ಸೋಶಿಯಲ್ ಮೀಡಿಯಾದಲ್ಲಿ ಸದ್ಯ ವೈರಲ್ ಆಗಿರುವ ವಿಡಿಯೋವೊಂದು ಶಿಕ್ಷಣ, ಉದ್ಯೋಗ ಮತ್ತು ಆದಾಯದ ಬಗ್ಗೆ ನಾವು ಹೊಂದಿರುವ ಸಾಂಪ್ರದಾಯಿಕ ದೃಷ್ಟಿಕೋನವನ್ನೇ ಬದಲಿಸುವಂತಿದೆ. ಎತ್ತರದ ಕಟ್ಟಡವೊಂದಕ್ಕೆ ಪೇಂಟ್ ಮಾಡುತ್ತಿದ್ದ ಕಾರ್ಮಿಕ ಮತ್ತು ಯುವತಿಯೊಬ್ಬರ ನಡುವಿನ ಸಂಭಾಷಣೆ ಈಗ ನೆಟ್ಟಿಗರ ನಡುವೆ ಭಾರಿ ಚರ್ಚೆ ಹುಟ್ಟುಹಾಕಿದೆ.
ನಡೆದಿದ್ದೇನು? ಇನ್‌ಸ್ಟಾಗ್ರಾಮ್ ಕ್ರಿಯೇಟರ್ ಸಾನಿಯಾ ಮಿರ್ಜಾ ಹಂಚಿಕೊಂಡಿರುವ ವಿಡಿಯೋದಲ್ಲಿ, ಆಕಾಶದ ಎತ್ತರದಲ್ಲಿ ಸುರಕ್ಷತಾ ಹಗ್ಗವನ್ನು ಕಟ್ಟಿಕೊಂಡು ಕೆಲಸ ಮಾಡುತ್ತಿದ್ದ ಪೇಂಟರ್ ಬಳಿ ಸಾನಿಯಾ ಮಾತನಾಡುತ್ತಾರೆ. ಇಷ್ಟು ಎತ್ತರದಲ್ಲಿ ಕೆಲಸ ಮಾಡಲು ಬೆನ್ನು ನೋವು ಬರುವುದಿಲ್ಲವೇ? ಮತ್ತು ಇಷ್ಟು ರಿಸ್ಕ್ ಇರುವ ಕೆಲಸಕ್ಕೆ ಸಂಬಳವೂ ಚೆನ್ನಾಗಿಯೇ ಇರಬೇಕಲ್ಲವೇ? ಎಂದು ತಮಾಷೆಯಾಗಿ ಪ್ರಶ್ನಿಸುತ್ತಾರೆ.
ಆದರೆ ಆ ಪೇಂಟರ್ ನೀಡಿದ ಉತ್ತರ ಸಾನಿಯಾ ಮಾತ್ರವಲ್ಲದೆ ಇಡೀ ಇಂಟರ್ನೆಟ್ ಅನ್ನೇ ದಬ್ಬಾಳಿಸಿದೆ:
- ತಿಂಗಳ ಸಂಬಳ: ಪೇಂಟಿಂಗ್ ಕೆಲಸದಿಂದಲೇ ತಾನು ತಿಂಗಳಿಗೆ 35,000 ರೂಪಾಯಿ ಸಂಪಾದಿಸುತ್ತಿರುವುದಾಗಿ ಆತ ತಿಳಿಸಿದ್ದಾನೆ.
- ಕೃಷಿ ಆದಾಯ: ಕೇವಲ ಪೇಂಟಿಂಗ್ ಮಾತ್ರವಲ್ಲದೆ, ತಾನು ಕಬ್ಬು ಬೆಳೆಗಾರನಾಗಿದ್ದು, ಕೃಷಿಯಿಂದ ವರ್ಷಕ್ಕೆ ಸುಮಾರು 10 ಲಕ್ಷ ರೂಪಾಯಿ ಆದಾಯ ಗಳಿಸುತ್ತಿರುವುದಾಗಿ ಹೇಳಿದ್ದಾನೆ.
- ಶಿಕ್ಷಣ ಮತ್ತು ಕುಟುಂಬ: ಆತ ಕೇವಲ ಕಾರ್ಮಿಕನಲ್ಲ, ಪದವಿ ಶಿಕ್ಷಣವನ್ನೂ (Degree) ಪಡೆದಿದ್ದಾನೆ. ಆತನ ಸಹೋದರ ಭಾರತೀಯ ಸೇನೆಯಲ್ಲಿದ್ದರೆ, ಸಹೋದರಿ ಬಿಹಾರ್ ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.
ನೆಟ್ಟಿಗರ ಪ್ರತಿಕ್ರಿಯೆ: ಈ ವಿಡಿಯೋ ನೋಡಿದ ಅನೇಕರು “ನಮ್ಮ ಡಿಗ್ರಿಗೆ ಬೆಲೆಯೇ ಇಲ್ಲದಂತಾಗಿದೆ” ಎಂದು ತಮಾಷೆಯಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಇನ್ನು ಕೆಲವರು, “ವೃತ್ತಿ ಯಾವುದಾದರೇನು, ಕಾಯಕವೇ ಕೈಲಾಸ. ಈತನ ಶ್ರಮ ಮತ್ತು ಪ್ರಾಮಾಣಿಕತೆ ನಮಗೆ ಮಾದರಿ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಯಾವುದೇ ಕೆಲಸ ಸಣ್ಣದಲ್ಲ ಮತ್ತು ಕೌಶಲ್ಯವಿದ್ದರೆ ಗೌರವಯುತವಾಗಿ ಬದುಕಬಹುದು ಎಂಬುದಕ್ಕೆ ಈ ಪೇಂಟರ್ ಸಾಕ್ಷಿಯಾಗಿದ್ದಾನೆ.
