ಹೊಟ್ಟೆಯ ಭಾಗದಲ್ಲಿ ಹೆಚ್ಚು ಕೊಬ್ಬು ಸಂಗ್ರಹವಾಗಿರುವ ವ್ಯಕ್ತಿ ಬಹುಬೇಗ ಮಧುಮೇಹ ಸಮಸ್ಯೆಯಿಂದ ಬಳಲುತ್ತಾನೆ ಎಂಬುದನ್ನು ಅಧ್ಯಯನಗಳು ದೃಢಪಡಿಸಿವೆ. ಈ ಭಾಗದ ಕೊಬ್ಬು ಕರಗಿಸಲು ಊಟ ಬಿಟ್ಟು ಪ್ರಯೋಜನವಾಗದೆ ಕೈಚೆಲ್ಲುವವರೇ ಹೆಚ್ಚು.
ದೇಹದ ಹೊಟ್ಟೆಯ ಭಾಗದಲ್ಲಿ ಕೊಬ್ಬು ಸಂಗ್ರಹವಾಗಿದೆ ಎಂಬುದನ್ನು ತಿಳಿಯುತ್ತಲೇ ಈ ಕೆಲವು ಎಚ್ಚರಿಕೆಗಳನ್ನು ವಹಿಸಿ. ಅನಾವಶ್ಯಕವಾಗಿ ಜಂಕ್ ಫುಡ್ ಸೇವಿಸದಿರಿ. ವಾರದಲ್ಲಿ ಒಂದು ದಿನವನ್ನು ಮಾತ್ರ ಹೊರಗಿನ ಊಟಕ್ಕೆಂದು ಮೀಸಲಿಡಿ.
ತಜ್ಞರ ಅಭಿಪ್ರಾಯ ಪಡೆದುಕೊಳ್ಳಿ. ಜೀವನಶೈಲಿಯನ್ನು ಬದಲಾಯಿಸಿಕೊಳ್ಳಿ. ವ್ಯಾಯಾಮಕ್ಕೆಂದು ನಿಗದಿತ ಸಮಯ ಮೀಸಲಿಡಿ.
ಡೈರಿ ಉತ್ಪನ್ನವಾದ ಮೊಸರು ನಿಮ್ಮ ಈ ಭಾಗದ ಕೊಬ್ಬನ್ನು ಕರಗಿಸುತ್ತದೆ. ಹೊಟ್ಟೆಯ ಸುತ್ತಲಿನ ಭಾಗದಲ್ಲಿ ಕೊಬ್ಬು ಸಂಗ್ರಹವಾಗದಂತೆ ನೋಡಿಕೊಳ್ಳುತ್ತದೆ.
ಬಾದಾಮಿ, ಗೋಡಂಬಿ, ಒಣಖರ್ಜೂರ ಮತ್ತು ವಾಲ್ನಟ್ ಗಳು ದೇಹ ತೂಕದ ನಿರ್ವಹಣೆ ಮಾಡುತ್ತದೆ. ಕೊಲೆಸ್ಟ್ರಾಲ್ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಹಾಗಾಗಿ ನಿಯಮಿತವಾಗಿ ಇವುಗಳನ್ನು ಸೇವಿಸಿ.
