ದಿನವಿಡೀ ಕೆಲಸ ಮಾಡಿ ಸುಸ್ತಾದಾಗ ಅಥವಾ ಮಧ್ಯಾಹ್ನದ ಊಟಕ್ಕೆ ಏನಾದರೂ ಹಗುರವಾದ ಮತ್ತು ಪೌಷ್ಟಿಕಾಂಶಯುಕ್ತ ಆಹಾರ ಬೇಕೆನಿಸಿದಾಗ ‘ಕಾರ್ನ್ ಪಾಲಕ್ ಖಿಚಡಿ’ ಅತ್ಯುತ್ತಮ ಆಯ್ಕೆ. ಪಾಲಕ್ ಸೊಪ್ಪಿನಲ್ಲಿರುವ ಕಬ್ಬಿಣಾಂಶ ಮತ್ತು ಸ್ವೀಟ್ ಕಾರ್ನ್ನಲ್ಲಿರುವ ಫೈಬರ್ ಅಂಶವು ದೇಹಕ್ಕೆ ಶಕ್ತಿಯನ್ನು ನೀಡುತ್ತದೆ. ಇದನ್ನು ತಯಾರಿಸುವುದು ಕೂಡ ಅಷ್ಟೇ ಸುಲಭ.
ಅಗತ್ಯವಿರುವ ಸಾಮಗ್ರಿಗಳು: 4 ಕಪ್ ಹೆಚ್ಚಿದ ಪಾಲಕ್ ಸೊಪ್ಪು, 1 ಕಪ್ ಬಾಸುಮತಿ ಅಕ್ಕಿ, ಅರ್ಧ ಟೀ ಚಮಚ ಹೆಸರುಬೇಳೆ, 2 ಕಪ್ ಸ್ವೀಟ್ ಕಾರ್ನ್, ಈರುಳ್ಳಿ, ಟೊಮೆಟೊ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಹಸಿಮೆಣಸಿನಕಾಯಿ, ಬೆಣ್ಣೆ ಅಥವಾ ತುಪ್ಪ, ಜೀರಿಗೆ ಪುಡಿ, ಗರಂ ಮಸಾಲಾ, ಕೊತ್ತಂಬರಿ ಪುಡಿ, ಚಕ್ಕೆ, ಲವಂಗ, ಏಲಕ್ಕಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು.
ತಯಾರಿಸುವ ವಿಧಾನ:
- ಅಕ್ಕಿ ಮತ್ತು ಬೇಳೆ ತಯಾರಿ: ಮೊದಲು ಅಕ್ಕಿ ಮತ್ತು ಬೇಳೆಯನ್ನು 30 ನಿಮಿಷಗಳ ಕಾಲ ನೆನೆಸಿಡಿ. ನಂತರ ಕುಕ್ಕರ್ನಲ್ಲಿ ಅಕ್ಕಿ, ಬೇಳೆ, ಅರಿಶಿನ, ಉಪ್ಪು ಮತ್ತು 2 ಕಪ್ ಸ್ವೀಟ್ ಕಾರ್ನ್ ಸೇರಿಸಿ 3 ವಿಸ್ಲ್ ಬರುವವರೆಗೆ ಬೇಯಿಸಿ.
- ಪಾಲಕ್ ಪ್ಯೂರಿ: ಪಾಲಕ್ ಸೊಪ್ಪನ್ನು ಸ್ವಲ್ಪ ನೀರಿನೊಂದಿಗೆ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳಿ.
- ಮಸಾಲಾ ಗ್ರೇವಿ: ಒಂದು ಬಾಣಲೆಯಲ್ಲಿ ತುಪ್ಪ ಅಥವಾ ಎಣ್ಣೆ ಬಿಸಿ ಮಾಡಿ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಹೆಚ್ಚಿದ ಈರುಳ್ಳಿ ಮತ್ತು ಟೊಮೆಟೊ ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ಇದಕ್ಕೆ ಉಳಿದ ಸ್ವೀಟ್ ಕಾರ್ನ್ ಸೇರಿಸಿ.
- ಮಿಶ್ರಣ: ಈಗ ತಯಾರಿಸಿದ ಪಾಲಕ್ ಪ್ಯೂರಿ, ಖಾರದ ಪುಡಿ, ಗರಂ ಮಸಾಲಾ ಮತ್ತು ಕೊತ್ತಂಬರಿ ಪುಡಿ ಸೇರಿಸಿ ಚೆನ್ನಾಗಿ ಕುದಿಸಿ. ನಂತರ ಕುಕ್ಕರ್ನಲ್ಲಿ ಬೇಯಿಸಿದ ಅಕ್ಕಿ-ಬೇಳೆ ಮಿಶ್ರಣವನ್ನು ಇದಕ್ಕೆ ಸೇರಿಸಿ 3-4 ನಿಮಿಷ ಬೇಯಿಸಿ.
- ಒಗ್ಗರಣೆ (Tadka): ಮತ್ತೊಂದು ಸಣ್ಣ ಬಾಣಲೆಯಲ್ಲಿ ತುಪ್ಪ ಬಿಸಿ ಮಾಡಿ ಜೀರಿಗೆ, ಚಕ್ಕೆ, ಲವಂಗ, ಏಲಕ್ಕಿ, ಕರಿಬೇವು, ಸಣ್ಣಗೆ ಹೆಚ್ಚಿದ ಬೆಳ್ಳುಳ್ಳಿ ಮತ್ತು ಹಸಿಮೆಣಸಿನಕಾಯಿ ಹಾಕಿ ಒಗ್ಗರಣೆ ಸಿದ್ಧಪಡಿಸಿ. ಇದನ್ನು ಬಿಸಿಬಿಸಿಯಾದ ಖಿಚಡಿಯ ಮೇಲೆ ಸುರಿದರೆ ಘಮಘಮಿಸುವ ಕಾರ್ನ್ ಪಾಲಕ್ ಖಿಚಡಿ ಸಿದ್ಧ.
ಪರಿಪೂರ್ಣ ರುಚಿಗಾಗಿ ಟಿಪ್ಸ್: ಖಿಚಡಿಯನ್ನು ಬಿಸಿಬಿಸಿಯಾಗಿರುವಾಗಲೇ ಮೊಸರು ಅಥವಾ ಉಪ್ಪಿನಕಾಯಿಯೊಂದಿಗೆ ಸವಿಯಿರಿ. ಕೊನೆಯಲ್ಲಿ ಮೇಲೆ ಸ್ವಲ್ಪ ತುಪ್ಪ ಸವದಿದರೆ ರುಚಿ ದ್ವಿಗುಣಗೊಳ್ಳುತ್ತದೆ.
