ಬೀದಿ ವ್ಯಾಪಾರಿಗಳಿಗೂ ಬಂತು ಕ್ರೆಡಿಟ್ ಕಾರ್ಡ್ ಸೌಲಭ್ಯ: ಅರ್ಜಿ ಸಲ್ಲಿಸುವ ವಿಧಾನ ಮತ್ತು ಬೇಕಾಗುವ ದಾಖಲೆಗಳ ಸಂಪೂರ್ಣ ಮಾಹಿತಿ.

ನಮಗೆ ತುರ್ತಾಗಿ ಹಣದ ಅವಶ್ಯತೆ ಇದ್ದಾಗ ಕ್ರೆಡಿಟ್‌ ಕಾರ್ಡ್‌ ನಮ್ಮ ನೆರವಿಗೆ ಬರುತ್ತದೆ. ಆದರೆ, ಹೈಟೆಕ್ ಸಿಟಿಯ ಉದ್ಯೋಗಿಗಳಿಗೆ ಮಾತ್ರ ಸೀಮಿತವಾಗಿದ್ದ ಈ ಸೌಲಭ್ಯ ಈಗ ಬೀದಿ ಬದಿ ವ್ಯಾಪಾರಿಗಳ ಮನೆಬಾಗಿಲಿಗೂ ಬಂದಿದೆ. ಕೇಂದ್ರ ಸರ್ಕಾರವು ಬೀದಿ ಬದಿ ವ್ಯಾಪಾರಿಗಳನ್ನು ಡಿಜಿಟಲ್ ಆರ್ಥಿಕತೆಯ ಮುಖ್ಯವಾಹಿನಿಗೆ ತರಲು ‘ಪಿಎಂ ಸ್ವನಿಧಿ ಕ್ರೆಡಿಟ್ ಕಾರ್ಡ್’ ಎಂಬ ಕ್ರಾಂತಿಕಾರಿ ಯೋಜನೆಗೆ ಚಾಲನೆ ನೀಡಿದೆ.

ಜನವರಿ 23, 2026 ರಂದು ಕೇರಳದ ತಿರುವನಂತಪುರಂನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಮಹತ್ವದ ಯೋಜನೆಗೆ ಚಾಲನೆ ನೀಡಿದರು. ಇದರ ಸಂಪೂರ್ಣ ವಿವರ ಇಲ್ಲಿದೆ:

ಏನಿದು ಪಿಎಂ ಸ್ವನಿಧಿ ಕ್ರೆಡಿಟ್ ಕಾರ್ಡ್?
ಇದು ಪ್ರಧಾನ ಮಂತ್ರಿ ಬೀದಿ ಬದಿ ವ್ಯಾಪಾರಿಗಳ ಆತ್ಮನಿರ್ಭರ್ ನಿಧಿ (PM SVANidhi) ಯೋಜನೆಯಡಿ ಪರಿಚಯಿಸಲಾದ ಒಂದು ಹೊಸ ಸೌಲಭ್ಯ. ಇದು ವ್ಯಾಪಾರಿಗಳಿಗೆ ದೈನಂದಿನ ವ್ಯವಹಾರಕ್ಕೆ ಬೇಕಾದ ಬಂಡವಾಳವನ್ನು ತಕ್ಷಣ ಒದಗಿಸುವ ರಿವಾಲ್ವಿಂಗ್ ಕ್ರೆಡಿಟ್ ಸೌಲಭ್ಯವಾಗಿದೆ.ಈ ಕಾರ್ಡ್ ಅನ್ನು ನೀವು ನಿಮ್ಮ ಮೊಬೈಲ್‌ನ UPI ಅಪ್ಲಿಕೇಶನ್‌ಗಳಿಗೆ (GPay, PhonePe, Paytm) ಲಿಂಕ್ ಮಾಡಿ ನೇರವಾಗಿ ಪಾವತಿಗೂ ಬಳಸಬಹುದು.

ಪಿಎಂ ಸ್ವನಿಧಿ ಯೋಜನೆಯಡಿ ಬೀದಿ ಬದಿ ವ್ಯಾಪಾರಿಗಳಿಗೆ ದೊರೆಯುವ ಹಂತ-ಹಂತದ ಹಣಕಾಸಿನ ನೆರವಿನ ವಿವರ ಇಲ್ಲಿದೆ:

ಮೊದಲ ಹಂತ (First Tranche):

ಸಾಲದ ಮೊತ್ತ: ₹15,000 ವರೆಗೆ.

ಸೌಲಭ್ಯದ ಸ್ವರೂಪ: ಇದು ಆರಂಭಿಕ ಹಂತದ ಸಣ್ಣ ಸಾಲವಾಗಿದೆ (Term Loan). ವ್ಯಾಪಾರವನ್ನು ಪ್ರಾರಂಭಿಸಲು ಅಥವಾ ವಿಸ್ತರಿಸಲು ಈ ಮೊತ್ತ ನೆರವಾಗುತ್ತದೆ.

ಎರಡನೇ ಹಂತ (Second Tranche):

ಸಾಲದ ಮೊತ್ತ: ₹25,000 ವರೆಗೆ.

ಸೌಲಭ್ಯದ ಸ್ವರೂಪ: ಮೊದಲ ಹಂತದ ಸಾಲವನ್ನು ಯಶಸ್ವಿಯಾಗಿ ಮರುಪಾವತಿ ಮಾಡಿದವರಿಗೆ ಈ ‘ಕಾರ್ಯನಿರತ ಬಂಡವಾಳ ಸಾಲ’ (Working Capital Loan) ದೊರೆಯುತ್ತದೆ.

ಮೂರನೇ ಹಂತ (Third Tranche):

ಸಾಲದ ಮೊತ್ತ: ₹10,000 ದಿಂದ ₹30,000 ವರೆಗೆ.

ಸೌಲಭ್ಯದ ಸ್ವರೂಪ: ಇದು ಯೋಜನೆಯ ಅತ್ಯಾಧುನಿಕ ಹಂತವಾಗಿದ್ದು, ಅರ್ಹ ವ್ಯಾಪಾರಿಗಳಿಗೆ ‘UPI ಲಿಂಕ್ಡ್ ಕ್ರೆಡಿಟ್ ಕಾರ್ಡ್’ ಸೌಲಭ್ಯವನ್ನು ನೀಡಲಾಗುತ್ತದೆ. ಇದನ್ನು ದೈನಂದಿನ ವ್ಯಾಪಾರದ ಅಗತ್ಯಗಳಿಗಾಗಿ ಡಿಜಿಟಲ್ ರೂಪದಲ್ಲಿ ಬಳಸಬಹುದು.

ಅರ್ಜಿ ಸಲ್ಲಿಸಲು ಬೇಕಾದ ಅಗತ್ಯ ದಾಖಲೆಗಳ ಪಟ್ಟಿ ಇಲ್ಲಿದೆ:

ಆಧಾರ್ ಕಾರ್ಡ್: ನಿಮ್ಮ ಗುರುತು ಮತ್ತು ವಿಳಾಸದ ಪುರಾವೆಗಾಗಿ ಅತ್ಯಗತ್ಯ.

ಲಿಂಕ್ ಆದ ಮೊಬೈಲ್ ಸಂಖ್ಯೆ: ಆಧಾರ್ ಕಾರ್ಡ್‌ಗೆ ನಿಮ್ಮ ಸಕ್ರಿಯ ಮೊಬೈಲ್ ಸಂಖ್ಯೆ ಲಿಂಕ್ ಆಗಿರಬೇಕು (OTP ಪರಿಶೀಲನೆಗಾಗಿ).

ಬ್ಯಾಂಕ್ ಪಾಸ್‌ಬುಕ್: ಸಾಲದ ಹಣ ಜಮೆಯಾಗಲು ಬ್ಯಾಂಕ್ ಖಾತೆ ಮತ್ತು ಅದರ ವಿವರಗಳು (IFSC ಕೋಡ್) ಬೇಕು.

ಗುರುತಿನ ಪತ್ರ (LoR) ಅಥವಾ ಪ್ರಮಾಣ ಪತ್ರ: ಸ್ಥಳೀಯ ಸಂಸ್ಥೆಗಳು (ULB) ನೀಡಿದ ಬೀದಿ ಬದಿ ವ್ಯಾಪಾರಿಗಳ ಗುರುತಿನ ಚೀಟಿ ಅಥವಾ ಪ್ರಮಾಣ ಪತ್ರ.

ಮರುಪಾವತಿ ದಾಖಲೆ (ಮೂರನೇ ಹಂತಕ್ಕೆ ಮಾತ್ರ): ಮೊದಲ ಎರಡು ಹಂತದ ಸ್ವನಿಧಿ ಸಾಲಗಳನ್ನು ಯಶಸ್ವಿಯಾಗಿ ಮರುಪಾವತಿ ಮಾಡಿದ ದಾಖಲೆ ಅಥವಾ ಮಾಹಿತಿ.

ಭಾವಚಿತ್ರ: ಅರ್ಜಿದಾರರ ಇತ್ತೀಚಿನ ಪಾಸ್‌ಪೋರ್ಟ್ ಅಳತೆಯ ಫೋಟೋ