ ಪಟ್ಟಿಯಲ್ಲಿ ಹೆಸರು (ಅವುಗಳಲ್ಲಿ ಒಂದು)
ಜಾತಿ ಪಟ್ವಾರಿ/ಸರ್ಪಂಚ್ ಬಗ್ಗೆ ವರದಿ
ಆದಾಯ ವರದಿ
ನಿವಾಸ ಪುರಾವೆ
ಜಾತಿ ಮತ್ತು ಧರ್ಮ ವರದಿ
ಹಳೆಯ ಜಾತಿ ಹಾಗೂ ಆದಾಯ ಪ್ರಮಾಣ ಪತ್ರ
ಹಾಗೂ ಶಾಲೆಯ ವರ್ಗಾವಣೆಯ ಪ್ರಮಾಣ ಪತ್ರ
ಅರ್ಜಿ ಶುಲ್ಕ:
ಜಾತಿ ಹಾಗೂ ಆದಾಯ ಪ್ರಮಾಣ ಪತ್ರದ ರಿನಿವಲ್ : 40/- ರೂಪಾಯಿ
ಜಾತಿ ಹಾಗೂ ಆದಾಯ ಪ್ರಮಾಣ ಪತ್ರ : 40/- ರೂಪಾಯಿ
