ವಿಶ್ವಾದ್ಯಂತ ಮೂತ್ರಪಿಂಡ ವೈಫಲ್ಯಕ್ಕೆ (Kidney Failure) ಪ್ರಮುಖ ಕಾರಣಗಳಲ್ಲಿ ಮಧುಮೇಹವೂ ಒಂದು. ದೀರ್ಘಕಾಲದವರೆಗೆ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗಿರುವುದು ಮೂತ್ರಪಿಂಡದ ಸೋಸುವ ಘಟಕಗಳನ್ನು ಹಾನಿಗೊಳಿಸುತ್ತದೆ,ಒಂದು ಕಾಲದಲ್ಲಿ ಕೇವಲ ವೃದ್ಧರನ್ನಷ್ಟೇ ಬಾಧಿಸುತ್ತಿದ್ದ ಮಧುಮೇಹ (Diabetes), ಬದಲಾಗುತ್ತಿರುವ ಜೀವನಶೈಲಿಯ ಪರಿಣಾಮವಾಗಿ ಯುವಜನತೆಯೂ ಈ ಸಮಸ್ಯೆಗೆ ಒಳಗಾಗುತ್ತಿದೆ. ಆದರೆ, ಮಧುಮೇಹ ಕೇವಲ ರಕ್ತದ ಸಕ್ಕರೆ ಮಟ್ಟವನ್ನು ಹೆಚ್ಚಿಸುವುದಷ್ಟೇ ಅಲ್ಲ, ಸದ್ದಿಲ್ಲದೆ ನಿಮ್ಮ ದೇಹದ ಜೀವರಕ್ತದಂತಿರುವ ಮೂತ್ರಪಿಂಡಗಳನ್ನು (Kidneys) ಹಾಳು ಮಾಡುತ್ತಿದೆ
ಮಧುಮೇಹ ಮೂತ್ರಪಿಂಡದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?
ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಸತತವಾಗಿ ಹೆಚ್ಚಾಗಿದ್ದಾಗ, ಅದು ಮೂತ್ರಪಿಂಡದಲ್ಲಿರುವ ಸಣ್ಣ ರಕ್ತನಾಳಗಳನ್ನು ಹಾನಿಗೊಳಿಸುತ್ತದೆ. ಇದರಿಂದ ಮೂತ್ರಪಿಂಡಗಳು ರಕ್ತದಿಂದ ತ್ಯಾಜ್ಯವನ್ನು ಸರಿಯಾಗಿ ಫಿಲ್ಟರ್ ಮಾಡಲು ಸಾಧ್ಯವಾಗುವುದಿಲ್ಲ. ಕಾಲಾನಂತರದಲ್ಲಿ, ಇದು ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆಗೆ (CKD) ದಾರಿ ಮಾಡಿಕೊಡುತ್ತದೆ.
ಕಿಡ್ನಿಗಳು ಹೇಗೆ ಹಾನಿಗೊಳಗಾಗುತ್ತವೆ? (The Silent Damage)
ನಮ್ಮ ಮೂತ್ರಪಿಂಡಗಳಲ್ಲಿ ‘ನೆಫ್ರಾನ್‌’ಗಳೆಂಬ ಕೋಟಿಗಟ್ಟಲೆ ಸಣ್ಣ ಕೋಶಗಳಿರುತ್ತವೆ. ಇವು ದೇಹದ ಕಲ್ಮಶಗಳನ್ನು ಹೊರಹಾಕುವ ‘ಫಿಲ್ಟರ್’ಗಳಂತೆ ಕೆಲಸ ಮಾಡುತ್ತವೆ. ಆದರೆ ರಕ್ತದಲ್ಲಿ ಗ್ಲೂಕೋಸ್ ಮಟ್ಟ ಹೆಚ್ಚಾದಾಗ:
ಕಿಡ್ನಿಯ ಸಣ್ಣ ರಕ್ತನಾಳಗಳಲ್ಲಿ ಕೊಬ್ಬು ಶೇಖರಣೆಯಾಗಿ ರಕ್ತ ಪರಿಚಲನೆ ಕುಂಠಿತವಾಗುತ್ತದೆ.
ಇದರಿಂದ ನೆಫ್ರಾನ್‌ಗಳು ಸರಿಯಾಗಿ ಕೆಲಸ ಮಾಡದೆ ಸಾಯತೊಡಗುತ್ತವೆ.
ಪರಿಣಾಮವಾಗಿ, ರಕ್ತ ಶುದ್ಧೀಕರಣ ಪ್ರಕ್ರಿಯೆ ನಿಂತುಹೋಗುತ್ತದೆ.
ಆಲ್ಬುಮಿನ್ ಪ್ರೋಟೀನ್ ಸೋರಿಕೆ: ಕಿಡ್ನಿ ಅಪಾಯದ ಮೊದಲ ಸಂಕೇತ
ಸಾಮಾನ್ಯವಾಗಿ ದೇಹಕ್ಕೆ ಅಗತ್ಯವಿರುವ ‘ಆಲ್ಬುಮಿನ್’ ಎಂಬ ಪ್ರೋಟೀನ್ ಅನ್ನು ಆರೋಗ್ಯವಂತ ಕಿಡ್ನಿಗಳು ಹೊರಹಾಕುವುದಿಲ್ಲ. ಆದರೆ ಮಧುಮೇಹದಿಂದ ಕಿಡ್ನಿ ಹಾನಿಯಾದಾಗ, ಈ ಪ್ರೋಟೀನ್ ಮೂತ್ರದ ಮೂಲಕ ಹೊರಹೋಗಲು ಶುರುವಾಗುತ್ತದೆ.
ಪರಿಣಿತರ ಪ್ರಕಾರ, ಕಿಡ್ನಿಯ ಶೇ. 75 ರಷ್ಟು ನೆಫ್ರಾನ್‌ಗಳು ಹಾನಿಗೊಳಗಾದ ನಂತರವೇ ರಕ್ತದಲ್ಲಿ ಕ್ರಿಯೇಟಿನೈನ್ ಮಟ್ಟ ಹೆಚ್ಚಾಗುತ್ತದೆ. ಅಂದರೆ, ರಿಪೋರ್ಟ್‌ನಲ್ಲಿ ಕ್ರಿಯೇಟಿನೈನ್ ಹೆಚ್ಚಿದೆ ಎಂದರೆ ನಿಮ್ಮ ಕಿಡ್ನಿ ಆಗಲೇ ಅಪಾಯದ ಸುಳಿಗೆ ಸಿಲುಕಿದೆ ಎಂದರ್ಥ ಈ ಹಂತ ತಲುಪಿದರೆ ಡಯಾಲಿಸಿಸ್ ಅನಿವಾರ್ಯವಾಗಬಹುದು.
ಮೂತ್ರಪಿಂಡಗಳಿಗೆ ತನ್ನ ಜೀವಕೋಶಗಳನ್ನು ತಾನೇ ಪುನರುತ್ಪಾದಿಸಿಕೊಳ್ಳುವ (Regeneration) ಅದ್ಭುತ ಶಕ್ತಿ ಇದೆ. ಹಾಗಾಗಿ:
ಆರಂಭಿಕ ಪತ್ತೆ: ಸಮಸ್ಯೆಯನ್ನು ಮೊದಲೇ ಗುರುತಿಸಿದರೆ ಕಿಡ್ನಿ ಹಾನಿ ತಡೆಯಬಹುದು.
ನಿಯಂತ್ರಣ: ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸದಾ ಹತೋಟಿಯಲ್ಲಿಡಿ.
ಪರೀಕ್ಷೆ: ನಿಯಮಿತವಾಗಿ ಮೂತ್ರ ಪರೀಕ್ಷೆ (Albumin test) ಮತ್ತು ರಕ್ತ ಪರೀಕ್ಷೆ ಮಾಡಿಸಿಕೊಳ್ಳಿ.
ನಿಮ್ಮ ಮೂತ್ರಪಿಂಡಗಳು (Kidneys) ಆರೋಗ್ಯವಾಗಿರಲು ಏನು ತಿನ್ನಬೇಕು?
ದಿನಕ್ಕೆ ಸಾಕಷ್ಟು ನೀರು ಕುಡಿಯಿರಿ
ಉಪ್ಪು ಮತ್ತು ಸಕ್ಕರೆಯ ಸೇವನೆಯನ್ನು ಕಡಿಮೆ ಮಾಡಿ
ಆಹಾರದಲ್ಲಿ ಹೆಚ್ಚು ಫೈಬರ್ ಸೇರಿಸಿಕೊಳ್ಳಿ
ಬೀಜಗಳು ಮತ್ತು ಕಾಯಿ ವರ್ಗಗಳು (ಬಾದಾಮಿ, ಅಗಸೆ ಬೀಜ) ಮಿತವಾಗಿ ತಿನ್ನಿ
ಪೂರ್ಣ ಧಾನ್ಯಗಳನ್ನು (ರಾಗಿ, ಜೋಳ, ಓಟ್ಸ್) ಸೇವಿಸಿ
ಅಗತ್ಯ ಪ್ರಮಾಣದ ಪ್ರೋಟೀನ್ ಪಡೆಯುವುದನ್ನು ಖಚಿತಪಡಿಸಿಕೊಳ್ಳಿ
ಸ್ಟೋನ್‌ಕ್ರಾಪ್ (Patharchur) ಎಲೆಗಳು ಮೂತ್ರಪಿಂಡ ಆರೋಗ್ಯಕ್ಕೆ ಸಹಾಯಕ
ಜಂಕ್ ಮತ್ತು ಪ್ರೊಸೆಸ್ಡ್ ಆಹಾರವನ್ನು ಸಾಧ್ಯವಾದಷ್ಟು ತಪ್ಪಿಸಿ
