ಹಬ್ಬದ ಸೀಸನ್ ಅಂದಾಗ ಮೈತುಂಬಾ ಭಾರವಾದ ಲೆಹಂಗಾ, ಕರಗದ ಆಭರಣಗಳು ಮತ್ತು ಭಾರವಾದ ಉಡುಪುಗಳೇ ನೆನಪಿಗೆ ಬರುತ್ತವೆ. ಆದರೆ ಈ ದೀಪಾವಳಿಗೆ ಬಾಲಿವುಡ್ ನಟಿ ಆಲಿಯಾ ಭಟ್ ಸಂಪೂರ್ಣ ವಿಭಿನ್ನವಾಗಿ ಕಾಣಿಸಿಕೊಳ್ಳುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಅತಿಯಾದ ಆಭರಣಗಳು ಹಾಗೂ ತೂಕದ ಉಡುಪುಗಳಿಲ್ಲದೆ, ಅತ್ಯಂತ ಸರಳ ಹಾಗೂ ಸ್ಟೈಲಿಶ್ ಆಗಿ ಹಬ್ಬವನ್ನು ಹೇಗೆ ಆಚರಿಸಬಹುದು ಎಂಬುದಕ್ಕೆ ಆಲಿಯಾ ಹೊಸ ಟ್ರೆಂಡ್ ಸೃಷ್ಟಿಸಿದ್ದಾರೆ.
ಖ್ಯಾತ ಡಿಸೈನರ್ ಮಯೂರ್ ಗಿರೋತ್ರಾ ಅವರ ವಿನ್ಯಾಸದ ಚಿನ್ನದ ಬಣ್ಣದ ಬನರಾಸಿ ಜಾಕೆಟ್ ಧರಿಸಿರುವ ಆಲಿಯಾ, ಸಾಂಪ್ರದಾಯಿಕ ಕರಕುಶಲತೆ ಮತ್ತು ಆಧುನಿಕ ಮಾಡರ್ನ್ ಕಟ್‌ನೊಂದಿಗೆ ರಾಜಸ್ಥಾನಿ ಲುಕ್‌ನಲ್ಲಿ ಕಂಗೊಳಿಸಿದ್ದಾರೆ. ಸಾಂಪ್ರದಾಯಿಕ ಲೆಹಂಗಾ ಬದಲಿಗೆ ಉದ್ದನೆಯ ಕಾಳಿದಾರ್ ಜಾಕೆಟ್ ಮತ್ತು ಮ್ಯಾಚಿಂಗ್ ಟ್ರೌಸರ್ ಧರಿಸಿ ಪವರ್-ಡ್ರೆಸ್ಸಿಂಗ್ ಲುಕ್‌ನಲ್ಲಿ ನಟಿ ಮಿಂಚಿದ್ದಾರೆ.
ಬನರಾಸಿ ಜಾಕೆಟ್‌ನ ವಿಶೇಷತೆ: ಈ ಗೋಲ್ಡನ್ ಜಾಕೆಟ್‌ನ ಮುಂಭಾಗದಲ್ಲಿ ಸೀಳಿರುವ ವಿನ್ಯಾಸ (ಸ್ಲಿಟ್), ಹೈ ಕಾಲರ್ ಹಾಗೂ ಡಿಪ್ ವಿ-ನೆಕ್‌ಲೈನ್ ಉಡುಪಿಗೆ ಮತ್ತಷ್ಟು ಆಕರ್ಷಣೆ ತಂದುಕೊಟ್ಟಿದೆ. ಡಿಸೈನರ್ ಗಿರೋತ್ರಾ ಅವರ ಪ್ರಸಿದ್ಧ ‘ಮೋರ್ ಬಾಗ್ ಟ್ರೀ ಆಫ್ ಲೈಫ್’ ವಿನ್ಯಾಸದ ಕಸೂತಿ, ಕೈಯ ಅಂಚುಗಳಲ್ಲಿ ಕೋರಾ ವರ್ಕ್ ಹಾಗೂ ರಿಯಲ್ ಎನಾಮಲ್ ಮತ್ತು ಡೈಮಂಡ್ ಬಟನ್‌ಗಳು ಉಡುಪಿನ ಅಂದವನ್ನು ಇಮ್ಮಡಿಗೊಳಿಸಿವೆ.
ಗೋಲ್ಡನ್ ಬಣ್ಣದ ಉಡುಪಿಗೆ ಮ್ಯಾಚಿಂಗ್ ಆಗಿ ಚಿನ್ನದ ಒಡವೆಗಳನ್ನೇ ಧರಿಸುವ ಬದಲು ಸ್ಟೈಲಿಸ್ಟ್ ಪ್ರಿಯಾಂಕಾ ಕಪಾಡಿಯಾ ಬಡಾನಿ ನೀಲಿ ಬಣ್ಣದ ರತ್ನಖಚಿತ ಆಭರಣಗಳನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಪಿಸಿ ತೂತುಕಾ ಅಂಡ್ ಸನ್ಸ್ ಅವರ ನೀಲಿ ರತ್ನದ ಹಾರದ ಜೊತೆಗೆ ಡೈಮಂಡ್ ಸ್ಟಡ್ಸ್ ಮತ್ತು ಸೋಲಿಟೈರ್ ರಿಂಗ್ ಧರಿಸಿರುವುದು ಉಡುಪಿಗೆ ಅತ್ಯುತ್ತಮ ಕಾಂಟ್ರಾಸ್ಟ್ ಲುಕ್ ನೀಡಿದೆ. ಕೇವಲ ಗ್ಲೋಯಿಂಗ್ ಸ್ಕಿನ್, ಬ್ರೌನ್ ಸ್ಮೋಕಿ ಐಸ್ ಮತ್ತು ಗ್ಲಾಸಿ ನ್ಯೂಡ್ ಲಿಪ್‌ಸ್ಟಿಕ್ ಧರಿಸಿ ಮೇಕಪ್ ಅನ್ನು ಅತ್ಯಂತ ಸರಳವಾಗಿರಿಸಿಕೊಂಡಿದ್ದಾರೆ.
ದೀಪಾವಳಿಗೆ ಭಾರವಾದ ಬಟ್ಟೆಗಳ ಬದಲು ಒಂದೇ ಒಂದು ಸ್ಟೇಟ್‌ಮೆಂಟ್ ಪೀಸ್ ಜಾಕೆಟ್ ಧರಿಸಿ ವಿಭಿನ್ನವಾಗಿ ಕಾಣಿಸಿಕೊಳ್ಳಲು ಆಲಿಯಾ ಭಟ್ ಅವರ ಈ ಮಿನಿಮಲ್ ಫ್ಯಾಷನ್ ಶೈಲಿ ಉತ್ತಮ ಮಾದರಿಯಾಗಿದೆ.
